Selemia 19:7 - Tosi Tapu

⁷ E kau maumaui loa i le ganea leinei le fakakaukau a Suta mo Selusalemi ; E kau tamate loa laua ki le seleta i mua o olatou fili, Ti mo le lima o latou ala e loto ki lolatou mauli ; E kau soli loa olatou tino ke kai E manu lele o le lagi mo manu o le kele.

Selemia 19:7 ပူးပေါင်းရင်းမြစ်များ

Lua tosi o Sau 21:14

E kau tiaki loa le toetoega o loku tofiga, ti e kau tuku loa latou ki lima o olatou fili ; ti e lotou liliu loa ko le koloa tau mo le nea kai o olatou fili fuli,

Taagapati 21:30

E leaise tuu se poto, pe ko se atamai, Pe ko se tokoi i mua o le Eteleno.

Esaia 29:14

Koia e kau toe taai ai loa le kakai leinei Ki ni nea fakatalatupua mo ni milakulo ; Ti e puli loa le poto o lona kau poto, Ti e puli loa le atamai o ona kau tagata atamai.

Esaia 8:10

Kotou fai ni fakatuutuu, ti e lotou ano noa loa ; Kotou tuku ni fakatotonu, ti e leaise lotou aoga loa : Talie e kau le Atua mo matou.

Selemia 15:2

Ti kapau e lotou pati atu kiate koe : Pe motou ano loa kifea ? E ke tali loa kia latou : ko leinei le folafola a le Eteleno : Ki le mate latou ala e tonu ke mate, Ki le seleta latou ala e tonu ke tamate e le seleta, Ki le oge latou ala e tonu ke mate i le oge, Ki le popula latou ala e tonu ke ano o popula !

Selemia 15:9

Ko le fafine leia na fanaui ia ni vosa e fitu e gaegae, E tuku e ia lona laumalie ; E to lona laa kae koi ao ; E matagafua a ia, e apele a ia i le luma. Ko latou ala e toe, e kau tuku latou ki le seleta i mua o olatou fili, E pati le Eteleno.

Selemia 16:4

E lotou mamate loa i le masaki veli ; E leaise tagi loa kia latou, ti e leaise tanu loa latou ; E lotou fai loa pe le nea fakagako kele i aluga o le kele ; E lotou mamate loa i le seleta mo le oge ; Ti e liliu loa olatou tino ko le nea kai a manu lele o le lagi mo manu o le vao.

Selemia 18:21

Koia, tuku alatou fanau ki le oge, Tamate latou ki le seleta ; Ke sala fanau alatou avaga, ti ke lotou liliu o lokonui, Ti ke mamate olatou tagata i le taumasaki veli ; Ke taai olatou tagata tupulaga e le seleta i le tau !

Selemia 21:7

E pati le Eteleno : I le oki o le nea lena, e kau tuku loa Setesiasi, sau o Suta, mo ana tagata fakasausau, mo le kakai, mo latou o le kolo leinei ala na sao loa mei le taumasaki, mo le seleta, mo le oge, ti e kau tuku loa latou ki lima o Nepukatenesale, sau o Papilone, mo lima o olatou fili, mo lima o latou ala e loto ki lolatou mauli ; ti e taai loa latou e Nepukatenesale ki le mata o le seleta, ti e leaise fakamauli loa e ia latou, ti e leaise maua loa e ia se ga alofa pe ko se ga manava alofa e tasi.

Selemia 22:19

E tanu loa a ia ofaipe se asino, E toso loa a ia o ti ki fafo mei matapa o Selusalemi ki le tua kolo.

Selemia 22:25

E kau tuku loa a koe ki lima o latou ala e loto ki lou mauli, Ki lima o latou ala e ke lulu i olatou mua, Ki lima o Nepukatenesale, sau o Papilone, Ki lima o le kau Kaletea.

Selemia 32:28

Koia e folafola ai le Eteleno, o pati : Ko leinei, e kau tuku le kolo leinei ki lima o le kau Kaletea, Ti mo lima o Nepukatenesale, sau o Papilone, Ti e too loa e ia a ia.

Selemia 34:20

E kau tuku loa latou ki lima o olatou fili, mo lima o latou ala e loto ki lolatou mauli, ti e liliu loa olatou tino ko le nea kai a manu lele o le lagi mo manu o le kele.

Selemia 46:26

E kau tuku loa latou ki lima o latou ala e loto ki lolatou mauli, Ki lima o Nepukatenesale, sau o Papilone, Ti mo lima o ana tagata fakasausau ; Ti ka oki le nea lena, e toe nofoi loa Esipito ofaipe le temi mua, E pati le Eteleno.

Selemia 7:33

E liliu loa a mate o le kakai leinei ko le nea kai A manu lele o le lagi mo manu o le kele ; Ti e leaise maua loa se tasi ke kapu ia latou.

Selemia 8:2

E fola loa latou i mua o le laa, mo mua o le masina, mo mua o le kau tau fuli o le lagi, ala na lotou alofa ki ai, ala na lotou tausi ki ai, ala na lotou mulimuli ki ai, ala na lotou afa ia, ala na lotou atolasio ki ai ; e leaise tanaki loa latou, ti e leaise tanu loa latou, kae e lotou fai loa pe se taei kele fakagako i aluga o le kele.

Selemia 8:8

Pe fefeaki ke kotou pati : E motou popoto, E motou maua le lao a le Eteleno ? E leaise aoga le gaoi a le kau sekelipa, Talie e lotou tosi loi le lao.

Selemia 8:9

Kua luma le kau poto, Kua lotou sevaia, kua tapo latou e le masele. Ko leinei, na lotou tiaki le folafola a le Eteleno, Ti ko le poto fea leia e lotou maua ?

Tagi laulau a Selemia 3:37

Ko ai e pati loa e soko se nea, Kae na leaise fakatotonu a ia e le Aliki ?

Levitiko 26:17

E kau fakafesagai loa kia koutou, ti e kotou lava loa i okoutou fili ; ti e pule loa kia koutou latou ala e vesia kia koutou, ti e kotou sosola loa kae na leaise tuli koutou e se tasi.

Levitiko 26:25

E kau lagai loa se tau ki lokoutou fenua, ke tautea ai koutou, o tupu ko lakoutou motusi ia laku sai ; e kotou sosola loa ki kolo, kae e kau fakasoko loa se taumasaki veli ke kotou vilo ai ki lima o okoutou fili.

Loma 3:31

Pe tou fakapuli ai loa le lao i le tui ? E leai ai ! Kae, e motou fakamaoki ki le lao.

Loma 4:14

Talie kapau ko latou fai ala e fakalogo ki le lao e maua ia a koloa o le fakapapau, e leaise aoga loa le tui ti e leaise uiga o le fakapapau.

Uluaki tosi a Samuele 17:46

I le aso nei, e tuku loa a koe e le Eteleno ki oku lima, e kau tamate loa a koe ti e kau tuuti ia loa lou ua ; i le aso nei e kau soli loa a mate o le solia a le kau Filisitini ki manu lele o le lagi mo manu o le kele. Ti e iloa loa e le malama nei katoa e i ai le Atua o Iselaele.