Selemia 2:19 - Tosi Tapu

¹⁹ E tautea loa a koe e lou agaveli, ti e taai loa a koe e lou agatuu. E ke iloa loa ti e ke tio loa ko se nea veli mo kona Le tiaki o le Eteleno, lou Atua, Ti mo le leaise maua se i kiate au, E pati le Aliki, le Eteleno o kau tau.

Selemia 2:19 ပူးပေါင်းရင်းမြစ်များ

Uluaki tosi o Sau 18:18

Na tali loa Elia : E leaise kau fakamaveuveu ia Iselaele ; ko koe mo le fale o lou tamana ala e fakamaveuveu ia Iselaele, talie kua kotou tiaki a fakatotonu a le Eteleno ti kua ke ano o tausi kia Paale.

Lua tosi o Koloniko 12:5

Na ano loa Semaesa, le polofeta, kia Lopoamo mo pule o Suta ala na sosola ki Selusalemi i le fakafeofi mai a Sisake, ti na pati loa Semaesa kia latou : Ko leinei le folafola a le Eteleno : Kua koutou tiaki au ; koia kua kau tiaki ai koutou, ti kua kau tuku ai koutou ki lima o Sisake.

Lua tosi o Koloniko 21:10

Na talu mei ai le agatuu a Etome ki le pule a Suta o kaku mai ki le aso nei. Na toe agatuu foki Lipena i le temi lena ki le pule a Suta, o tupu na tiaki e Suta le Eteleno, le Atua o ona tamana.

Lua tosi o Koloniko 25:16

I le lolotoga masau a le polofeta, na pati loa Amatesia kiate ia : Pe na motou fakanofo a koe ko le tagata tokoi o le sau ? Ano kese ! Kolea e ke loto ai ke tamate a koe ? Ti na ano loa le polofeta, o pati : E kau iloa kua fakatotonu e le Atua ke maumaui a koe, o tupu na ke fai a nea ana ti na leaise ke fia fakalogo ki laku tokoi.

Pesalemo 36:1

Ki le pule o le kau sua. A le tagata fakasausau a le Eteleno, a Tavite.

Ekesote 33:6

Na tatala loa e fanau a Iselaele olatou nea fakateuteu, ti na lotou fakamamao loa mei le mauga o Olepe.

Taagapati 1:31

E lotou kai loa ki le fua o lolatou ala, Ti e lotou makokona loa i alatou tokoi totonu,

Taagapati 1:32

Talie ko le fakatutuu a le kau sala atamai e tamate ia latou, Ti ko le fakalotonoa a le kau vale e maumau ia latou ;

Taagapati 5:22

E saisai le tagata agaveli e ana aga veveli totonu, E tapo a ia e va o lana agasala.

Esaia 3:9

E fakamaoki olatou mata kia latou, Ti e lotou fakasa fakalauatea alatou agasala ofaipe Sotoma. Malaia ki olatou laumalie ! Talie e lotou teuteu le malaia kia latou totonu.

Esaia 5:5

E kau fakasa atu loa kia koutou i le lakaga nei Le nea leia ka kau fai loa ki laku vite. E kau tata loa le a laakau, o tupu ke kai a ia e manu ; E kau maumaui loa le a, o tupu ke takatakafi a ia e le fenua.

Esaia 50:1

Ko leinei le folafola a le Eteleno : Kofea le tosi mavete leia na kau fakafiti ai ki lokoutou tinana ? Pe ko ai ia latou ala na kau tuu maua ki ai na kau fakatau koutou ki ai ? Ko leinei, na fakatau koutou o tupu ko akoutou agaveli. Ti na kapu lokoutou tinana o tupu ko akoutou agasala.

Selemia 1:16

E kau fakasa loa aku tautea kia latou, o tupu ko alatou agasala fuli, talie kua lotou tiaki au kae lotou momoli le iseso ki ni atua kese, ti kua lotou tausi ki gaoi o olatou lima.

Selemia 13:22

Kapau e ke pati i lou loto : Kolea e soko ai le nea leinei kiate au ? Se tupu ko le lasi o au agasala, Kua kutukutu a tapatapa o lou kofu, Ti kua telefua ou muli vae.

Selemia 2:17

Pe leaise soko le nea lena kiate koe, O tupu ko lau tiaki ia le Eteleno, lou Atua, Leia na taki ia a koe i le ala totonu ?

Selemia 3:22

Kotou tafoki mai kiate au, fanau agatuu : E kau fakamolemole loa akoutou agatuu. Ko nei matou, e motou ano kiate koe, Talie ko le Eteleno a koe, lomatou Atua.

