Selemia 19:2 - Tosi Tapu

² Ano ki le vaivailiua o Pene-Inome, leia e tuu i le uluaga o le matapa o ipu kele ; ti e ke fakasa loa a folafola ala e kau tuku atu loa kiate koe i le ganea lena.

Selemia 19:2 ပူးပေါင်းရင်းမြစ်များ

Lua tosi o Sau 23:10

Na fakakelekele loa e le sau a Tofete i le vaivailiua o vosa o Inome, o tupu ke aua na toe momoli e se tasi lona vosa pe ko lona taine i le afi kia Moloke.

Lua tosi o Koloniko 28:3

ti na tutu loa e ia ni kaloni i le vaivailiua o vosa o Inome, ti na momoli loa e ia ona vosa i le afi o fakatatau ki tausi fakalialia a puleaga ala na kapu e le Eteleno i mua o fanau a Iselaele.

Lua tosi o Koloniko 33:6

Na momoli loa e ia ona vosa i le afi, i le vaivailiua o vosa o Inome ; na tioi loa e ia a ao mo gata ke iloa ai le nea e tonu ke fai ; na fai nea fakatemonio loa a ia, na fakanofo loa e ia ni kakai ala na felogoi mo le kau mate ti na kikite e ia le temi ka au. Na toe asilisili fai loa e ia a nea ala e veveli ki mata o le Eteleno, ke tupu ai le sausau a le Eteleno.

Neemia 3:29

I olatou tafa na gaoi loa Satoke, vosa o Imele, i mua o lona fale. Na olo mai loa kiate ia a Semaesa, vosa o Sekania, le tagata leo o le matapa esite.

Selemia 1:7

Ti na pati mai loa le Eteleno kiate au : Aua na ke pati : Ko se ga toe au. Talie e ke ano loa kia latou fuli ala e kau kakau loa a koe ki ai, ti e ke fakasa loa a nea fuli ala e kau fakatotonu atu loa kiate koe.

Selemia 11:6

Na pati mai loa le Eteleno kiate au : Fakasa a folafola fuli ana i kolo o Suta Ti mo ala fuli o Selusalemi, o pati : Kotou fakalogo ki folafola o le sai leinei, Ti kotou fai latou !

Selemia 18:2

Tuu ki aluga, o ifo ki le fale o le tagata faiipu ; I lena, e kau fakasa loa kiate koe aku folafola.

Selemia 26:2

E folafola le Eteleno, o pati : Tuu i le malae o le fale tapu o le Eteleno, o fakasa kia latou fuli o kolo o Suta, ala e au o tulolo i le fale o le Eteleno, a folafola fuli ala e kau fakatotonu atu ke fakasa kia latou. Aua na ke sau fua se kupu e tasi.

Selemia 3:12

Ano, kalaga a masau anei ki le potu noleto, o pati : E pati le Eteleno : Tafoki mai kiate au, fafine agatuu ko Iselaele ! E leaise kau tio fakaitaita loa kia koutou, Talie e kau manava alofa, E leaise kau taupau loku sausau o lee gato.

Selemia 32:35

Na lotou fakatuu ni ganea taualuga ki Paale, i le vaivailiua o Pene-Inome, Ke momoli ai i le afi olatou vosa mo olatou taineliki kia Moloke, Nea leia na leaise kau fakatotonu ke fai ; Ti na leaise ake i laku fakakaukau E lotou fai loa ni nea fakalialia felaaki, Ke tupu ai le agasala o Suta.

Selemia 7:2

Tuu i le matapa o le fale o le Eteleno, Ti ke fakasa le folafola leinei, Ti ke pati : Kotou fakalogo mai ki le folafola a le Eteleno, Koutou fuli, tagata o Suta, ala e ulu i matapa anei, Ke atolasio ki le Eteleno !

Sonasi 3:2

Tuu ki aluga, ano ki Ninive, le kolo lasi, ti ke fakasa i ai le nea leia e kau fakatotonu atu loa kiate koe !

Mateo 10:27

Ko le nea leia e kau fakasa atu kia koutou i le fakapouli, kotou fakasa a ia i le lauatea ; ti ko le nea leia e fakamusumusui atu ki okoutou taliga, kotou fakasa a ia i le taufufu.

Gaoi 20:27

talie kua kau fakasa kia koutou le finegalo katoa o le Atua, o leaise kau toe fufu fua se nea e tasi.

Gaoi 5:20

Kotou ano, o tutuu i le fale tapu, ti kotou fakasa ki le kakai a folafola fuli o le mauli leinei.

Sosue 15:8

Na pale loa a ia i lena i le vaivailiua o Pene-Inome, i le fetuu saute o Sepusi, leia ko Selusalemi, ti na ano loa a ia o kaku ki le tumutumu o le mauga leia e tuu i mua o le vaivailiua o Pene-Inome i le uesite, ti mo le potupotu o le vaivailiua o le kau Lefaimi i le noleto.