Selemia 2:20 - Tosi Tapu

²⁰ Kua fualoa ai lau fatii lau amoga, Lau motusi ou sai, Ti na ke pati : E leaise koi kau loto ke kau popula ! Kae i atu mauga liliki taualuga fuli, Ti mo lalo o laakau lalasi fuli, Kua ke punou ofaipe se fafine faiaga.

Selemia 2:20 ပူးပေါင်းရင်းမြစ်များ

Uluaki tosi o Sau 12:32

Na fakatuu loa e ia se aso lasi i le valu o masina, i le aso kau agafulu tupu lima, ofaipe le aso lasi leia e fakamanatu i Suta, ti na momoli loa e ia ni sakilifisio i le aletale. Ko leinei le nea leia na fai e ia i Petele, o tupu ke momoli ni sakilifisio ki pipi ala na fakatuu e ia. Na fakanofo loa e ia i Petele le kau pelepitelo o potu taualuga ala na fakatuu e ia.

Uluaki tosi o Sau 14:23

Talie na lotou toe laga foki kia latou ni potu taualuga, mo ni fakatata, ti mo ni taulaatua, i tumutumu o mauga liliki fuli ti mo lalo o laakau sesega fuli.

Pesalemo 107:14

Na fakamavae loa e ia latou i le fakapouli mo le malu o le mate, Ti na motusi loa e ia olatou sai.

Pesalemo 2:3

Ke tou motusi alatou sai, Ti ke tou tiaki olatou tini ki mamao !

Pesalemo 78:58

Na lotou fakatupu ia loa lona sausau ki olatou ganea taualuga, Ti na lotou fakatupu ia loa lona finenonofo ki olatou fakatata.

Ekesote 19:8

Na tali loa le kakai katoa : E motou fai loa a nea fuli ala kua pati ki ai le Eteleno. Ti na ave loa e Moisese a masau ana ki le Eteleno.

Ekesote 24:3

Na ano loa Moisese o fakasa ki le kakai a masau fuli a le Eteleno mo ana lao fuli. Ti na tali fakatasi loa le kakai katoa : E motou fai loa a nea fuli ala kua pati ki ai le Eteleno.

Ekesote 3:8

Kua kau ifo mai o fakamauli latou mei lima o le kau Esipito, mo fakamavae latou mei le fenua lena ki se fenua malie mo laulasi, ki se fenua leia e tafe ai le sua manu mo le meli, ki le fenua leia e nofo ai le kau Kanaane, mo le kau Eti, mo le kau Amole, mo le kau Felesi, ti mo le kau Sepusi.

Esaia 1:21

Kolea koia ! Kua liliu foki le kolo agatonu ko se fafine faiaga ! I mua na apele a ia i le fakaapaapa ki le lao, ti na nofo i ai le faitotonu ; Kae i le temi nei kua i ai ni tagata tukipo !

Esaia 10:27

I le aso lena, e too loa e ia lana amoga i lou tuauma, Ti mo lana laakau taki i lou ua Ti e maumaui loa e ia le laakau taki i lou ua.

Esaia 14:25

E kau fatii loa le Asilia i loku fenua ; E kau takatakafi loa a ia ki oku vae i oku mauga ; Ti e too loa lana laakau taki i loku kakai ko Iselaele, Ti e too loa lana kavega i olatou tuauma.

Esaia 9:4

Talie ko taka fuli ala na taka ki ai i le tau, Ti mo teu tau fuli ala na kelekele i le toto, E laku loa ki ulaula, Ke tutu latou e le afi.

Selemia 13:27

Kua kau tio ki au fai tono, mo ou oli veli, Mo au faiaga i mauga liliki mo faisaga, Ti kua kau tio ki au nea fakalialia. Malaia kiate koe, Selusalemi ! E ke talitali loa kiafea, ke fakamea a koe ?

Selemia 17:2

E tatau lalatou manatu ki alatou fanau mo lalatou manatu ki olatou aletale Ti mo olatou taulaatua o Asetalate i tafa o laakau lalasi, I mauga liliki taualuga.

