Selemia 19:4 - Tosi Tapu

⁴ O tupu kua lotou tiaki au, ti kua lotou fakakelekele le ganea leinei, Kua lotou momoli i ai le iseso ki ni atua kese Ala na leaise lotou iloa, e latou, mo olatou tamana, mo sau o Suta, Ti kua lotou fakaapele le ganea leinei ki le toto mea ;

Selemia 19:4 ပူးပေါင်းရင်းမြစ်များ

Lua tosi o Sau 21:16

Na liligi foki e Manase le toto mea o lasi ai, o kaku ki le fakaapele o Selusalemi mei leia a potu ki leia a potu, kae kese fai a agasala fuli ala na fai e ia ti na fakaagasalai ai e ia a Suta, o fai le nea leia e veli ki mata o le Eteleno.

Lua tosi o Sau 23:10

Na fakakelekele loa e le sau a Tofete i le vaivailiua o vosa o Inome, o tupu ke aua na toe momoli e se tasi lona vosa pe ko lona taine i le afi kia Moloke.

Lua tosi o Sau 24:4

ti mo le toto leia na liligi noa e Manase, ti mo tukipo ala na fakaapele e ia ki ai a Selusalemi. Koia na leaise loto ai le Eteleno ke fakamolemole kia latou.

Pesalemo 106:38

Na lotou liligi loa le toto saosaoa, Le toto o olatou vosa mo olatou taineliki, Ala na lotou momoli loa ki taulaatua o Kanaane, Ti na fakalialia loa le fenua i tukipo.

Esaia 59:7

E makape olatou vae ki le veli, Ti e lotou fakatavili o liligi le toto mea ; Ko alatou manatu ko ni manatu o le agasala, Ti e maua i olatou ala le kaia mo le maumau.

Esaia 65:11

Kae ko koutou, ala e tiaki ia le Eteleno, Ala e galoi ia loku mauga tapu, Ala e fakatuu ia se aletale kia Kate, Ti e fakaapele ia se ipu kia Meni,

Selemia 1:16

E kau fakasa loa aku tautea kia latou, o tupu ko alatou agasala fuli, talie kua lotou tiaki au kae lotou momoli le iseso ki ni atua kese, ti kua lotou tausi ki gaoi o olatou lima.

Selemia 11:13

Talie e mauke tatau ou atua mo ou kolo, ei Suta ! Ti e lasi tatau a ala o Selusalemi Mo aletale ala na kotou fakatuu ki taulaatua, Ke momoli ai le iseso kia Paale…

Selemia 15:6

Na ke tiaki au, e pati le Eteleno, Na ke toe liliu ki muli ; Kae e kau falo loku lima kiate koe, ti e kau maumaui a koe, Kua kau kaekae i le kataki.

Selemia 16:11

Ti ke tali loa kia latou : Na tiaki au e okoutou tamana, e pati le Eteleno, Na lotou mulimuli i ni atua kese, Na lotou tausi kia latou ti na lotou punou i olatou mua. Na lotou tiaki au, ti na leaise lotou tausi laku lao.

Selemia 17:13

Ei Eteleno, ko koe ko le amanaki malie o Iselaele ! E luma loa latou fuli ala e tiaki ia a koe. E tosi loa i le kele latou ala e mavae iate au, Talie e lotou tiaki le matapuna o le vai mauli, le Eteleno.

Selemia 17:20

E ke pati loa kia latou : Kotou fakalogo mai ki le folafola a le Eteleno, sau o Suta, ti mo Suta katoa, ti mo koutou fuli, kakai o Selusalemi, ala e ulu i matapa anei !

Selemia 18:15

Kae kua galoi au e loku kakai, e momoli e ia le iseso ki ni taulaatua. Kua taki a ia ke siga i ona ala, ke tiaki a ala afea, Kae ke mulimuli i ni ala gaoa, ala na leaise fakalauatea.

Selemia 2:13

Talie na fai e loku kakai ni agasala e lua : Na lotou tiaki au, leia ko se matapuna o le vai mauli, Ti na lotou kenu kia latou ni sosoni, ni sosoni mafaafaa, Ala e leaise taofi ia le vai.

Selemia 2:17

Pe leaise soko le nea lena kiate koe, O tupu ko lau tiaki ia le Eteleno, lou Atua, Leia na taki ia a koe i le ala totonu ?

Selemia 2:19

E tautea loa a koe e lou agaveli, ti e taai loa a koe e lou agatuu. E ke iloa loa ti e ke tio loa ko se nea veli mo kona Le tiaki o le Eteleno, lou Atua, Ti mo le leaise maua se i kiate au, E pati le Aliki, le Eteleno o kau tau.

Selemia 2:30

Na ano noa laku taai akoutou fanau ; Na leaise lotou tokaga fua ki le akonaki. Na kai e lakoutou seleta akoutou kau polofeta, Ofaipe se laione maumau.

Selemia 2:34

E maua foki i le tapatapa o lou kofu Le toto o le kau agatonu, Ala na leaise ke maua e fakamakeke ia lou matapa.

Selemia 22:17

Kae kua ke tuku ata ou mata mo lou loto Ki le manumanu koloa, Ke liligi le toto mea, Ke fai le fakaveliveli mo le fakamakeke.

