Selemia 17:7 - Tosi Tapu

⁷ Manuia le tagata leia e fanaki ki le Eteleno, Ti ko lona amanaki malie ko le Eteleno !

Selemia 17:7 ပူးပေါင်းရင်းမြစ်များ

Pesalemo 125:1

Katiko o le fanoga tapu. Ko latou ala e fanaki ki le Eteleno E tatau mo le mauga o Sione : E leaise siga a ia, E tuu makeke a ia o lee gato.

Pesalemo 146:5

Manuia le tagata leia e maua ia lona tokoi i le Atua o Sakopo, Leia e tuku ia lana amanaki malie ki le Eteleno, lona Atua !

Pesalemo 2:12

Ke kotou sogi ki le Alo, talie na ita a ia, Kae kotou mamate loa i lokoutou ala, Talie e ula vave lona ita. Manuia latou fuli ala e fanaki kiate ia !

Pesalemo 20:8

E fanaki latou anei ki alatou saliote, ti ko latou ala ki alatou osi ; Kae ko matou, e motou too le suafa o le Eteleno, lomatou Atua.

Pesalemo 34:8

E nofo le aselo o le Eteleno o takatakai latou ala e i kiate ia, Ti e taaki e ia latou i le tutamaki.

Pesalemo 40:4

Na tuku e ia ki loku gutu se katiko foou, Se fakafetai ki lotatou Atua. Na tio ki ai le toka api, ti na lotou i loa kiate ia, Ti na lotou fanaki loa ki le Eteleno.

Pesalemo 71:5

Talie ko laku amanaki malie ko koe, Aliki Eteleno ! E kau fanaki kiate koe talu mei loku ikiiki.

Pesalemo 84:12

Talie ko le Eteleno Atua ko se laa ti ko se paletau : E soli e le Eteleno le kalasia mo le kololia, E leaise fakafiti e ia se nea malie kia latou ala e saele i le maoki.

Taagapati 16:20

Ko leia e fakakaukau ki nea e maua ia le fiafia, Ti ko leia e fanaki ki le Eteleno e manuia.

Esaia 30:18

Koia e oli le Eteleno ke soli atu kia koutou lona kalasia, Ti e tuu loa a ia ki aluga o soli atu kia koutou lona manava alofa ; Talie ko le Eteleno ko se Atua faitotonu : Manuia latou fuli ala e amanaki malie kiate ia !

Esaia 61:3

Ke soli kia latou fuli ala e mamae i Sione, Io, ke soli kia latou se pala fakasau ke fetogi ai le mugalafu, Mo se lolo fakafiafia ke fetogi ai le putu, Mo se kofu fakafetai ke fetogi ai le loto mamae, O tupu ke fakaigoa latou ko ni telepate o le faitotonu, Se faisaga a le Eteleno, ke tausi ki lona kololia.

Selemia 39:18

E kau saofaki loa a koe, ti e leaise ke mate loa i le seleta ; ko lou totogi ko lou mauli, talie na ke fanaki kiate au, e pati le Eteleno.

Taniela 3:28

Ti na masau loa Nepukatenesale, o pati : Ke manuia le Atua o Satalake, mo Mesake, mo Apeteneko, leia na kakau ia mai lona aselo ti na saofaki ia ana tagata fakasausau ala na fanaki kiate ia, kae na maumaui ia le fakatotonu a le sau. Na lotou malie ia ake le momoli o olatou tino i lalatou tausi mo atolasio ki se tasi ake atua kese.

Sofoni 3:12

E kau tuku loa i loto malie o ou se kakai agamalu mo mativa, Leia e maua loa lona mumuniaga i le suafa o le Eteleno.

Efeso 1:12

o tupu ke tou fakavikiviki ki lona kololia, tatou ala kua amanaki malie fakatomua kia Kilisito.