Selemia 2:13 - Tosi Tapu

¹³ Talie na fai e loku kakai ni agasala e lua : Na lotou tiaki au, leia ko se matapuna o le vai mauli, Ti na lotou kenu kia latou ni sosoni, ni sosoni mafaafaa, Ala e leaise taofi ia le vai.

Selemia 2:13 ပူးပေါင်းရင်းမြစ်များ

Lua tosi o Sau 22:17

Talie na lotou tiaki au ti na lotou momoli ni nea fakamanogi ki ni taulaatua, o tupu ke kau itaita ai ki gaoiaga fuli o olatou lima, e vilo loa loku itaita ki le ganea leinei, ti e leaise toe taofi loa a ia.

Pesalemo 36:9

E lotou kai makona i le mou koloa o lou fale, E ke fakainu latou i le liua o au nea malilie.

Ekelesiasi 1:14

Kua kau tio ki nea fuli ala e fai i le lalo laa ; ti ko leinei, e vaiga nea fuli mo tuli o le matagi.

Ekelesiasi 1:2

Vaiga o vaiga, e pati le Ekelesiasi, vaiga o vaiga, e vaiga a nea fuli.

Ekelesiasi 12:8

i mua o le motu o le va siliva, i mua o le mafaa o le ipu aulo, mo le motu o le pakete i aluga o le matapuna vai, ti mo le mafaa o le fa teka i aluga o le sosoni ;

Ekelesiasi 2:11

Ti na kau fakakaukau loa ki gaoi fuli ala na fai e oku lima, ti mo loku pakia i gaoi ana ; ti ko leinei, e vaiga nea fuli mo tuli o le matagi, ti e leaise sona aoga i le lalo laa.

Ekelesiasi 2:21

Talie na gaoi se tagata i le poto, mo le atamai, mo le manuia, ti ko leinei e tonu ke tuku e ia le fua o ana gaoi fuli ki se tasi leia na leaise gaoi ki ai. Ko se tasi a ia vaiga ti ko se tai a ia veli lasi.

Ekelesiasi 2:26

Talie e soli e le Atua ki le tagata leia e malie ki ona mata le poto, mo le atamai, mo le fiafia ; kae e tuku e ia ki le tagata agasala ke tokaga o tanaki mo fakatuuga, o tupu ke soli ki leia e malie ki mata o le Atua. Ko se tasi foki a ia vaiga mo tuli o le matagi.

Ekelesiasi 4:4

Na kau tio foki e gaoi pakia mo fakamalotoloto le tagata i ana gaoi o tupu ata ko lona finenonofo ki lona oloi. Ko se tasi foki a ia vaiga mo tuli o le matagi.

Esaia 1:3

E iloa e le pipi lona pule, Ti mo le asino le fale manu o lona pule : Kae e leaise iloa e Iselaele se nea fua e tasi, E leaise maua fua e loku kakai sona ga atamai.

Esaia 1:4

Malaia ki le puleaga agasala, ki le kakai kua mafaia i agaveli, Ki le sakoga o le kau agaveli, ki fanau fakalialia ! Kua lotou tiaki le Eteleno, ti kua lotou nukinuki ki le Maokioki o Iselaele. Kua lotou toe liliu ki muli…

Esaia 12:3

E kotou asu loa le vai i le fiafia I matapuna o le mauli,

Esaia 5:13

Koia e ave fakapunamauli loa loku kakai o fakapopula : E mamate loa ona kau lalasi i le fia kai, Ti e mamate loa lona kakai toka api i le fia inu.

Esaia 55:2

Kolea e kotou maumaui ai le paaga ki le nea leia e leaise fagai ia koutou ? Kolea e kotou gaoi ai ki le nea leia e leaise kotou makona ai ? Koia kotou fakalogo mai kiate au, ti e kotou kai loa le nea leia e malie, Ti e fiafia loa okoutou laumalie i ni nea kai malilie ai.

Esaia 63:8

Na pati a ia : E maoki ko latou ko loku kakai, Ko ni fanau ala e leaise patigataa loa kiate au ! Ti na fai a ia kia latou pe se fakamauli.

Selemia 1:16

E kau fakasa loa aku tautea kia latou, o tupu ko alatou agasala fuli, talie kua lotou tiaki au kae lotou momoli le iseso ki ni atua kese, ti kua lotou tausi ki gaoi o olatou lima.

Selemia 14:3

E kakau e le kau lalasi latou ala e liliki, ke ano o asu vai, Ti e ano le kau liliki ki fa tane, kae e leaise lotou maua se vai, Ti e lotou toe liliu mo alatou fagu mamasa ; E lotou uufi olatou ulu i lolatou luma.

Selemia 15:6

Na ke tiaki au, e pati le Eteleno, Na ke toe liliu ki muli ; Kae e kau falo loku lima kiate koe, ti e kau maumaui a koe, Kua kau kaekae i le kataki.

Selemia 17:13

Ei Eteleno, ko koe ko le amanaki malie o Iselaele ! E luma loa latou fuli ala e tiaki ia a koe. E tosi loa i le kele latou ala e mavae iate au, Talie e lotou tiaki le matapuna o le vai mauli, le Eteleno.

Selemia 18:14

Pe tiaki e le nive o Lipane le utu o faisaga ? Pe kua tio i se aso kua mamasa a liua, ala e au mei mamao, ti e sali mokomoko tuumau ?

