Selemia 18:8 - Tosi Tapu

⁸ Kae kapau e tafoki mai mei lana agaveli le puleaga lena na kau masau ki ai, E kau fakasemala loa ki le veli leia na kau manatu ke fai kiate ia.

Selemia 18:8 ပူးပေါင်းရင်းမြစ်များ

Lua tosi o Koloniko 12:6

Na fakasemala loa le kau pule o Iselaele mo le sau, o pati : E faitotonu le Eteleno !

Pesalemo 106:45

Na manatui loa e ia lana sai leia na fai mo latou ; Ti na aloalofa loa a ia kia latou i lona agamalie lasi,

Pesalemo 135:14

Talie e fakamaau loa e le Eteleno lona kakai, Ti e alofa loa a ia ki ana tagata fakasausau.

Pesalemo 90:13

Toe liliu mai, Eteleno ! E kaku loa kiafea ?… Alofa mai ki au tagata fakasausau !

Ekesote 32:12

Kolea e pati ai loa le kau Esipito : Na fakamavae e ia latou o tupu ke lotou malaia, ke tamate latou i mauga, ti ke lotou puli oki i le malama nei. Maliu mei lou ita lasi, ti ke fakasemala ki le veli leia kua ke loto ke fai ki lou kakai.

Ekesote 32:14

Ti na fakasemala loa le Eteleno ki le veli leia na fakasa e ia, leia na loto a ia ke fai ki lona kakai.

Selemia 12:16

Ti kapau e lotou ako a ala o loku kakai, Kapau e lotou fakapapau i loku suafa, o pati : E mauli le Eteleno ! Ofaipe lalatou ako ki loku kakai ke fakapapau i le igoa o Paale, Ti e lotou fiafia loa i le manuia i loto malie o loku kakai.

Selemia 15:6

Na ke tiaki au, e pati le Eteleno, Na ke toe liliu ki muli ; Kae e kau falo loku lima kiate koe, ti e kau maumaui a koe, Kua kau kaekae i le kataki.

Selemia 26:13

I le lakaga nei, kotou fetogi okoutou ala mo akoutou gaoi, kotou fakalogo ki le leo o le Eteleno, lokoutou Atua, ti e fakasemala loa le Eteleno ki le veli leia kua fakatotonu e ia ke fai kia koutou.

Selemia 26:19

Pe na tamate loa a ia e Esekiasi, sau o Suta, mo Suta katoa ? Pe na leaise i loa Esekiasi ki le Eteleno ? Pe na leaise tagi loa a ia ki le Eteleno ? Koia na fakasemala loa le Eteleno ki le veli leia na puaki e ia kia latou. Ti ko tatou, pe tou amo loa se tukipo lasi feneeki ?

Selemia 26:3

E lagi lotou fakalogo loa, ti e lotou tafoki loa taki tasi mei olatou ala veveli ; ti e kau fakasemala loa ki le veli leia na kau manatu ke fai kia latou o tupu ko le agaveli o alatou gaoi.

Selemia 36:3

I le aso leia e logo ai loa le fale o Suta ki le veli katoa leia e kau manatu ke fai kiate ia, e lagi lotou toe liliu taki toka tasi mai loa mei lona ala veli ; ti e kau fakamolemole loa ki alatou agaveli mo alatou agasala.

Selemia 42:10

Kapau e kotou nonofo i le fenua leinei, e kau fakanonofo oki loa koutou i ai, ti e leaise kau maumaui loa koutou, kae kau to loa koutou, ti e leaise kau toe taaki loa koutou ; talie kua kau fakasemala ki le veli leia na kau fai kia koutou.

Esekiele 18:21

Kapau e tafoki mai loa le tagata agaveli i ana agasala fuli ala na fai e ia, ti kapau e tausi loa e ia aku lao fuli ti mo fai loa e ia le faitotonu mo le maoki, e mauli loa a ia, e leaise mate loa a ia.

Esekiele 33:11

Pati kia latou : E kau mauli ! e pati le Aliki, le Eteleno, ko le nea leia e kau loto ki ai, e leaise ko le mate o le tagata agasala, kae ke fetogi lona mauli ti ke mauli a ia. Kotou toe liliu mai, kotou toe liliu mai i lokoutou ala veli ; kolea e kotou mamate ai loa, fale o Iselaele ?

Esekiele 33:12

Ti ko koe, vosa o le tagata, pati ki fanau o lou kakai : E leaise saofaki loa e le faitotonu a le tagata agatonu a ia i le aso o lana fai veli ; ti e leaise vilo loa le tagata agasala i lana agasala mo kapau e tafoki a ia i ai, ti e leaise mauli foki le tagata agatonu i lana faitotonu i le aso o lana fai veli.

Esekiele 33:13

Ti kapau e kau pati ki le tagata agatonu : E ke mauli loa, - kae kapau e fanaki loa a ia ki lana faitotonu ti fai loa e ia le agaveli, e galoi loa lona faitotonu katoa, ti e mate loa a ia o tupu ko le agaveli leia kua fai e ia.

Esekiele 33:14

Ti kapau e kau pati ki le tagata agaveli : E ke mate loa ! - kae kapau e tafoki loa a ia i lana agaveli, o fai le nea leia e totonu mo maoki,

Oseo 11:8

Kolea e kau fai loa kiate koe, Efalaimi ? Pe tonu ke kau tiaki a koe, Iselaele ? Pe kau tautea loa a koe ofaipe Atema ? Pe kau fakaliliu loa a koe ke tatau mo Tesepoimi ? Kua ta loku mafu i loku loto, Kua malaga oku manava alofa fuli.

Amosi 5:15

Kotou vesia ki le veli ti kotou alofa ki le malie, Kotou fakamaau i le faitotonu ; Ti e lagi alofa loa le Eteleno, le Atua o kau tau, Ki toetoega o Sosefo.

Sonasi 4:2

Na faikole loa a ia ki le Eteleno, o pati : Ei Eteleno, pe leaise ko le nea leinei na kau pati atu ki ai koi kau nofo i loku fenua ? Ko le nea lena na tupu ai laku sola ki Talesisi. Talie na kau iloa ko se Atua a koe e agamalie mo manavaalofa, ti e ke kataki fualoa mo apele i le agamalie, ti e ke fakasemala ki le veli.

Tetelonome 32:36

E fakamaaui loa e le Eteleno lona kakai ; Kae e alofa loa a ia ki ana tagata fakasausau, Mo ka tio a ia kua oki lolatou makeke, Ti e leaise maua se tasi ke tokoi kiate ia, Ti e leaise maua se tasi ke toe fanaki a ia ki ai !

Tuifakamaau 2:18

I le temi leia na tuku ai loa e le Eteleno kia latou ni tui fakamaau, na nofo loa le Eteleno mo le tui fakamaau o saofaki latou mei le lima o olatou fili i le temi katoa o le tui fakamaau ; talie na alofa loa le Eteleno kia latou o tupu ko alatou tagi i mua o latou ala na fakavelivelii ia latou ti mo fakamamae ia latou.