Selemia 18:11 - Tosi Tapu

¹¹ Masau i le aso nei ki tagata o Suta ti mo le kakai o Selusalemi, o pati : E folafola le Eteleno, o pati : Ko leinei, e kau teuteu kia koutou se malaia, E kau Fakakaukau se fakatuutuu kia koutou. Ke tasi tafoki mai le tagata mei lona ala veli ! Kotou fai ke malilie okoutou ala mo akoutou gaoi !

Selemia 18:11 ပူးပေါင်းရင်းမြစ်များ

Senesi 11:7

Koia tou ifo o veuki ai lalatou masau, ke aua na lotou toe felogoi ia latou.

Uluaki tosi o Sau 22:23

I le lakaga nei, ko leinei, kua tuku e le Eteleno se laumalie o le loi ki gutu o au polofeta fuli ala e nonofo i lena. Ti kua fakasa e le Eteleno se nea veli kiate koe.

Lua tosi o Sau 17:13

Na valoki loa e le Eteleno a Iselaele mo Suta ki ana polofeta fuli mo le kau kikite katoa, o pati kia latou : Kotou tafoki mai mei okoutou ala veveli, ti ke kotou tausi aku fakatotonu mo aku lao, o mulimuli katoa ki le lao leia na kau fakatotonu ki okoutou tamana ti na kau soli atu kia koutou i aku tagata fakasausau, le kau polofeta.

Lua tosi o Sau 22:13

Kotou ano o afa le finegalo o le Eteleno o uiga mo au, o uiga mo le kakai ti mo Suta katoa, o tupu ko folafola o le tosi leinei kua tou aga o maua ; talie kua lasi ai le itaita o le Eteleno kia tatou, o tupu na leaise fakalogo fua otatou tamana ki folafola o le tosi leinei, ti na leaise lotou aga fua o tausi a nea fuli ala na tosi mai i ai kia tatou.

Lua tosi o Sau 5:5

Ti na pati loa le sau o Silia : E malie, ano ki Samalia, ti e kau tuku atu loa se tosi ki le sau o Iselaele. Na ano loa Naamane, ti na too loa e ia ni kilo paaga e kau lelau tolu kilo, mo ni kilo aulo e kau ono, ti mo ni kofu katoa e kau agafulu.

Esaia 5:5

E kau fakasa atu loa kia koutou i le lakaga nei Le nea leia ka kau fai loa ki laku vite. E kau tata loa le a laakau, o tupu ke kai a ia e manu ; E kau maumaui loa le a, o tupu ke takatakafi a ia e le fenua.

Esaia 57:1

E mate le tagata agatonu, ti e leaise tokaga se tasi ki ai ; E pupuli a tagata malilie, ti e leaise tokaga se tasi. Io, e puli le tagata agatonu i mua o le malaia.

Selemia 11:11

Koia e folafola ai le Eteleno, o pati : Ko leinei, e kau aumai loa kia latou ni malaia Ala e leaise feala ke lotou sao loa i ai. E lotou kalaga loa kiate au, Ti e leaise kau fakalogo loa kia latou.

Selemia 11:19

Na kau faipe se akeno lalata leia e ave ki le fale tamate manu, Ti na leaise kau iloa alotou fakatuutuu veveli na lotou fai kiate au : Tou maumaui le laakau mo lona fua ! Tou tuuti a ia i le kele o le kau mauli, Ti ke aua na toe manatu ki lona igoa !

Selemia 18:18

Ti na lotou pati : Kotou au, tou fonofono kia Selemia ! Talie e leaise puli loa le lao mo kapau e leaise maua ni tagata faisakilifisio, Pe ko le tokoi, mo kapau e leaise maua ni kau poto, Pe ko le folafola, mo kapau e leaise maua ni kau polofeta. Kotou au, tou tamate a ia ki le alelo ! Aua na tou tokaga ki ana masau !

Selemia 19:15

E folafola le Eteleno o kau tau, le Atua o Iselaele, o pati : E kau aumai loa ki le kolo leinei mo kolo fuli ala e fakalogo ki ai, a malaia fuli ala na kau fakasa fakatomua, o tupu kua lotou fakafefeka olatou ua ke aua na lotou logo ki aku folafola.

Selemia 19:3

E ke pati loa : Kotou fakalogo ki le folafola a le Eteleno, sau o Suta, mo koutou, kakai o Selusalemi ! E folafola le Eteleno o kau tau, le Atua o Iselaele, o pati : Ko leinei, e kau aumai loa ki le ganea leinei se malaia, Leia e gugulu loa ki taliga o latou ala e logo loa ki ai.

Selemia 25:2

Ti na fakasa loa e Selemia le folafola i mua o le kakai katoa o Suta mo le kakai katoa o Selusalemi, o pati :

Selemia 25:5

Na lotou pati : Kotou tasi tafoki mai mei lona ala veli, mei le agaveli o akoutou gaoi, ti e kotou nonofo loa i le fenua leia na kau soli kia koutou mo okoutou tamana, mei tautupu ki tautupu.

Selemia 26:13

I le lakaga nei, kotou fetogi okoutou ala mo akoutou gaoi, kotou fakalogo ki le leo o le Eteleno, lokoutou Atua, ti e fakasemala loa le Eteleno ki le veli leia kua fakatotonu e ia ke fai kia koutou.

