Selemia 2:17 - Tosi Tapu

¹⁷ Pe leaise soko le nea lena kiate koe, O tupu ko lau tiaki ia le Eteleno, lou Atua, Leia na taki ia a koe i le ala totonu ?

Selemia 2:17 ပူးပေါင်းရင်းမြစ်များ

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Lua tosi o Koloniko 15:2

ti na ano loa Asalia ki mua o Asa, o pati kiate ia : Kotou fakalogo mai, ei Asa, mo Suta, ti mo Pesamino katoa ! E nofo le Eteleno mo koutou mo ka e kotou nofo mo ia ; kapau e kotou afa a ia, e kotou maua loa a ia ; kae kapau e kotou tiaki a ia, e tiaki loa e ia koutou.

Sopo 34:27

Talie na lotou maliu kese iate ia, Talie na lotou tiaki ona ala,

Sopo 4:8

Kiate au, kua kau tio totonu ki ai, ko latou ala na to ia le agaveli Ti na muluki ia le agasala na toe utu ia a fua ;

Pesalemo 107:7

Na taki loa e ia latou i le ala totonu, O tupu ke lotou kaku ki se kolo leia e mafai ke lotou nonofo ai.

Pesalemo 136:16

Ko ia leia na taki ia lona kakai i le toafa, Talie e lee gato lona manava alofa !

Pesalemo 77:20

Na ke foa ia loa se ala i le tai, Se saeleaga i le takele o vai lalasi, Ti na leaise toe maua loa ou lakaaga.

Taagapati 15:10

E talitali se tautea mamafa ki leia na tiaki ia le ala o le maokioki ; Ti ko leia e vesia ki le valoki e mate loa.

Esaia 1:4

Malaia ki le puleaga agasala, ki le kakai kua mafaia i agaveli, Ki le sakoga o le kau agaveli, ki fanau fakalialia ! Kua lotou tiaki le Eteleno, ti kua lotou nukinuki ki le Maokioki o Iselaele. Kua lotou toe liliu ki muli…

Esaia 59:13

Io, na motou agasala ti na motou agatuu ki le Eteleno, Na motou tiaki lomatou Atua ; Na motou masau ki le agamakeke mo le agatuu, Na motou faufau mo fakakaukaui i omatou loto ni masau loi ;

Selemia 13:22

Kapau e ke pati i lou loto : Kolea e soko ai le nea leinei kiate au ? Se tupu ko le lasi o au agasala, Kua kutukutu a tapatapa o lou kofu, Ti kua telefua ou muli vae.

Selemia 19:4

O tupu kua lotou tiaki au, ti kua lotou fakakelekele le ganea leinei, Kua lotou momoli i ai le iseso ki ni atua kese Ala na leaise lotou iloa, e latou, mo olatou tamana, mo sau o Suta, Ti kua lotou fakaapele le ganea leinei ki le toto mea ;

Selemia 2:13

Talie na fai e loku kakai ni agasala e lua : Na lotou tiaki au, leia ko se matapuna o le vai mauli, Ti na lotou kenu kia latou ni sosoni, ni sosoni mafaafaa, Ala e leaise taofi ia le vai.

Selemia 2:19

E tautea loa a koe e lou agaveli, ti e taai loa a koe e lou agatuu. E ke iloa loa ti e ke tio loa ko se nea veli mo kona Le tiaki o le Eteleno, lou Atua, Ti mo le leaise maua se i kiate au, E pati le Aliki, le Eteleno o kau tau.

Selemia 4:18

Ko le fua lena o ou ala mo au gaoi, Ko le fua lena o lou agaveli ; E maoki e kona le nea lena, e ulu a ia o kaku ki lou mafu.

Selemia 44:3

O tupu ko le agaveli leia na lotou fai ke tupu ai loku sausau, o lotou ano o momoli le iseso ti mo tausi ki ni atua kese ala na leaise lotou iloa, e koutou, mo okoutou tamana.

Selemia 5:25

E tupu ko akoutou agasala na leaise soko ai a nea ana, Ko akoutou agasala ala na taofi ia a nea malilie ana ia koutou.

Esekiele 39:24

Na kau tautea latou o mulimuli ki alatou aga fakalialia mo alatou agasala, Ti na kau fufu kia latou oku mata.

Oseo 13:9

Ko le nea leia e tupu ai lou maumau, Iselaele, Ko lau agatuu kiate au, ki leia na feala ke saofaki ia a koe.

Mikea 1:5

Ti ko nea fuli ana o tupu ko le agaveli a Sakopo, O tupu ko agasala o le fale o Iselaele ! Kolea le agaveli a Sakopo ? Pe leaise ko Samalia ? Koa ganea taualuga o Suta ? Pe leaise ko Selusalemi ?…

Numelo 32:23

Kae kapau e leaise kotou fai fenaaki loa, e kotou agasala loa ki le Eteleno ; ti ke kotou iloa e toe maua loa koutou e lakoutou agasala.

Tetelonome 32:10

Na maua e ia a ia i se fenua malo, I se toafa lavaki mo gugulu. Na puipui e ia a ia, ti na tokaga a ia kiate ia. Na tausi e ia a ia ofaipe le tiloga o lona mata.

Tetelonome 32:19

Na tio loa le Eteleno ki le nea lena, ti na logoi loa e ia le vesia, O tupu kua gologolo kiate ia ona vosa mo ona taineliki.