Selemia 2:15 - Tosi Tapu

¹⁵ E gugulu kiate ia a uviki laione, mo itaita kiate ia, Ti e lotou maumaui lona fenua. Kua tutu ona kolo, ti e leaise koi nofo i ai ni kakai.

Selemia 2:15 ပူးပေါင်းရင်းမြစ်များ

Sopo 4:10

E fakagato e ia le gugulu a laione, Ti e fatifatii e ia a nifo o uviki laione.

Pesalemo 57:4

Ti e kakau loa e ia mei le lagi lona saofaki kiate au, Kae lolotoga lauveli kiate au leia e tuli ia au ; - Manava. E kakau mai loa e le Atua lona agamalie mo lona agatonu kiate au.

Esaia 1:7

Kua maumaui lokoutou fenua, Kua tutu okoutou kolo e le afi, Ko ni kakai kese ala kua kai ia a koloa o lokoutou fenua i okoutou mata, E lotou kaia a ia mo maumaui, ofaipe ni kau kaikivao.

Esaia 24:1

Ko leinei, kua maumaui e le Eteleno le fenua, o fakaliliu a ia ko se toafa ; Kua fakamaveuveu e ia le malama nei, ti kua fakamavetevete e ia lona kakai.

Esaia 5:29

E fai lana gugulu pe le tagi a le laione fafine ; E tagi a ia ofaipe ni uviki laione, e gugulu a ia ti e uuti e ia lana nea kai ; E ave e ia a ia, ti e leaise tasi e au o taofi a ia.

Esaia 5:9

Ko leinei le nea leia na fakasa mai kiate au e le Eteleno o kau tau : E kau fakamaoki atu kiate koe, e maumaui loa a fale mauke anei, Ti e leaise toe nofoi loa e ni iki a fale lalasi ana mo fulumalilie.

Esaia 6:11

Na kau pati : E kaku loa kiafea Aliki ? Ti na tali loa a ia : E kaku loa ki le maumaui o kolo Ti mo lolatou tuku ke lavaki ; E kaku ki le aso leia e leaise toe maua ai loa se tagata i fale, Ti e maumaui ai loa le fenua e le lavaki ;

Selemia 10:22

Ko leinei, e tau mai se logo ; Ko se logoa lasi leia e au mei le potu noleto, Ke fakaliliu ia a kolo o Suta ko se toafa, Ko se nofoaga o kuli vao.

Selemia 25:30

Ti ko koe, e ke kikite loa kia latou a nea fuli ana, Ti e ke pati loa kia latou : E gugulu loa le Eteleno mei aluga ; E fakagugulu loa e ia lona leo mei lona nofoaga maokioki ; E gugulu loa a ia ki le ganea leia e tuu ai lona nofoaga ; E kalaga loa a ia ofaipe latou ala e takatakafi ia le fua o le vite i le ganea tatau vite, Ki kakai fuli o le malama nei.

Selemia 25:9

E kau kakau loa ke ano o afa mai a atu puleaga fuli o le potu noleto, e pati le Eteleno, ti e kau kakau loa ke au laku tagata fakasausau ko Nepukatenesale, sau o Papilone : E kau kakau mai loa a ia ke au o taui le fenua leinei mo lona kakai, mo puleaga fuli i ona tafatafa, o tupu ke maumaui fuli latou, ti ke fakaliliu le fenua leinei ko se kele maumau, leia ka kata loa ki ai mo mapu loa ki ai i lona fakaii.

Selemia 26:9

Kolea e ke kikite ai i le suafa o le Eteleno, o pati : E fai loa le fale leinei pe Silo, ti e maumaui loa le kolo leinei, ti e leaise toe nofoi loa a ia ? Ti na mumui loa le kakai katoa kia Selemia i le fale o le Eteleno.

Selemia 33:10

Koia e folafola ai le Eteleno, o pati : E toe logo loa i le ganea leinei Leia e kotou pati ki ai : E toafa a ia, sala tagata mo sala manu ; E toe logo loa i kolo o Suta ti mo ala o Selusalemi, Ala kua maumau, mo sala tagata, mo sala kakai, ti mo sala manu,

Selemia 34:22

E pati le Eteleno : E kau tuku loa aku fakatotonu ti e kau toe fakaliliu mai loa latou ki le kolo leinei ; e lotou taui loa a ia, ti e lotou maua loa a ia, ti e lotou tutu loa a ia ki le afi. Ti e kau fakaliliu loa a kolo o Suta ko se toafa, sala kakai.

Selemia 4:7

E sopo le laione mei lona ulu vao, Ko leia e maumau ia a atu puleaga e saele, kua mavae a ia i lona nofoaga, Ke maumaui lou fenua. E maumaui loa ou kolo, e leaise toe nofo loa se tasi i ai.

Selemia 44:22

Na leaise mafai loa e le Eteleno ke toe kataki atu a ia, o tupu ko le agaveli o akoutou gaoi, o tupu ko nea fakalialia ala kua kotou fai ; ti kua liliu lokoutou fenua ko se fenua maumau, ko se toafa, ko se nea fakatupu malaia, ofaipe le nea leia kua kotou tio ki ai i le aso nei.