Selemia 26:3

E lagi lotou fakalogo loa, ti e lotou tafoki loa taki tasi mei olatou ala veveli ; ti e kau fakasemala loa ki le veli leia na kau manatu ke fai kia latou o tupu ko le agaveli o alatou gaoi.

Selemia 3:1

E pati a ia : Ka kapu e se tagata lana avaga, Ti e mavae le fafine iate ia, o toe avaga mo se tasi ake tagata, Pe toe liliu loa le uluaki tagata kiate ia ? Leai ! Talie e kelekele loa i ai le fenua. Kae ko koe, Iselaele, na ke faiaga mo ni kau mamana toka api, Ti e ke loto loa ke ke toe liliu mai kiate au ! e pati le Eteleno.

Selemia 3:22

Kotou tafoki mai kiate au, fanau agatuu : E kau fakamolemole loa akoutou agatuu. Ko nei matou, e motou ano kiate koe, Talie ko le Eteleno a koe, lomatou Atua.

Selemia 35:15

Na kau kakau atu kia koutou aku tagata fakasausau fuli, le kau polofeta, na kau kakau atu latou koi usu, o pati kia koutou : Kotou tasi toe liliu mai mei lona ala veli, kotou fai akoutou gaoi ke malilie, aua na kotou ano o tausi ki ni iki ake atua kese, o tupu ke kotou nonofo loa i le fenua leia kua kau soli kia koutou mo okoutou tamana. Kae na leaise tokaga mai okoutou taliga, ti na leaise kotou fakalogo mai kiate au.

Selemia 36:3

I le aso leia e logo ai loa le fale o Suta ki le veli katoa leia e kau manatu ke fai kiate ia, e lagi lotou toe liliu taki toka tasi mai loa mei lona ala veli ; ti e kau fakamolemole loa ki alatou agaveli mo alatou agasala.

Selemia 36:7

E lagi logo loa le Eteleno ki alatou kolekole, ti e lagi tasi tafoki mai loa le tagata mei lona ala veli ; talie kua lasi ai le ita mo le sausau o le Eteleno leia ka to ki le kakai leinei.

Selemia 4:1

Iselaele, kapau e ke tafoki mai, kapau e ke tafoki mai kiate au, e pati le Eteleno, Kapau e ke too au nea fakalialia i oku mua, E leaise ke toe sese loa.

Selemia 4:14

Selusalemi, fakamea lou loto i le veli, O tupu ke fakamauli a koe ! E kaku loa kiafea lau taofi i lou loto au manatu veveli ?

Selemia 4:23

E kau tio ki le malama nei, ti ko leinei, kua maveuveu a ia mo lavaki, Ki atu lagi, ti kua puli lolatou malama.

Selemia 4:6

Kotou toso se manumanu o fakaagaaga ki Sione ; Kotou sosola, aua na kotou toe tutuu ! Talie e kau kakau loa mei le potu noleto le malaia Ti mo se maumau lasi.

Selemia 51:11

Kotou fakamatakakai a gasau, Kotou too a paletau ! Kua fakamakeke e le Eteleno a loto o sau o Meti, Talie kua loto a ia ke maumaui Papilone ; Talie ko le lagavaka a le Eteleno, Le lagavaka o lona fale tapu.

Selemia 7:3

E folafola le Eteleno o kau tau, le Atua o Iselaele, o pati : Kotou fetogi okoutou ala mo akoutou gaoi, Ti e kau tuku loa koutou ke nofo i le fenua leinei.

Esekiele 13:22

O tupu e kotou fakamamae le loto o le tagata agatonu ki ni loi, Leia na leaise kau fakamamaei, Ti e tupu e kotou fakamakeke a lima o le tagata agaveli Ke aua na mavae a ia i lona ala veli ke mauli ai,

Esekiele 18:23

E pati le Aliki, le Eteleno : Pe ko loku loto leia ke mate le tagata agasala ? Pe leaise ko loku loto ke tafoki a ia i lona ala ti ke mauli a ia ?

Sonasi 3:8

Ke kofu e tagata mo manu ni taga, ti ke lotou tagi ki le Atua i lolatou makeke katoa, ti ke lotou tafoki fuli mei olatou ala veveli mo alatou gaoi fakamakeke ala na agasala ai olatou lima !

Mikea 2:3

Koia leia e folafola ai le Eteleno : Ko leinei, e kau fakakaukaui loa ki le kakai lena se malaia ; E leaise kotou fakasao loa i ai okoutou ua, Ti e leaise kotou saele loa mo le ulu e tuu sako, Talie e veveli loa a temi ana.

Sakalia 1:3

Koia fakasa ai kia latou : E folafola le Eteleno o kau tau, o pati : Kotou toe liliu mai kiate au ; ti e kau toe liliu mai loa kia koutou, e folafola le Eteleno o kau tau.

Gaoi 26:20

kae na kau fakasa kia latou ala i Tamaso mua, mo latou ala i Selusalemi, mo latou ala i le fenua katoa o Sutea, ti mo le kau pagani, ke lotou fakasemala ti ke lotou tafoki ki le Atua, o fai a gaoi ala e gali mo le fakasemala.

Sakopo 4:13

Kia koutou ala e pati : I le aso nei pe ko apogipogi e motou ano loa ki le kolo leia, e motou nofo loa i ai i se fetuu katoa, e motou fai koloa loa i ai, ti e motou maua loa se koloa lasi ake !

Sakopo 5:1

Kia koutou loa, kau mou koloa ! Kotou tagi mo lauga, o tupu ko malaia ala ka au loa kia koutou.