Selemia 2:2 - Tosi Tapu

² Ano o kalaga ki taliga o Selusalemi : E folafola le Eteleno, o pati : E kau manatui lou alofa i le temi na ke ikiiki ai, Lou mamana i le temi na ke feauaki ai mo au, Leia na ke mulimuli ai iate au i le toafa, I se kele leia na leaise mauli ai se nea.

Selemia 2:2 ပူးပေါင်းရင်းမြစ်များ

Pesalemo 129:1

Katiko o le fanoga tapu. Kua lasi ai lalatou fakaveliveli kiate au talu mei loku ikiiki, - Ke pati Iselaele ! -

Ekesote 14:31

Na tio loa Iselaele ki le lima makeke o le Eteleno leia na vilo ki le kau Esipito. Ti na i loa le kakai ki le Eteleno, ti na tui loa a ia ki le Eteleno mo Moisese, lana tagata fakasausau.

Ekesote 16:8

Na pati loa Moisese : E soli loa e le Eteleno kia koutou i le afiafi leinei se kanoi manu ke kai ; ti i le usu apogipogi, e soli atu loa e ia se pane ke kotou makona ai, talie kua logo le Eteleno ki lauga ala na kotou fai kiate ia ; ti ko ai maua ? E leaise ko maua ala e kotou gugu ki ai, kae ko le Eteleno totonu leia e kotou gugu ki ai.

Taagapati 1:20

E kalaga le poto i ala, E siki ake e ia lona leo i potu apiapi ;

Katiko o Katiko 3:11

Kotou ulu ki fafo, taineliki o Sione, kotou tio Ki le sau ko Salomone, Mo le pala leia na fakapala ki ai lona ulu e lona tinana I le aso o lona feauaki, I le aso o le fiafia o lona loto.

Katiko o Katiko 3:6

Ko ai leia e pale mai i le toafa, Ofaipe ni pou afu, I loto malie o ni kokofu o le mila mo le iseso, Ti mo nea fakamanogi fuli a le kau fai koloa ?

Esaia 58:1

Kalaga i lou makeke katoa, aua na ke tataofi a koe, Siki ki aluga lou leo ofaipe se fakatagi pupusi, Ti ke fakasa ki loku kakai ana agaveli, Ki le fale o Sakopo ana agasala !

Selemia 11:6

Na pati mai loa le Eteleno kiate au : Fakasa a folafola fuli ana i kolo o Suta Ti mo ala fuli o Selusalemi, o pati : Kotou fakalogo ki folafola o le sai leinei, Ti kotou fai latou !

Selemia 19:2

Ano ki le vaivailiua o Pene-Inome, leia e tuu i le uluaga o le matapa o ipu kele ; ti e ke fakasa loa a folafola ala e kau tuku atu loa kiate koe i le ganea lena.

Selemia 2:1

Na tuku mai loa le folafola a le Eteleno kiate au, o pati :

Selemia 2:6

Na leaise lotou pati : Kofea le Eteleno, Leia na fakamavae ia matou i le fenua o Esipito, Leia na taki ia matou i le toafa, I se kele malo mo apele i popoko, I se kele leia e pule ai le taulaa mo le malu o le mate, I se kele leia e leaise ano ai fua se tasi, Ti e leaise nofo ai fua se tasi ?

Selemia 3:4

I le lakaga nei, e ke kalaga mai kiate au : Ko loku tamana a koe ! Ko loku kaukau nea a koe i loku ikiiki !

Selemia 7:2

Tuu i le matapa o le fale o le Eteleno, Ti ke fakasa le folafola leinei, Ti ke pati : Kotou fakalogo mai ki le folafola a le Eteleno, Koutou fuli, tagata o Suta, ala e ulu i matapa anei, Ke atolasio ki le Eteleno !

Esekiele 16:22

I loto malie o au aga fakalialia fuli mo au faiaga, na leaise ke manatu fua ki le temi leia na ke ikiiki ai, le temi leia na ke telefua ai, io, leia na ke telefua katoa ai, ti na ke maanu ai i lou toto.

Esekiele 16:60

Kae e kau toe manatui loa laku sai mo koe i le temi o lou ikiiki, ti e kau toe fai loa mo koe se sai lee gato.