Selemia 22:3

E folafola le Eteleno, o pati : Kotou fai le faitotonu mo le agatonu ; kotou saofaki leia kua fakamakeke mei lima o leia e fakamakeke ake kiate ia. Aua na kotou fakavelivelii le matapule, mo le fanau sala matua, mo le fafine lokonui. Aua na kotou agaveli, ti aua na kotou liligi le toto o le tagata agatonu i le ganea leinei.

Selemia 26:15

Kae ke kotou iloa fua, kapau e kotou tamate au, e kotou amo loa le toto mea, e koutou, mo le kolo leinei, mo lona kakai ; talie na kakau maoki mai au e le Eteleno kia koutou, ke fakasa ki okoutou taliga a folafola fuli anei.

Selemia 26:23

Na lotou too loa a Uli mei Esipito, o ave ki le sau ko Sosakimi, leia na fakatotonu ia loa ke tamate a ia ki le seleta, ti na ti loa lona tino ki le tano o le kakai noa.

Selemia 44:3

O tupu ko le agaveli leia na lotou fai ke tupu ai loku sausau, o lotou ano o momoli le iseso ti mo tausi ki ni atua kese ala na leaise lotou iloa, e koutou, mo okoutou tamana.

Selemia 5:6

Koia e tamate ai latou e le laione o le vao, E maumaui ai latou e le lupo o le toafa, E lamalama ai latou e le taika i mua o olatou kolo ; Ko latou fuli ala e mavae loa i kolo e sae loa ; Talie kua lasi ai alatou agasala, ti kua liuliuga ai alatou agatuu.

Selemia 7:6

Kapau e leaise kotou fakamamae le matapule, mo le toe sala matua, mo le fafine lokonui, Kapau e leaise kotou liligi le toto mea i le ganea leinei, Ti kapau e leaise kotou ano ki ni iki ake atua ke kotou malaia ai,

Selemia 7:9

Kolea ! Kaia, tukipo, tono avaga, Fakapapau loi, momoli iseso kia Paale, Tausi ki ni atua kese ala e leaise kotou iloa !…

Tagi laulau a Selemia 4:13

Ko lena le fua o agasala o ona polofeta, Mo agaveli o ona tagata faisakilifisio, Ala na liligi ia i loto malie o ona Le toto o le kau agatonu !

Esekiele 20:26

Na kau fakakelekele loa latou ki alatou failaulau, i lalatou tuku olatou uluaki fuli ke fakalaka i le afi ; na kau loto loa i ai ke fakatuaa latou, o tupu ke lotou iloa ko au ko le Eteleno.

Esekiele 7:22

E kau maliu kese loa oku mata ia latou, Ti e fakakelekele loa loku sagatualio ; E ulu loa ki ai ni tagata itaita, ti e lotou fakakelekele loa a ia.

Esekiele 8:11

Ti na tutuu i mua o taulaatua ana se kau tagata e tino fitu o le kau fakamatuatua o le fale o Iselaele, o kau i ai a Sasania, vosa o Safani, ti na lotou tasi mo ia se tulipulo i lona lima, ti na malaga ake i le ganea lena se afu matotolu o le iseso.

Taniela 11:31

E au loa ni solia i lana fakatotonu ; ti e lotou fakakelekele loa le fale tapu, mo le kolo tau, ti e lotou taofi loa le failaulau o aso taki tasi, ti e lotou fakatuu loa ki le aletale le fakatata fakalialia o le tagata maumau.

Luka 11:50

Koia e afa loa ki le tautupu leinei le toto o le kau polofeta fuli leia na liligi talu mei le fakatupu o le malama nei,

Tetelonome 13:13

Na i ai se kau tagata noa leia na mavae meiate koe ti na fakasalai ia le kakai o le kolo lena o pati : tou ano, o tausi ki ni atua kese, ki ni atua ala e leaise kotou iloa,

Tetelonome 13:6

Kapau e fakasekeseke fakafufu loa kiate koe lou taina, le vosa o lou tinana, pe ko lou vosa, pe ko lou taine, pe ko lau avaga totonu, pe ko lou soa leia e ke alofa ki ai ofaipe koe totonu, o pati atu : Ke ta ano o tausi ki ni iki atua kese ! ko ni atua ala e leaise ke iloa ti na leaise iloa foki e ou tamana ;

Tetelonome 28:20

E kakau mai loa e le Eteleno kiate koe le malaia, mo le mamae, mo le tautea, i au gaoi fuli, o kaku ki lou maumaui mo lou mate fakafokifa, o tupu ko le fakalialia o au gaoi mo lau tiaki ia le Eteleno.

Tetelonome 28:36

E fakasaele loa a koe e le Eteleno mo lou sau, leia e ke fakanofo loa kiate koe, ki se puleaga leia na leaise ke iloa, e koe mo ou tamana.

Tetelonome 28:64

E veteki loa a koe e le Eteleno i puleaga fuli, mei le potu ki le potu o le malama nei. E ke tausi loa i ai ki ni atua kese ala na leaise ke iloa ti na leaise iloa e ou tamana : ala ko ni laakau mo ni fatu.

Apokalipisi 16:6

Talie na lotou liligi ia le toto o le kau sagato mo le kau polofeta, ti kua ke soli kia latou le toto ke lotou inu : Talie e feauga mo latou.

Tuifakamaau 5:8

Na filifili e Iselaele ni atua foou : Koia na nofo ai le tau i mua matapa ; Na leaise maua fua se paletau pe ko se tao I se tino fa afe i Iselaele.