Selemia 18:18 - Tosi Tapu

¹⁸ Ti na lotou pati : Kotou au, tou fonofono kia Selemia ! Talie e leaise puli loa le lao mo kapau e leaise maua ni tagata faisakilifisio, Pe ko le tokoi, mo kapau e leaise maua ni kau poto, Pe ko le folafola, mo kapau e leaise maua ni kau polofeta. Kotou au, tou tamate a ia ki le alelo ! Aua na tou tokaga ki ana masau !

Selemia 18:18 ပူးပေါင်းရင်းမြစ်များ

Lua tosi a Samuele 15:31

Na au loa o fakasa kia Tavite : Kua nofo Asitofele mo Apesalone i le kau fakafesagai. Ti na pati loa Tavite : Ei Eteleno, e kau kole atu kiate koe, ke ke fakaliliu ke noa a tokoi a Asitofele !

Lua tosi a Samuele 17:14

Na pati loa Apesalone mo le kakai katoa o Iselaele : E malie ake le tokoi a Usai, le tagata Aleki, i le tokoi a Asitofele. Talie kua fakatotonu e le Eteleno ke fakanoai le tokoi malie a Asitofele, o tupu ke aumai ai le malaia kia Apesalone.

Uluaki tosi o Sau 22:24

Koia na fakafeofi ake loa Setesiasi, vosa o Kenaana, ti na paai loa e ia le kalaafau o Mikea, o pati : Pe na ulu atu ifea iate au le laumalie o le Eteleno ke masau kiate koe ?

Lua tosi o Koloniko 24:21

Ti na fono loa e le kakai ke tamate a ia, ti na lotou tuki fatui loa a ia o mulimuli ki le fakatotonu a le sau, i le lotoa o le fale o le Eteleno.

Sopo 5:13

E maselei e ia le kau poto ki lalatou fia poto, Ti e fulusi e ia a fakatuutuu a tagata pikopiko :

Pesalemo 21:11

E ke fakapuli loa lolatou sakoga i le malama nei, Ti mo lolatou lanu i loto malie o vosa o tagata.

Pesalemo 52:2

I le au o Toeke, le tagata Etome, o pati kia Saulo : Na ano Tavite ki le fale o Asimeleke.

Pesalemo 57:4

Ti e kakau loa e ia mei le lagi lona saofaki kiate au, Kae lolotoga lauveli kiate au leia e tuli ia au ; - Manava. E kakau mai loa e le Atua lona agamalie mo lona agatonu kiate au.

Pesalemo 64:3

Saofaki au i fono veli a le kau agasala, I le fakatasi logoa a tagata agaveli !

Taagapati 18:21

E maua e le alelo le pule ki le mate mo le mauli. Ko leia e alofa ki ai e kai ia loa ona fua.

Esaia 32:7

E matakakai a masafu a le tagata kaka ; E fai e ia ni fakakaukau veveli, Ke fakapuli ai le tagata fakaaloalofa ki ni masau loi, Logo ai pe tonu le tagata mativa.

Selemia 1:19

E lotou tau loa kiate koe, kae e leaise lotou malo loa iate koe ; talie e pati le Eteleno : E kau nofo mo koe o saofaki a koe.

Selemia 11:19

Na kau faipe se akeno lalata leia e ave ki le fale tamate manu, Ti na leaise kau iloa alotou fakatuutuu veveli na lotou fai kiate au : Tou maumaui le laakau mo lona fua ! Tou tuuti a ia i le kele o le kau mauli, Ti ke aua na toe manatu ki lona igoa !

Selemia 18:11

Masau i le aso nei ki tagata o Suta ti mo le kakai o Selusalemi, o pati : E folafola le Eteleno, o pati : Ko leinei, e kau teuteu kia koutou se malaia, E kau Fakakaukau se fakatuutuu kia koutou. Ke tasi tafoki mai le tagata mei lona ala veli ! Kotou fai ke malilie okoutou ala mo akoutou gaoi !

Selemia 18:19

Eteleno, tokaga mai kiate au ! Ti ke logo ki le leo o latou ala e vesia kiate au !

