Selemia 2:5 - Tosi Tapu

⁵ E masau le Eteleno, o pati : Kolea le veli leia na maua e okoutou tamana iate au, Ke lotou fakamamao ai iate au, Ti ke lotou mulimuli ai i ni nea noa, Ke lotou liliu ai ko ni nea noa ?

Selemia 2:5 ပူးပေါင်းရင်းမြစ်များ

Lua tosi o Sau 17:15

Na lotou tiaki loa ana lao, mo le sai leia na fai e ia mo olatou tamana, ti mo valoki ala na fai e ia kia latou. Na lotou ano loa i muli o ni nea noa ti na lotou liliu loa ko ni nea noa, ti mo muli o atu puleaga ala na nonofo i olatou tafatafa, ala na tapui e le Eteleno kia latou ke fakatatau ki ai.

Pesalemo 115:8

E lotou tatau mo taulaatua, latou ala e fau ia latou Latou fuli ala e fanaki ki taulaatua.

Esaia 29:13

Koia e pati ai le Aliki : Ka fakafeofi mai le kakai leinei kiate au, E fakamauiga e ia au i lona gutu mo ona laugutu ; Kae e mamao lona loto iate au, Ti ko le i leia e maua e ia kiate au Ko se pelesepeto o le talatisio a le tagata.

Esaia 44:9

Ko latou fuli ala e fau ia ni taulaatua ko nea noa, Ti e leaise aoga alatou gaoi fulumalie fuli ; E lotou fakamaoki totonu : E leaise lotou tio, e leai solatou atamai, O tupu ke lotou luma.

Esaia 46:12

Kotou fakalogo mai kiate au, kakai loto fefeka, Ala ko fili o le maoki !

Selemia 10:8

Ko latou fuli fakatasi, e lotou sala atamai mo valelea ; E leaise uiga lolatou poto, ko se laakau a ia !

Selemia 12:2

Na ke to latou, ti kua lotou tauaka ; E lotou lalasi, e lotou fua ; E ke ofi ki lolatou gutu, Kae e ke mamao i lolatou loto.

Selemia 14:22

Pe i ai ni iki i taulaatua o atu puleaga e mafai ke fakato ia se ua ? Pe feala ke soli e le lagi le ua ? Pe leaise ko koe fai, Eteleno, lomatou Atua ? E motou amanaki malie ai kiate koe, Talie ko koe leia na fai ia a nea fuli ana.

Selemia 2:31

Tagata o le tautupu leinei, kotou tokaga mua ki le folafola a le Eteleno ! Pe na kau liliu ko se toafa ki Iselaele, Pe ko se fenua leia e matotolu ai le fakapouli ? Kolea e pati ai loku kakai : E motou lauatea, E leaise motou fia liliu kiate koe ?

Selemia 2:4

Kotou fakalogo mai ki le folafola a le Eteleno, fale o Sakopo, Ti mo koutou fuli, famili o le fale o Iselaele !

Selemia 8:19

Ko leinei kua logo a tagi o le taine o loku kakai Mei se kele mamao : Pe leaise koi nofo le Eteleno i Sione ? Pe leaise koi nofo lona sau iate ia ? Kolea na lotou fakatupu ai loku sausau ki alatou fakatata laakau, Ki ni taulaatua matapule ?

Esekiele 11:15

Vosa o le tagata, ko ou fetaina, io, ko ou fetaina totonu, Ala o lou famili, ti mo le fale katoa o Iselaele, Ala e pati ki ai le kakai o Selusalemi : Kotou nonofo mamao i le Eteleno, Na soli mai le fenua kia matou ke motou maua tofiga.

Esekiele 14:5

O tupu ke maua i olatou loto totonu latou o le fale o Iselaele ala kua fakamamao iate au mo olatou taulaatua fuli.

Sonasi 2:8

I le temi leia na gaegae ai loku laumalie iate au, Na kau manatui a koe, Eteleno, Ti na kaku laku kole kiate koe, I lou faletapu maokioki.

Mateo 15:8

E fakaapaapa le kakai nei kiate au i olatou laugutu, Kae e mamao olatou loto iate au.

Gaoi 14:15

Ei tagata, kolea e kotou fai ai le nea lena ? Ko maua foki, ko ni tagata e natula tatau mo koutou ; ti e ma fakasa atu kia koutou se logo malie, ti e ma kole atu kia koutou ke kotou fakafiti ki nea vaiga ana, kae ke kotou tafoki ki le Atua mauli, leia na fakatupu ia le lagi, mo le kele, mo le tai, ti mo nea fuli i ai.

Loma 1:21

Talie kua lotou iloa le Atua, kae na leaise lotou fakakololia kiate ia ko le Atua, ti na leaise lotou fakafetai kiate ia ; kae na lotou sese i ni fakakaukau vaiga, ti kua apele olatou atamai valelea i le fakapouli.

Tetelonome 32:21

Na lotou lagai loku finenonofo ki se nea leia e leaise Atua, Na lotou fakatupu loku sausau ki olatou atua noa ; Ti ko au, e kau lagai loa lolatou finenonofo ki se nea leia e leaise ko se kakai, Ti e kau fakatupu ia loa lolatou ita ki se puleaga leia e sala atamai.

Uluaki tosi a Samuele 12:21

Aua na kotou maliu kese loa meiate ia ; talie na kotou muli loa i ni nea noa, ala e leaise aoga, ti e leaise saofaki ia, talie ko nea noa.