Esekiele 16:8

Na kau toe fakalaka i ou tafa, ti na kau tio kiate koe, ti ko leinei, kua soko lou temi ki le alofa. Na kau folasi loa kiate koe le tapatapa o loku kofu, ti na kau uufi loa lou telefua, ti na kau fakapapau loa ke kau agatonu kiate koe, ti na kau fai loa mo koe se sai, e pati le Aliki, le Eteleno, ti na kau maua loa a koe ma aku.

Esekiele 23:19

Kae na liuliuga e ia ana faiaga, O manatu ki aso o lona ikiiki, Leia na faiaga ai i le fenua o Esipito.

Esekiele 23:3

Na la faiaga i Esipito, Na la faiaga i lola temi tupulaga ; I lena na amoamo ai ola u, I lena na fafa ai ki ola manava fakafafine taupoou.

Esekiele 23:8

Na leaise tiaki e ia ana faiaga i Esipito : Talie na lotou momoe mo ia i lona ikiiki, Na lotou amosi ona manava fakataupoou, Na lotou liligi kiate ia alatou faiaga.

Oseo 11:1

I le ikiiki o Iselaele, na kau alofa kiate ia, Ti na kau kalagai loku vosa ke mavae mei Esipito.

Oseo 2:15

E kau totogi loa kiate ia a aso ala na tutu ai e ia le iseso kia Paale, mo aso ala na teuteu ai a ia ki ona matemate mo ona tuikasoa, ti mo aso ala na ano ai a ia ki ana feauaki, kae na galoi e ia au, e folafola le Eteleno.

Oseo 2:17

I ai, e kau soli loa kiate ia ona faisaga vite mo le vaivailiua o Akole, ofaipe se matapa o le amanaki malie ; i ai, e sua loa a ia ofaipe lona temi ikiiki, ofaipe le temi leia na pale mai ai a ia mei le fenua o Esipito.

Oseo 2:7

Talie na faiaga lolatou tinana, ti ko leia na fakatupu ia latou na fai nea fakalumaluma, o pati : E kau ano loa ki aku feauaki, latou ala na soli ia mai kiate au laku pane, mo laku vai, mo laku fului manu, mo le kie tea, mo le lolo, ti mo laku vino.

Oseo 8:1

Fakatuu le fakatagi pupusi ki lou gutu ! E oso le fili ofaipe se akuila ki le fale o le Eteleno, O tupu na lotou maumaui laku sai, Ti na lotou patigataa ki laku lao.

Oseo 9:10

Na kau maua Iselaele ofaipe ni fuai vite i le toafa, Na kau tio ki okoutou tamana ofaipe uluaki fua o se fiki ; Kae na lotou ano kia Paale-Peoli, Na lotou fakatapu latou ki le taulaatua fakalialia, Ti na lotou liliu o fakalialia ofaipe le nea leia na lotou alofa ki ai.

Sonasi 1:2

Ke ke tuu ki aluga, o ano ki Ninive, ki le kolo lasi, ti ke kalaga ki ai ! Talie kua kaku mai ki oku mua lana agaveli.

Mateo 11:15

Ko leia e maua ni taliga ke fakalogo ke logo a ia.

Luka 12:13

Na pati loa se tasi kia Sesu, mei lotomalie o le kakai : Pule, pati mua ki loku taina ke vaelua mo au loma tofiga.

Tetelonome 2:7

Talie na tapuaki le Eteleno, lou Atua, kiate koe i au gaoi fuli, ti na leoleo e ia a koe i le lolotoga o lou fanoga i le toafa lasi leinei. Na nofo le Eteleno, lou Atua, mo koe i fetuu e kau fa, ti na leaise puli fua se nea e tasi leia na aoga kiate koe.

Tetelonome 33:3

Io, e alofa a ia ki puleaga ; E nofo ana kau sagato fuli i lona lima. E lotou tutuu i lalo o ou vae, E lotou tali au folafola.

Tetelonome 8:2

Ke ke manatui le ala katoa leia na taki ai a koe e le Eteleno, lou Atua, i fetuu ana e kau fa i le toafa, ke fakamamae ai a koe, ti ke asiasii ai a koe, ti ke iloa ai a anoaga o lou loto, pe ke tausi loa pe leai ana folafola.

Sakopo 4:4

Ei kau tono, pe leaise kotou iloa ko le alofa ki le malama nei ko le vesia a ia ki le Atua ? Ti ko leia e loto ke kaukau nea mo le malama nei e liliu a ia ko le fili o le Atua.

Apokalipisi 2:4

Kae ko le nea leia e kau fakafesagai ai kiate koe, talie kua ke tiaki lou uluaki alofa.