Selemia 2:31

Tagata o le tautupu leinei, kotou tokaga mua ki le folafola a le Eteleno ! Pe na kau liliu ko se toafa ki Iselaele, Pe ko se fenua leia e matotolu ai le fakapouli ? Kolea e pati ai loku kakai : E motou lauatea, E leaise motou fia liliu kiate koe ?

Selemia 3:13

Ke ke vevete fua lau agasala, Ke ke vevete na ke agatuu ki le Eteleno, lou Atua, Na ke mulimuli i atua matapule, I lalo o laakau lalasi fuli, Ti na leaise ke fakalogo ki loku leo, e pati le Eteleno.

Selemia 30:8

I le aso lena, e pati le Eteleno o kau tau, E kau fatii loa lana laakau taki i lou ua, E kau motumotusi loa ou sai, Ti e leaise toe pule loa le kau matapule kiate koe.

Selemia 5:5

E kau ano loa ki le kau lalasi, ti e kau masau loa kia latou, Talie ko latou, e lotou iloa le ala o le Eteleno, Le lao o lolatou Atua ; Kae kua lotou fatii fulifuli le laakau taki, Kua lotou motusi a sai.

Esekiele 16:28

Na ke faiaga mo le kau Asilia, talie na leaise ke kaekae ; na ke faiaga mo latou ti na leaise ke kaekae aifai.

Esekiele 16:31

I le temi leia na ke fakatuu ai ou fale faiaga i uluaga o ala fuli, i le temi leia na ke teuteui ai ni ganea taualuga i lapalasi fuli, na leaise ke fai fua pe le fafine faiaga leia e afa ia sona totogi.

Esekiele 16:41

E lotou tutu loa ou fale ki le afi, ti e lotou tautea loa a koe i mua o ni kau fafine toka api. E kau fakagato loa i ai lau faiaga ti e leaise ke toe soli loa se totogi.

Esekiele 20:28

Na kau taki latou ki le fenua leia na kau fakapapau ke soli kia latou, kae na lotou tio ki ona potu taualuga fuli mo laakau sesega fuli ; ti na lotou fai loa i ai alatou failaulau, ti na lotou momoli loa i ai alatou moliga ala na fakatupu ia loku sausau, ti na lotou tutu loa i ai alatou kaloni manogi malie, ti na lotou liligi loa i ai lalatou lolo.

Esekiele 23:5

Na agatuu loa Olola kiate au ; Na oli makeke loa a ia ki ana feauaki, Ki le kau Asilia ala na nonofo i ona tafatafa,

Oseo 1:2

I le uluaki fakasa e le Eteleno lana folafola kia Ose, na pati le Eteleno kia Ose : Ano, o too se fafine faiaga mo ni fanau o le faiaga ; talie kua faiaga le fenua ti kua tiaki e ia le Eteleno !

Oseo 2:5

Talie ka leai, e kau fakatelefua loa a ia, ti e kau tuku loa a ia pe le aso leia na fanaui ai a ia, ti e kau fakaliliu loa a ia o tatau mo se toafa, mo se kele kaka, ti e kau tuku loa a ia ke mate i le fia inu.

Oseo 3:3

Ti na kau pati loa kiate ia : nofo mo au o fualoa, aua na ke toe valevalea loa, ti aua na ke toe tono loa ki se tagata, ti e kau agatonu loa kiate koe.

Oseo 4:13

Kua lotou fai ni failaulau i tumutumu o mauga, Kua lotou tutu le iseso i aluga o mauga liliki, I lalo o laakau lalasi, mo sene, mo popelie, mo telepate, Ala e malie olatou malu. Koia leia e faifeauaki ai okoutou taineliki, Ti e tono tagata okoutou fugao.

Oseo 9:1

Iselaele, aua na ke tuku a koe ki le fiafia, ki nekenekea, ofaipe la ake kakai. Talie kua ke tiaki le Eteleno i lau faiaga ; T alie kua ke alofa ki se totogi kelekele i ganea fuli ala e sasa ai le fulumeto !

Levitiko 26:13

Ko au ko le Eteleno, ko lokoutou Atua, leia na fakamavae ia koutou mei le fenua o Esipito, o tupu ke aua na kotou toe liliu o popula kia latou. Na kau motusi a tini o Esipito ala na sai ia koutou, ti na kau fakasaele ia koutou i le fia tagata.