Selemia 4:18

Ko le fua lena o ou ala mo au gaoi, Ko le fua lena o lou agaveli ; E maoki e kona le nea lena, e ulu a ia o kaku ki lou mafu.

Selemia 5:22

Pe leaise kotou i loa kiate au, e pati le Eteleno, Pe leaise kotou lulu loa i oku mua ? Ko au leia na soli ia le one ke fakagatogato ai le tai, Ko se koiga kua lau sekulo leia ke aua na fakalaka ai a ia ; Kapau e pale loa ona galu, kae e leaise lotou makeke ake loa ; Kapau e lotou gugulu, kae leaise lotou fakalaka loa i ai.

Selemia 5:24

E leaise lotou pati i olatou loto : Ke tou i ki le Eteleno, lotatou Atua, Leia e soli ia le ua i lona temi Le ua i mua mo le ua i muli, Ti e taupau ia kia tatou a vasaa ke tuuti ai le fulumeto.

Selemia 5:6

Koia e tamate ai latou e le laione o le vao, E maumaui ai latou e le lupo o le toafa, E lamalama ai latou e le taika i mua o olatou kolo ; Ko latou fuli ala e mavae loa i kolo e sae loa ; Talie kua lasi ai alatou agasala, ti kua liuliuga ai alatou agatuu.

Selemia 7:19

Pe ko au leia e lotou fakaitaita ? e pati le Eteleno ; Pe leaise ko latou totonu, Ke lotou luma ai ?

Selemia 8:5

Ti kolea e sese tuumau ai le kakai leinei o Selusalemi ? E lotou tuu makeke i le kaka, E lotou fakafiti ke tafoki.

Esekiele 23:30

E soko loa a nea ana kiate koe, O tupu ko lau faiaga ki atu puleaga, O tupu ko lau fakakelekele ki olatou taulaatua.

Esekiele 39:24

Na kau tautea latou o mulimuli ki alatou aga fakalialia mo alatou agasala, Ti na kau fufu kia latou oku mata.

Oseo 11:7

E pipiki loku kakai ke fakamamao iate au ; E toe fakamanatu kia latou le Taualuga, Kae e leaise tasi fua ia latou e fakavikiviki kiate ia.

Oseo 13:9

Ko le nea leia e tupu ai lou maumau, Iselaele, Ko lau agatuu kiate au, ki leia na feala ke saofaki ia a koe.

Oseo 14:1

Iselaele, toe liliu mai ki le Eteleno, lou Atua, Talie kua ke vilo o tupu ko lau agaveli.

Oseo 4:16

O tupu kua agatuu Iselaele ofaipe se pipi fafine muli leia e leaise mafai ke fakalalata, I le lakaga nei e fagai loa a ia e le Eteleno Ofaipe se akeno i ni faisaga lalasi.

Oseo 5:5

Ko le fia nealasi o Iselaele e fakamaoki kiate ia ; Ko Iselaele mo Efalaimi e vivilo loa i ala agasala totonu ; Ti ko Suta e vilo loa mo laua.

Oseo 7:2

E leaise lotou pati fua i olatou loto E kau iloa alatou agaveli ; I le lakaga nei e takatakai latou e alatou gaoi, E lotou tuu i oku mua.

Oseo 9:1

Iselaele, aua na ke tuku a koe ki le fiafia, ki nekenekea, ofaipe la ake kakai. Talie kua ke tiaki le Eteleno i lau faiaga ; T alie kua ke alofa ki se totogi kelekele i ganea fuli ala e sasa ai le fulumeto !

Amosi 8:10

E kau fetogi loa okoutou aso lafeti ki ni aso mamae, Ti mo akoutou sua fakafiafia ki ni tagi laulau, E kau fakasulu loa ki vakavaka fuli ni taga, Ti e kau fakatula loa a ulu fuli ; E kau tuku loa le fenua ke tagi mamae ofaipe ki se vosa fuatasi, Ti e fai loa lona fakaoki pe se aso kona.

Mikea 1:5

Ti ko nea fuli ana o tupu ko le agaveli a Sakopo, O tupu ko agasala o le fale o Iselaele ! Kolea le agaveli a Sakopo ? Pe leaise ko Samalia ? Koa ganea taualuga o Suta ? Pe leaise ko Selusalemi ?…

Sakalia 7:11

Kae na lotou patigataa o leaise lotou fakalogo, ti na lotou titua o tapono olatou taliga ke aua na lotou logo.

Loma 3:18

E leaise maua le i ki le Atua i olatou mua.

Tuifakamaau 10:13

Kae ko koutou, na kotou tiaki loa au kae kotou tausi loa ki ni atua kese. Koia na leaise kau toe saofaki ai loa koutou.