Selemia 18:16 - Tosi Tapu

¹⁶ Kua lotou fakaliliu lolatou fenua ko se nea fakaaloalofa, ko se nea fakagologolo ; Ko latou fuli ala e fakalaka i ai e punamauli ti e lu olatou ulu.

Selemia 18:16 ပူးပေါင်းရင်းမြစ်များ

Uluaki tosi o Sau 9:8

Ti e logo ai le mauiga o le fale leinei, ko le tagata leia e fakalaka loa i ona tafa, e punamauli loa mo mapu loa ki ai, o pati : Kolea kua fai feneeki ai e le Eteleno ki le fenua leinei mo le fale leinei ?

Lua tosi o Koloniko 29:8

Koia na itaita ai le Eteleno ki Suta mo Selusalemi, ti na tuku ai e ia latou ki le maveuveu, mo le mamae, ti mo le luma, ofaipe le nea leia kua kotou tio mata ki ai.

Pesalemo 109:25

Kua kau fai kia latou pe se nea gologolo ; E lotou tio mai kiate au, ti e lu olatou ulu.

Pesalemo 22:7

Kae ko au, ko se kelemutu au, e leaise ko se tagata, Ko le nea gologolo au a tagata, ti ko le tagata vesiainai au a le kakai.

Pesalemo 44:14

E ke tuku matou ke liliu ko se nea fakalumaluma ki atu puleaga ia matou, Ko se nea fakagologolo mo fakakata kia latou ala e takatakai ia matou.

Esaia 37:22

Ko leinei le folafola leia e fakasa e le Eteleno o uiga mo ia : Kua vesia a ia kiate koe, kua gologolo a ia kiate koe, Le taupoou, taine o Sione ; Kua kalokalo e ia lona ulu kiate koe, Taine o Selusalemi.

Esaia 6:11

Na kau pati : E kaku loa kiafea Aliki ? Ti na tali loa a ia : E kaku loa ki le maumaui o kolo Ti mo lolatou tuku ke lavaki ; E kaku ki le aso leia e leaise toe maua ai loa se tagata i fale, Ti e maumaui ai loa le fenua e le lavaki ;

Selemia 19:8

E kau fakaliliu loa le kolo leinei ko se nea maumau ti mo se nea fakagologolo ; E ofolele loa latou fuli ala e fakalaka loa i ona tafa, Ti e lotou mapu loa ki ona lavea fuli.

Selemia 25:9

E kau kakau loa ke ano o afa mai a atu puleaga fuli o le potu noleto, e pati le Eteleno, ti e kau kakau loa ke au laku tagata fakasausau ko Nepukatenesale, sau o Papilone : E kau kakau mai loa a ia ke au o taui le fenua leinei mo lona kakai, mo puleaga fuli i ona tafatafa, o tupu ke maumaui fuli latou, ti ke fakaliliu le fenua leinei ko se kele maumau, leia ka kata loa ki ai mo mapu loa ki ai i lona fakaii.

Selemia 29:18

E kau tuli loa latou ki le seleta, mo le oge, mo le taumasaki, ti e kau fakaliliu loa latou ko se nea fakaii ki puleaga fuli o le kele, mo se nea fakamalaia, mo se nea fakaaloalofa, mo se nea fakagologolo, mo se nea fakalumaluma i puleaga fuli ala e kau kapu loa latou ki ai,

Selemia 42:18

Talie e folafola le Eteleno o kau tau, le Atua o Iselaele : E kau liligi loa loku sausau kia koutou ofaipe laku liligi a ia ki le kakai o Selusalemi, mo kapau e kotou ano loa ki Esipito ; e kotou liliu loa ko se nea fakalialia, mo fakaii, mo fakatupu malaia, mo fakalumaluma, ti e leaise kotou toe tio loa ki le ganea leinei.

Selemia 44:12

E kau too loa a toetoega o Suta, ala kua mafuli olatou mata o ano ki le fenua o Esipito, ke nofo i ai, ti e lotou mamate fuli loa. Io, ko le fenua lena e lotou vivilo ai loa, o mamate i le seleta, mo le oge, latou fuli mei leia e ikiiki o kaku ki leia e lasi ; ti e lotou liliu loa ko se nea fakalialia, mo se nea fakaii, mo fakatupu lauveli, mo fakalumaluma.

Selemia 48:27

Pe na leaise fai Iselaele kiate koe pe se nea fakagologolo ? Pe na ke maua a ia mo le kau kaia, ke ke masau ai kiate ia, o lu lou ulu ?