Naume 1:13

E kau fatii loa i le aso nei lana amoga iate ia, Ti e kau motusi loa ou sai…

Tetelonome 12:2

Ke kotou maumaui loa a ganea tapu fuli ala e tausi ai ki olatou atua a puleaga ala ka kotou kapu loa, i tumutumu o mauga lalasi mo mauga liliki, mo lalo o laakau sesega fuli.

Tetelonome 15:15

E ke manatui loa na ke popula i le fenua o Esipito, ti na fakalauatea loa a koe e le Eteleno, lou Atua. Koia e kau tuku atu ai kiate koe i le aso nei le lao leinei.

Tetelonome 26:17

I le aso nei, na ke maua loa mei le Eteleno le fakapapau leia ke nofo a ia ko lou Atua, o tupu ke ke saele loa i ona ala, ti mo ke tausi loa ana lao, mo ana folafola, mo ana lekula, ti mo ke fakalogo loa ki lona leo.

Tetelonome 4:20

Kae ko koutou, kua too koutou e le Eteleno, ti na fakamavae e ia koutou mei le gutuumu ukamea o Esipito, ke kotou soko ko le kakai o lona tofiga totonu, ofaipe lakotou nofo i le aso nei.

Tetelonome 4:34

Pe ku i ai se Atua leia kua au o too kiate ia se puleaga i loto malie o se tasi puleaga, ki ni asiasi, mo ni fakamailoga, mo ni milakulo, mo ni tau, ki le lima makeke mo le lima falo, ki ni nea fakaii, ofaipe nea fuli ala na fai kia koutou e le Eteleno, lokoutou Atua, i Esipito i okoutou mata ?

Tetelonome 5:27

Fakafeofi a koe, o fakalogo ki nea fuli ala e fakasa loa e le Eteleno, lotatou Atua ; ti ke toe fakasa mai loa kia matou a nea fuli ala e fakasa atu loa e le Eteleno kiate koe. E motou fakalogo loa ki ana folafola ti e motou fai loa latou.

Sosue 1:16

Na lotou tali loa kia Sosue, o pati : E motou fai loa a nea fuli ala na ke tuku mai kia matou, ti e motou ano loa ki ganea fuli ala e ke kakau loa matou ki ai.

Sosue 24:24

Na pati loa le kakai kia Sosue : E motou tausi loa ki le Eteleno, lomatou Atua, ti e motou fakalogo loa ki lona leo.

Sosue 24:26

Na tosi loa e Sosue a nea ana i le tosi lao a le Atua. Na too loa e ia se fatu lasi, o fakatuu i lena i lalo o le Sene leia na tuu i le ganea tapu o le Eteleno.

Apokalipisi 17:1

Ti na au loa se tasi o aselo e fitu ala na too ia a ipu e fitu, o masau mai kiate au, o pati : Au, e kau fakasa atu loa kiate koe le fakamaaui o le fafine fai feauaki leia e ekeeke i aluga o atu vai lalasi.

Tuifakamaau 10:6

Na toe fai loa e fanau a Iselaele le nea leia na veli ki mata o le Eteleno : Na lotou tausi loa Paale mo Asetalate, ko atua o Silia, mo atua o Sitone, mo atua o Moape, mo atua o Amone, ti mo atua o le kau Filisitini. Na lotou tiaki loa le Eteleno ti na leaise lotou toe tausi loa kiate ia.

Tuifakamaau 2:11

Ti na fai loa e fanau a Iselaele le nea leia e veli ki mata o le Eteleno, ti na lotou tausi loa ki Paale.

Tuifakamaau 2:13

Na lotou tiaki loa le Eteleno kae lotou tausi loa kia Paale mo Asetalate.

Uluaki tosi a Samuele 12:10

Na lotou toe tagi loa ki le Eteleno, o pati : Kua motou agasala, talie kua motou tiaki le Eteleno, ti kua motou tausi ki fakatata o Paale mo Asetalate ; saofaki matou i le aso nei mei le lima o omatou fili, ti e motou tausi loa kiate koe.