Selemia 5:6

Koia e tamate ai latou e le laione o le vao, E maumaui ai latou e le lupo o le toafa, E lamalama ai latou e le taika i mua o olatou kolo ; Ko latou fuli ala e mavae loa i kolo e sae loa ; Talie kua lasi ai alatou agasala, ti kua liuliuga ai alatou agatuu.

Selemia 50:17

Ko Iselaele ko se ovi na sese noa, Leia na kapu e laione ; Na uluaki kai a ia e le sau o Asilia ; Ti na gugu ona ivi e Nepukatenesale, sau o Papilone.

Selemia 51:38

E lotou gugulu fakatasi loa ofaipe ni laione, E lotou tagi loa ofaipe ni uviki laione.

Selemia 6:8

Ei Selusalemi, tali le akonaki, Ke aua na kau fakamamao iate koe, Ke aua na kau fakaliliu a koe ko se toafa, Ko se fenua lavaki !

Selemia 9:10

E kau fia tagi mo tagi laulau o tupu ko atu mauga, E kau fia tagi laulau o tupu ko nofoaga o le toafa ; Talie kua vela, ti e leaise koi fakalaka se tasi i ai, E leaise koi logo i ai ki le tagi o kau manu ; Kua sosola a manu lele o le lagi mo manu o le vao, kua lotou pupuli.

Selemia 9:11

Io, e kau fakaliliu loa Selusalemi ko se kolo maumau, ko se mumuniaga o kuli vao, Ti e kau fakaliliu loa a kolo o Suta ko se toafa lavaki.

Esekiele 36:3

Kikite, o pati : E folafola le Aliki, le Eteleno : Io, o tupu kua loto mei potu fuli ke maumaui koutou mo folo koutou, Ke kotou liliu ko le kele o ni puleaga kese, O tupu kua kotou liliu ko le nea gologolo mo lauveli a atu kakai,

Esekiele 5:14

E kau fakaliliu loa a koe ko se toafa, ko se nea fakalumaluma ki puleaga ala e nonofo i lou takatakai, mo latou fuli ala e fakalaka i ou tafa.

Oseo 11:10

E lotou mulimuli loa i le Eteleno, leia e gugulu loa ofaipe se laione, Talie e gugulu loa a ia, ti e fekapu mai loa a fanau mei le tai.

Oseo 5:14

E kau fai loa pe se laione kia Efalaimi, Pe se uviki laione ki le fale o Suta ; Ko au, io ko au, e kau saei loa, ti e kau ano loa ; E kau fetuku loa, ti e leaise too loa e se tasi laku nea kai.

Amosi 3:12

Koia e folafola ai le Eteleno, o pati : Ofaipe le tagata tausi manu e taaki ia i le gutu o le laione Ni vae e lua pe ko se koga o se taliga, E fenaaki loa le fakamauli o fanau o Iselaele ala e tonatona i Samalia, I le tifi o se palepale, i aluga o ni tapi mei Tamaso.

Amosi 3:4

Pe gugulu le laione i le vaomatua, Kae e leikiaise maua e ia sana nea kai ? Pe tagi le uviki laione i lona ana, Kae e leikiaise tapo e ia se manu ke kai ?

Amosi 3:8

E gugulu le laione : Ko ai e leaise i loa ? E folafola le Aliki, le Eteleno : ko ai e leaise kikite loa ?

Naume 2:11

E kaia, e maumaui, e fetuku ! Ti kua gaegae a loto, Kua mapelu a tuli ki lalo, Kua mamae a ifiifi, Kua fakalaulautetea a mata.

Sofoni 1:18

E leaise mafai loa ke saofaki latou e lalatou paaga mo lalatou aulo, I le aso o le sausau o le Eteleno ; E tutu loa le fenua katoa e le afi o lona finenonofo ; Talie e maumaui fakapunamauli loa e ia a kakai fuli o le fenua.

Sofoni 2:5

Malaia ki kakai o mata tai, ki le puleaga o le kau Keleti ! Na masau le Eteleno kiate koe, Kanaane, fenua o le kau Filisitini ! E kau maumaui loa a koe, e leaise ke toe maua ia loa sou kakai.

Sofoni 3:6

Na kau tuuti ni puleaga ; kua maumau olatou tule ; Na kau maumaui olatou ala, e leaise tasi koi fakalaka i ai ! Kua maumau olatou kolo, e leaise koi maua se tagata, e leaise koi maua se tasi ke nofo i ai !

Sakalia 11:3

Kua tagi laulau le kau tausi manu, Talie kua maumau lolatou kololia ; Kua fetagisi a uviki laione, Talie kua ti ki lalo le fia nealasi o le Solotane.

Tuifakamaau 14:5

Na ifo loa Samisoni mo lona tamana ti mo lona tinana ki Timina, ti na lotou kaku loa ki faisaga vite o Timina ; ti fokifa kua oso ake se laione muli kiate ia.