Selemia 2:8

Na leaise pati a tagata faisakilifisio : Kofea le Eteleno ? Ko latou ala na maua ia le lao na leaise iloa ia au, Na leaise agatonu le kau tausi ovi kiate au, Na faikikite le kau polofeta i le igoa o Paale, Ti na lotou mulimuli ia latou ala e leaise mafai ke tokoi kia latou.

Selemia 20:10

Talie e kau logo ki masau veli a le toka api kiate au : Kua taka le fakaii i potu fuli. Kotou tukugavelii a ia, ti e motou tukugavelii loa a ia ! Kua lamalama au e latou fuli ala na tokamalie mo au pe kau siga, o pati : E siga loa a ia i se temi ti tou tapo loa a ia, Ti e tou pule loa kiate ia, E tou totogi loa kiate ia !

Selemia 26:11

Ti na masau loa le kau faisakilifisio mo le kau polofeta ki le kau pule mo le kakai katoa, o pati : E tonu ke mate le tagata leinei, talie kua kikite a ia ki le kolo leinei ofaipe le nea leia kua logo ki ai okoutou taliga.

Selemia 37:13

I lana kaku ki le matapa o Pesamino, na i ai se tagata pule o le kau leo, leia na igoa ko Sileisa, vosa o Selemia, vosa o Anania ; ti na na taofi loa e ia le polofeta ko Selemia, o pati kiate ia : E ke sola ki le kau Kaletea !

Selemia 43:2

Na pati loa kia Selemia a Asalia, vosa o Ose, mo Sokanane, vosa o Kalease, mo tagata fia nealasi fuli ana : E ke fakasa se loi : na leaise fakatotonu e le Eteleno, lomatou Atua, ke pati mai kia matou : Aua na kotou ano o nonofo i Esipito.

Selemia 44:16

E leaise motou fakalogo loa ki se nea i nea ala kua ke fakasa mai kia matou i le suafa o le Eteleno.

Selemia 44:17

Kae e motou fai loa o mulimuli ki le nea leia kua fakasa e omatou gutu, ke tutu le iseso ki le fafine aliki o le lagi, ti mo fai kiate ia ni moliga nea inu, ofaipe lamatou fai masani, a matou mo omatou tamana, mo omatou sau, ti mo omatou pule, i kolo o Suta mo ala o Selusalemi. Ti na motou maua loa i ai se pane ke motou kai, ti na motou fiafia loa i ai, ti na leaise motou tio loa ki se malaia.

Selemia 8:8

Pe fefeaki ke kotou pati : E motou popoto, E motou maua le lao a le Eteleno ? E leaise aoga le gaoi a le kau sekelipa, Talie e lotou tosi loi le lao.

Tagi laulau a Selemia 3:62

Mo masau a latou ala e agatuu kiate au, Ti mo fakatuutuu ala e lotou faufau i aso fuli kiate au.

Esekiele 7:26

E soko le malaia ki le malaia, E muli le logo veli i le logo veli ; E lotou afa ni tio ki polofeta ; E leaise koi iloa e le kau faisakilifisio le lao, E leaise koi maua e le kau matua ni tokoi.

Levitiko 10:11

Ti e toe fenaaki foki mo ka kotou ako ki fanau a Iselaele a lao ala na kau tuku kia koutou ia Moisese.

Mikea 3:6

O tupu ko le nea lena, e kotou maua loa le pouli…, ti e leaise kotou toe maua loa se tio ! E kotou maua loa le fakapouli… kae leai ni folafola mei le Atua ! E to loa le laa ki polofeta ana, E fakapouli loa le malama o le ao kia latou.

Mikea 3:7

E luma loa le kau kikite, ti e kukula loa le kau polofeta, E lotou uufi fuli loa olatou kaukava ; Talie e leaise tali loa le Atua.

Malakia 2:7

Talie e tonu ke taupau e laugutu o le tagata faisakilifisio le poto, Ti e tonu ke afa i lona gutu le lao, O tupu ko se tagata a ia na kakau mai e le Eteleno o kau tau.

Luka 11:45

Na masau loa se tasi o le kau toketa o le lao, o pati kiate ia : Pule, i lau masau fenaaki, e ke toe valoki ai foki matou.

Soane 9:40

Ko ni iki faliseo ala na nonofo mo ia, i lalatou logo ki folafola ana, na pati loa kiate ia : Pe motou kivi, mo matou foki ?