Selemia 17:5 - Tosi Tapu

⁵ Koia e folafola ai le Eteleno, o pati : Malaia le tagata leia e fanaki ki le tagata, Leia e too ia le kanofi ko lona tokotoko, Ti e fakamaliu ia lona loto i le Eteleno !

Selemia 17:5 ပူးပေါင်းရင်းမြစ်များ

Lua tosi o Koloniko 16:12

I le fetuu kau tolu tupu iva o lana sau, na maua loa e Asa se masaki veli i ona vae, ti na mamae lasi ai a ia ; i le lolotoga foki o lona masaki, na leaise afa loa e ia le Eteleno, kae na ano a ia ki toketa.

Lua tosi o Koloniko 32:8

E nofo mo ia se lima fakakanofi, kae e nofo mo tatou le Eteleno, lotatou Atua, leia e tokoi mai loa kia tatou ti e tau loa kia tatou. Na fimalie loa le kakai i masau a Esekiasi, sau o Suta.

Pesalemo 18:21

Na totogi e le Eteleno kiate au o mulimuli ki loku agatonu, Ti na liufaki e ia kiate au o mulimuli ki le mea o oku lima ;

Pesalemo 62:9

Atu kakai, ke kotou fanaki tuumau kiate ia, Ke kotou liligi okoutou loto i ona mua ! Ko le Atua ko lotatou mumuniaga. - Manava.

Esaia 2:22

Kotou fakagato la le tuku o lakotou fanaki ki le tagata, Leia e fakalogo lona mauli ki lana tukumanava : Talie kolea lana nea e mafai ?

Esaia 20:5

I le aso lena, ko latou ala na tuku lalatou fanaki ki Etiopia ti mo latou ala na viki ia le makeke o Esipito, e nonofo loa i le i mo le luma.

Esaia 36:6

Ko leinei, na ke tuku lau fanaki ki Esipito, na ke too ia le fa u fati lena ke tokoi atu kiate koe, leia e puui ia le lima o leia e fanaki ki ai : Ko lena le anoaga o Falaone, sau o Esipito, kia latou fuli ala e fanaki kiate ia.

Esaia 59:15

E puli le maoki, Ti ko leia e fakamamao i le veli e kaia ona koloa. E tio le Eteleno ki le nea a ia, ti na veli ai ki ona mata, Leia e puli le faitotonu.

Selemia 11:3

Pati kia latou : E folafola le Eteleno, le Atua o Iselaele, Malaia le tagata leia e leaise fakalogo ki folafola o le sai leinei,

Esekiele 6:9

Ko latou ala e sao loa e toe manatu loa kiate au I le lotolotoga o atu puleaga ala e lotou popula ai, Talie e kau fatifatii loa olatou loto sese mo patigataa, Mo olatou mata ala na faiaga ki olatou taulaatua ; E lotou fakalialia loa kia latou totonu, O tupu ko agaveveli ala na lotou fai, O tupu ko alatou aga fakalialia fuli.

Oseo 1:2

I le uluaki fakasa e le Eteleno lana folafola kia Ose, na pati le Eteleno kia Ose : Ano, o too se fafine faiaga mo ni fanau o le faiaga ; talie kua faiaga le fenua ti kua tiaki e ia le Eteleno !