Selemia 19:8 - Tosi Tapu

⁸ E kau fakaliliu loa le kolo leinei ko se nea maumau ti mo se nea fakagologolo ; E ofolele loa latou fuli ala e fakalaka loa i ona tafa, Ti e lotou mapu loa ki ona lavea fuli.

Selemia 19:8 ပူးပေါင်းရင်းမြစ်များ

Uluaki tosi o Sau 9:8

Ti e logo ai le mauiga o le fale leinei, ko le tagata leia e fakalaka loa i ona tafa, e punamauli loa mo mapu loa ki ai, o pati : Kolea kua fai feneeki ai e le Eteleno ki le fenua leinei mo le fale leinei ?

Selemia 18:16

Kua lotou fakaliliu lolatou fenua ko se nea fakaaloalofa, ko se nea fakagologolo ; Ko latou fuli ala e fakalaka i ai e punamauli ti e lu olatou ulu.

Selemia 25:18

Ki Selusalemi mo kolo o Suta, Ki ona sau mo ona pule, Ke fakaliliu ai latou ko se maumau, Ko se nea fakaaloalofa, ko se nea fakagologolo, ti ko se nea fakamalaia, Ofaipe le nea leia e tio ki ai i le aso nei ;

Selemia 49:13

Talie e kau fakapapau iate au totonu, e pati le Eteleno, E liliu loa Potesela ko se nea fakaofolele mo fakalumaluma, Ko se nea maumau mo fakamalaia, Ti e liliu loa ona kolo fuli ko ni tuuga nea maumau o lee gato.

Selemia 50:13

O tupu ko le sausau o le Eteleno, e leaise toe nofoi loa a ia, Kae tuu lavaki loa a ia. E ofolele loa latou fuli ala e fakalaka loa i tafa o Papilone, Ti e lotou mapu loa ki ona lavea fuli.

Esekiele 27:36

Kua mapu le kau fai koloa o ni kakai matapule kiate koe ; Kua ke puli, ti e leaise toe maua loa a koe i se aso !

Levitiko 26:32

E kau maumaui loa le fenua, e au totonu ; ti e punamauli loa okoutou fili ala e nonofo loa i ai.

Mikea 6:16

E tausi a agai fenua a Omeli Ti mo aga fuli o le fale o Akapo, Ti e kotou saele i alatou tokoi ; Koia leia e kau tuku ai loa a koe ki le maumau, Ti e kau fakaliliu loa lou kakai ko se nea fakakata, Ti e ke amo loa le luma o loku kakai.

Sofoni 2:15

Ko lena le ikuaga o le kolo fiafia lena, Leia na tonatona fakafulufulumalie, Ti na pati i lona loto : Ko au, ti ko au fai ! Kolea kua soko, kua maumau a ia, Kua liliu a ia ko se nofoaga o manu ! Ko latou fuli ala e fakalaka loa i ona tafa E mapu loa mo pasipasi loa olatou lima.

Tetelonome 28:37

Ti ko puleaga fuli ala e taki loa a koe ki ai e le Eteleno e ofolele loa i le nea leia kua soko kiate koe ; ti e lotou katai loa a koe ti mo lauveli loa kiate koe.

Tetelonome 29:22

Ko tautupu ka au, okoutou vosa ala e tupu ake loa i muli o koutou, mo le matapule leia e au loa mei se fenua mamao, - i le tio ki malaia mo masaki ala e tautea loa ki ai e le Eteleno le fenua leinei, i le tio ki le sufele mo le patai,