Selemia 18:23 - Tosi Tapu

²³ Kae ko koe, Eteleno, e ke iloa alatou fonofono veveli fuli ke tamate au. Aua na ke fakamolemole lalatou agaveli, Aua na ke soloi lalatou agasala i ou mua ! Tautea latou i le aso o lou sausau !

Selemia 18:23 ပူးပေါင်းရင်းမြစ်များ

Pesalemo 35:4

Ke lotou luma ti mo mamae latou ala e loto ki loku mauli ! Ke lotou solomuli, ti ke lotou luma, latou ala e fakakaukau ki loku mate !

Esaia 2:9

Koia e tamatamate loa a kau seka, ti e tuku loa ki lalo a kau lalasi : Talie e leaise ke fakamolemole loa kia latou.

Loma 2:5

Kae, i lau fakafefeka ti mo lou loto lee fakasemala, e ke tanaki ai kiate koe se koloa o le sausau ki le aso o le sausau ti mo le fakasa o le fakamaau totonu a le Atua,

Luka 21:22

Talie ko aso loa ana ko ni aso o le tautea, o tupu ke fakasoko a nea fuli ala na tosi.

Selemia 18:18

Ti na lotou pati : Kotou au, tou fonofono kia Selemia ! Talie e leaise puli loa le lao mo kapau e leaise maua ni tagata faisakilifisio, Pe ko le tokoi, mo kapau e leaise maua ni kau poto, Pe ko le folafola, mo kapau e leaise maua ni kau polofeta. Kotou au, tou tamate a ia ki le alelo ! Aua na tou tokaga ki ana masau !

Selemia 15:15

Ei Eteleno, e ke iloa nea fuli, manatui au, aua na ke galoi au, Tautea latou ala e fakaveliveli mai kiate au ! Aua na ke too au, o tupu ko lou kataki fualoa ! E ke iloa e kau tali le nukinuki o tupu ko koe.

Selemia 11:23

E leaise sao loa se tasi o latou ; Talie e kau kakau mai loa le malaia ki le kakai o Anatote, I le fetuu leia e kau tautea ai loa latou.

Selemia 8:12

Pe lotou luma loa, talie e lotou fai ni nea fakalialia ? E leaise lotou kukula fua, e leaise lotou iloa fua le luma. Koia leia e lotou vivilo loa mo latou ala e vivilo, E lotou sisiga loa i le aso leia e kau tautea ai loa latou, E pati le Eteleno.

Esaia 10:3

Kolea ka kotou fai loa i le aso o le tautea Ti mo le maumau leia ka vilo loa kia koutou mei se fenua mamao ? Ko ai leia ka kotou sosola loa ki ai, ke tokoi atu kia koutou, Ti kofea ka kotou tuku ai loa lokoutou kololia ?

Pesalemo 59:5

Logo ai loku mea, e lotou makape, e lotou teuteui ; Ke ke alaala, Eteleno, ke ke au kiate au, o tio !

Pesalemo 119:126

Ei Eteleno, ko le temi leia ke ke gaoi ai : Talie e lotou maumaui lau lao.

Selemia 6:15

Pe lotou luma loa, talie e lotou fai ni nea fakalialia ? E leaise lotou kukula fua, e leaise lotou iloa le luma ; Koia e lotou vivilo fakatasi loa mo latou ala e vivilo, E lotou sisiga loa i le aso leia e kau tautea ai loa latou, E pati le Eteleno.

Selemia 6:21

Koia e folafola ai le Eteleno, o pati : Ko leinei, e kau tuku loa ki mua o le kakai leinei ni fatu fakatupu siga, Ala e tegea fakatasi loa i ai le tamana mo le vosa, Le oloi mo kaukau nea, ti e lotou mamate loa.

Selemia 7:20

Koia e folafola ai le Aliki, le Eteleno, o pati : Ko leinei, kua liligi loku sausau mo loku mafaia ki le ganea leinei, Ki tagata mo manu, Ki laakau o faisaga mo fua o le kele ; Kua mu loku sausau ti e leaise toe mate loa a ia.

Selemia 17:4

E ke sala loa i le tofiga leia na kau soli atu kiate koe o tupu ko lau agasala ; E kau tuku loa a koe ke popula ki lou fili, i se fenua leia e leaise ke iloa ; Talie na kotou tutu le afi o loku sausau, Ti e ula loa a ia o lee gato.

Selemia 26:8

Ti koi fakaoki e Selemia le fakasa o nea fuli ala na fakatotonu e le Eteleno kiate ia ke tuku ki le kakai katoa, na too loa e le kau faisakilifisio, mo le kau polofeta, mo le kakai katoa a Selemia, o pati : E ke mate loa !

Selemia 26:11

Ti na masau loa le kau faisakilifisio mo le kau polofeta ki le kau pule mo le kakai katoa, o pati : E tonu ke mate le tagata leinei, talie kua kikite a ia ki le kolo leinei ofaipe le nea leia kua logo ki ai okoutou taliga.

Selemia 37:15

Na itaita loa le kau pule kia Selemia ti na lotou lalava a ia, o velo ki le pilisoni, i le fale o Sonatane, le sekalaipe ; talie kua lotou fakaliliu lona fale ko se fale pilisoni.

Selemia 38:4

Ti na pati loa le kau pule ki le sau : E tonu ke tamate le tagata leinei ! O tupu e fakalotogaegae e ia a tagata tau ala koi toe i le kolo leinei, mo le kakai katoa, i lana fai kia latou a tau masau ana ; e leaise afa e le tagata leinei le malie o le kakai, kae e loto a ia ki lona malaia.

Pesalemo 56:8

I le lasi o lalatou agaveli, e lotou manatu e lotou sao loa : I lou sausau, ei Atua, ke ke laku latou ki le kele !

Selemia 17:18

Ke luma latou ala e fakaveliveli mai kiate au, kae ke aua na kau luma ; Ke lotou lulu, kae ke aua na kau lulu, a au ! Tuku ke au kia latou le aso o le malaia, Taai latou ki se tautea o tua lua !

Tagi laulau a Selemia 3:60

Na ke tio ki nea veveli fuli ala na lotou fai kiate au, Mo nea fuli ala e lotou Fakakaukau kiate au.

Tagi laulau a Selemia 3:61

Eteleno, na ke logo ki alatou lauveli fuli, Mo nea fuli ala e lotou Fakakaukau kiate au,