Selemia 2:34 - Tosi Tapu

³⁴ E maua foki i le tapatapa o lou kofu Le toto o le kau agatonu, Ala na leaise ke maua e fakamakeke ia lou matapa.

Selemia 2:34 ပူးပေါင်းရင်းမြစ်များ

Lua tosi o Sau 21:16

Na liligi foki e Manase le toto mea o lasi ai, o kaku ki le fakaapele o Selusalemi mei leia a potu ki leia a potu, kae kese fai a agasala fuli ala na fai e ia ti na fakaagasalai ai e ia a Suta, o fai le nea leia e veli ki mata o le Eteleno.

Lua tosi o Sau 24:4

ti mo le toto leia na liligi noa e Manase, ti mo tukipo ala na fakaapele e ia ki ai a Selusalemi. Koia na leaise loto ai le Eteleno ke fakamolemole kia latou.

Ekesote 22:1

Kapau e kaia e se tagata se pipi pe ko se akeno, ti e tamate e ia a ia pe fakatau e ia a ia, e liufaki loa e ia ni pipi e lima ke totogi ai le pipi mo ni akeno e fa ke totogi ai le akeno.

Ekesote 22:2

Kapau e mautoka se tagata e lolotoga kaia i le pouli, ti na taai a ia o mate, e leaise lau loa le nea lena ko se tukipo ;

Esaia 57:5

Ala e faiaga i tafa o ni laakau lalasi, I lalo o laakau sesega fuli, Ala e tamate ia ni toe i vaivailiua, I lalo o mafaa o utu ?

Esaia 59:3

Talie e kelekele okoutou lima i le toto, Ti mo okoutou maikao i agaveli ; E masau loi okoutou laugutu, E puaki e okoutou alelo le veli.

Esaia 59:7

E makape olatou vae ki le veli, Ti e lotou fakatavili o liligi le toto mea ; Ko alatou manatu ko ni manatu o le agasala, Ti e maua i olatou ala le kaia mo le maumau.

Selemia 19:4

O tupu kua lotou tiaki au, ti kua lotou fakakelekele le ganea leinei, Kua lotou momoli i ai le iseso ki ni atua kese Ala na leaise lotou iloa, e latou, mo olatou tamana, mo sau o Suta, Ti kua lotou fakaapele le ganea leinei ki le toto mea ;

Selemia 2:33

E ke poto lasi ai i ou ala, o afa le nea leia e ke alofa ki ai ! E ke fai foki a ia o kaku ki le tukipo.

Selemia 6:15

Pe lotou luma loa, talie e lotou fai ni nea fakalialia ? E leaise lotou kukula fua, e leaise lotou iloa le luma ; Koia e lotou vivilo fakatasi loa mo latou ala e vivilo, E lotou sisiga loa i le aso leia e kau tautea ai loa latou, E pati le Eteleno.

Selemia 7:31

Na lotou fakatuu ni ganea taualuga i Tofete, i le vaivailiua o Pene-Inome, ke tutu ai i le afi olatou vosa mo olatou taineliki : Nea leia na leaise kau fakatotonu fua ke fai, Nea leia na leaise au fua ki laku fakakaukau.

Selemia 7:6

Kapau e leaise kotou fakamamae le matapule, mo le toe sala matua, mo le fafine lokonui, Kapau e leaise kotou liligi le toto mea i le ganea leinei, Ti kapau e leaise kotou ano ki ni iki ake atua ke kotou malaia ai,

Selemia 8:12

Pe lotou luma loa, talie e lotou fai ni nea fakalialia ? E leaise lotou kukula fua, e leaise lotou iloa fua le luma. Koia leia e lotou vivilo loa mo latou ala e vivilo, E lotou sisiga loa i le aso leia e kau tautea ai loa latou, E pati le Eteleno.

Tagi laulau a Selemia 1:9

Na maua le kelekele i kapa o lona kofu, ti na leaise manatu a ia ki lona fakaoki ; Na vilo fakapunamauli a ia, ti e leaise tasi e fakapelepele ia a ia. Tio ki loku mativa, ei Eteleno ! E lasi ai le matasoka o le fili !

Tagi laulau a Selemia 4:14

Kua lotou sese i ala ofaipe ni kivi, Kua lotou kelekele fuli i le toto ; E leaise koi feala Ke fafa ki olatou kofu.

Esekiele 20:31

I lakoutou fai akoutou moliga, i lakoutou tuku ke fakalaka akoutou fanau i le afi, e kotou toe fakakelekele foki koutou i le aso nei ki okoutou taulaatua fuli. Ti ko au, pe kau tuku loa ke koutou afa au, e koutou, fale o Iselaele ? E pati le Aliki, le Eteleno : E kau mauli ! e leaise kau tuku loa ke kotou afa au.

Esekiele 22:25

Kua kau fakatasi ana kau polofeta i loto o ona ; ofaipe ni laione fekai ala e sae ia alatou nea kai, ti kua lotou kai a laumalie, ti kua lotou too a koloa mo nea mauiga, ti kua lotou fakaapi le kau fafine lokonui i loto malie o ona.

Esekiele 23:45

Kae e fakamaau loa laua e ni tagata agatonu, Ofaipe le fakamaau o ni fafine tono, Ofaipe le fakamaau o ni fafine ala na liligi ia le toto ; O tupu ko ni fafine tono laua, ti e maua se toto i ola lima.

Esekiele 24:7

Talie e maua i loto malie o ona le toto leia na liligi e ia ; ti kua tuku e ia a ia i aluga o le utu, kae na leaise liligi e ia a ia ki le kele ke tanu e le efu.

Esekiele 9:9

Na tali mai loa a ia kiate au : Kua lasi ai le agaveli o le fale o Iselaele mo Suta ti kua fakalaka foki a ai ; kua apele le fenua i tukipo, ti kua apele le kolo i agatuu, talie e lotou pati : Kua tiaki e le Eteleno le fenua, ti e leaise tio le Eteleno ki se nea.