Selemia 49:13

Talie e kau fakapapau iate au totonu, e pati le Eteleno, E liliu loa Potesela ko se nea fakaofolele mo fakalumaluma, Ko se nea maumau mo fakamalaia, Ti e liliu loa ona kolo fuli ko ni tuuga nea maumau o lee gato.

Selemia 49:17

E liliu loa Etome ko se nea maumau ; Ko latou fuli ala e fakalaka loa i ona tafa, E punamauli loa ti e mapumapu loa i ona lavea fuli.

Selemia 50:13

O tupu ko le sausau o le Eteleno, e leaise toe nofoi loa a ia, Kae tuu lavaki loa a ia. E ofolele loa latou fuli ala e fakalaka loa i tafa o Papilone, Ti e lotou mapu loa ki ona lavea fuli.

Selemia 51:37

E liliu loa Papilone ko se kolo maumau, ko se nofoaga o kuli vao, Ko se nea fakaofolele mo fakagologolo ; E leaise toe maua loa i ai se kakai.

Selemia 51:43

Kua maumau ona kolo, Kua malo le kele mo toafa ; Ko se fenua leia e leaise koi nofo ai se tasi, Ti e leaise koi fakalaka ai se tasi.

Selemia 9:11

Io, e kau fakaliliu loa Selusalemi ko se kolo maumau, ko se mumuniaga o kuli vao, Ti e kau fakaliliu loa a kolo o Suta ko se toafa lavaki.

Tagi laulau a Selemia 1:12

E kau masau kia koutou, kia koutou fuli ala e fakalaka i leinei ! Kotou tio ti kotou iloa pe i ai se mamae e tatau mo loku mamae, Mo leia kua taai au ki ai ! Kua fakamamae au e le Eteleno i le aso o lona sausau lasi.

Esekiele 12:19

Pati ki le kakai o le fenua : Ko leinei le folafola a le Aliki, le Eteleno, Ki kakai o Selusalemi i le kele o Iselaele ! E lotou kai loa lalatou pane i le mamae, Ti e lotou inu loa lalatou vai i le i, Talie e mativa loa le fenua i nea fuli e mau e ia, O tupu ko le agamakeke o latou fuli ala e nonofo i ai.

Esekiele 27:36

Kua mapu le kau fai koloa o ni kakai matapule kiate koe ; Kua ke puli, ti e leaise toe maua loa a koe i se aso !

Esekiele 36:3

Kikite, o pati : E folafola le Aliki, le Eteleno : Io, o tupu kua loto mei potu fuli ke maumaui koutou mo folo koutou, Ke kotou liliu ko le kele o ni puleaga kese, O tupu kua kotou liliu ko le nea gologolo mo lauveli a atu kakai,

Esekiele 6:14

E kau siki loa loku lima kia latou, Ti e kau fakaliliu loa le fenua ke toe lavaki ake mo malo ake I le toafa o Tipela, I ganea fuli ala e lotou nonofo ai. Ti e lotou iloa loa ko au ko le Eteleno.

Levitiko 26:32

E kau maumaui loa le fenua, e au totonu ; ti e punamauli loa okoutou fili ala e nonofo loa i ai.

Levitiko 26:43

I le temi leia e lotou puli ai loa i le fenua, e malolo loa le fenua. I le temi lena, e lotou totogi ai loa le tua o alatou agaveli, talie na lotou tiaki aku fakatotonu ti na vesia olatou laumalie ki aku lao.

Mikea 6:16

E tausi a agai fenua a Omeli Ti mo aga fuli o le fale o Akapo, Ti e kotou saele i alatou tokoi ; Koia leia e kau tuku ai loa a koe ki le maumau, Ti e kau fakaliliu loa lou kakai ko se nea fakakata, Ti e ke amo loa le luma o loku kakai.

Mateo 27:39

Ko latou ala na fakalaka i ai na nukinuki loa kiate ia, ti na lotou kalo loa olatou ulu,

Maleko 15:29

Na nukinuki loa kiate ia latou ala na fakalaka i ai, mo kalokalo olatou ulu, o pati : A koe leia e maumaui ia le fale tapu, ti toe fakatuu ia a ia i aso e tolu,

Tetelonome 28:59

e tautea loa a koe e le Eteleno, a koe mo lou sakoga, ki ni malaia lalasi mo fualoa, ki ni masaki veveli mo fualoa.

Tetelonome 29:23

mo le vela katoa o le fenua leinei, leia e leaise maua loa i ai se pulapula, mo se fua, mo se mutie leia e somo, ofaipe le tutu o Sotoma mo Komola, mo Atema mo Sepoimi, ala na maumaui e le Eteleno i lona sausau mo lona finenonofo, -