Selemia 19:4

O tupu kua lotou tiaki au, ti kua lotou fakakelekele le ganea leinei, Kua lotou momoli i ai le iseso ki ni atua kese Ala na leaise lotou iloa, e latou, mo olatou tamana, mo sau o Suta, Ti kua lotou fakaapele le ganea leinei ki le toto mea ;

Selemia 2:11

Pe i ai se puleaga leia e fetogi ia ona atua, Logo ai e leaise ko ni atua latou ? Kae na fetogi e loku kakai lona kololia ki se nea leia e leai sona ga aoga fua !

Selemia 2:17

Pe leaise soko le nea lena kiate koe, O tupu ko lau tiaki ia le Eteleno, lou Atua, Leia na taki ia a koe i le ala totonu ?

Selemia 2:26

Ofaipe se tagata kaia leia e luma moka mauatoka, E lotou luma loa, latou o le fale o Iselaele, Latou, mo olatou sau, mo olatou pule, Mo olatou kau faisakilifisio ti mo olatou kau polofeta.

Selemia 4:22

Kua valea maoki loku kakai, e leaise iloa e ia au ; Ko ni fanau valelea mo sala atamai latou ; E lotou popoto i le fai o le veli, Kae e leaise lotou iloa le fai o le malie.

Selemia 5:26

Talie e maua i lotolotoga o loku kakai ni tagata agaveli ; E lotou lamalama ofaipe le tagata kapu manu lele, leia e fakatuu ia ni masele ; E lotou folasi ni kupega, ti e lotou tapo ni tagata.

Selemia 5:31

E faikikite le kau polofeta i le loi, Ti e kau fakatasi mo latou le kau faisakilifisio, o pule faifaitalisa, Ti e fiafia loku kakai i le nea lena. Kolea e kotou fai loa i le fakaoki ?

Esekiele 14:5

O tupu ke maua i olatou loto totonu latou o le fale o Iselaele ala kua fakamamao iate au mo olatou taulaatua fuli.

Esekiele 47:1

Na toe aumai loa e ia au ki le matapa o le fale tapu. Ti ko leinei, na i ai se vai leia na mapuna i le uluaga o le fale tapu, i le potu esite, talie ko le tamua o le fale tapu na agaaga ki le potu esite ; na tafe le vai i le fetuu atamai o le fale tapu, ki le potu saute o le aletale.

Mikea 2:8

Talu mei fualoa na fai loku kakai ofaipe se fili ; E kotou too le taupulupulu i aluga o kofu O latou ala e saele i le tokamalie, I le liliu mei le tau.

Mikea 6:3

Ei loku kakai, kolea le nea leia kua kau fai kiate koe ? Kolea le nea leia kua kau fakakaekae ai a koe ? Tali mai kiate au !

Sakalia 13:1

I le aso lena, e fakamavaa loa se matapuna vai Ki le fale o Tavite ti mo le kakai o Selusalemi, Ki le agasala ti mo le kelekele.

Soane 4:10

Na tali loa Sesu kiate ia : Kanapau na ke iloa le nea alofa o le Atua ti mo leia e pati atu kiate koe, soli mai kau inu, na ke kole loa e koe totonu kiate ia ke ke inu, ti e soli atu loa e ia kiate koe le vai mauli.

Soane 4:11

Kae na pati loa le fafine kiate ia : Aliki, e leaise ke maua se nea ke asu ai le vai, ti e loloto le sosoni ; pe ke maua loa meifea le vai mauli lena ?

Soane 4:14

kae ko leia e inu loa ki le vai leia e kau soli loa kiate ia e leaise toe fia inu loa a ia, ti ko le vai leia e kau soli loa kiate ia e liliu loa iate ia ko se matapuna vai leia e mapusi loa o kaku ki le mauli lee gato.

Soane 7:37

I le aso fakaoki, ko le aso tafito a ia o le aso lasi, na tuu loa Sesu, o kalaga : Kapau e fia inu se tasi, ke au a ia kiate au, ti ke inu a ia.

Tetelonome 31:16

Na pati loa le Eteleno kia Moisese : ko leinei ka ke mate loa. Ti ko le kakai leinei e malaga ake loa ki aluga o faiaga mo atua kese o le fenua leia ka ulu loa a ia ki ai. E tiaki loa e ia au ti e maumaui loa e ia laku sai, leia na kau fakamaoki mo ia.

Lua tosi a Petelo 2:17

Ko tagata ana ko ni vai mamasa latou, ko ni ao latou kua viligia i se afa ; ti kua taofi kia latou se nofoaga i le fakapouli lee gato.

Apokalipisi 21:6

Ti na pati mai loa a ia kiate au : Kua fai ! Ko au ko le alefa mo le omeka, ko le kamataaga mo le gatoaga. E kau soli noa le vai o le matapuna o le mauli ki leia e fia inu.

Apokalipisi 22:1

Ti na fakasa mai loa e ia kiate au le vaitafe o le vai o le mauli, na gigila ofaipe le kilisitale, leia na mapuna mei le ekeekeaga fakasau o le Atua ti mo le Akeno,

Apokalipisi 22:17

Ti e pati le Laumalie mo le fafine avaga : Au. Ti ke pati leia e logo ki ai : Au. Ti ke au leia e fia inu ; ko leia e loto ke too le vai o le mauli sala totogi.

Tuifakamaau 10:13

Kae ko koutou, na kotou tiaki loa au kae kotou tausi loa ki ni atua kese. Koia na leaise kau toe saofaki ai loa koutou.

Uluaki tosi a Samuele 12:10

Na lotou toe tagi loa ki le Eteleno, o pati : Kua motou agasala, talie kua motou tiaki le Eteleno, ti kua motou tausi ki fakatata o Paale mo Asetalate ; saofaki matou i le aso nei mei le lima o omatou fili, ti e motou tausi loa kiate koe.