Selemia 17:4 - Tosi Tapu

⁴ E ke sala loa i le tofiga leia na kau soli atu kiate koe o tupu ko lau agasala ; E kau tuku loa a koe ke popula ki lou fili, i se fenua leia e leaise ke iloa ; Talie na kotou tutu le afi o loku sausau, Ti e ula loa a ia o lee gato.

Selemia 17:4 ပူးပေါင်းရင်းမြစ်များ

Uluaki tosi o Sau 9:7

e kau tuuti loa Iselaele mei le fenua leia na kau soli kiate ia, e kau tiaki loa ke mamao meiate au le fale leia na kau fakatapui ki loku suafa, ti e liliu loa Iselaele ko se nea fakagologolo mo fakakatai a puleaga fuli.

Lua tosi o Sau 25:21

Na tamate loa latou e le sau o Papilone i Lipela, i le fenua o Amate.

Neemia 9:28

Kae ka lotou maua loa le malolo, na lotou toe kamata loa le fai o le nea leia e veli ki ou mata. Koia na ke tuku ai loa latou ki lima o olatou fili, ala na pulei ia loa latou. Kae na lotou toe tagi loa kiate koe ; ti na ke logo loa kia latou mei lagi, ti na ke saofaki loa latou o tua lasi, o tupu ko lou manava alofa.

Esaia 14:3

Ti ka soli atu loa kiate koe e le Eteleno se malolo, I le oki o ou mamae mo ou i, Ti mo le oki o le popula mamae leia na taomi ia a koe,

Esaia 30:33

Talie kua teuteui se mata afi talu mei fualoa ; Kua teuteui a ia ki le sau, kua fai a ia ke loloto mo lau lasi ; Kua fakatuuga i ai se fafie lasi mo se afi ; E tutu loa a ia e le tukumanava a le Eteleno, ofaipe se vaitafe sulifa.

Esaia 5:25

Koia kua vilo ai le sausau o le Eteleno ki lona kakai, Kua falo ai lona lima kiate ia, o taai a ia. Kua lulu a mauga ; Ti kua fai a mate pe ni penu i loto malie o ala. Kae logo ai a nea fuli ana, e leaise malu lona sausau, Ti e koi falo lona lima.

Esaia 50:11

Ko leinei, ko koutou fuli ala e tafu ia se afi, Ti e too ia ni taume ulaula, Kotou ano ki loto malie o lakoutou afi mo akoutou taume ulaula ! Ko loku lima leia e fakasoko ia loa a nea ana kia koutou ; E kotou momoe loa i le mamae.

Esaia 66:24

Ti ka mavae loa mei ai, e tio loa Ki mate o latou ala na agatuu kiate au ; Talie e leaise mamate loa olatou ilo, ti e leaise toe mate loa lolatou afi ; Ti e lotou liliu loa ko se nea fakalialia ki le kakai katoa.

Selemia 12:7

Na kau tiaki loku fale, Na kau tiaki loku tofiga ; Na kau tuku le nea leia na alofa ki ai loku loto ki lima o ona fili.

Selemia 15:14

E kau tuku a koe ke ano mo lou fili ki se fenua leia e leaise ke iloa, Talie kua mu le afi o loku sausau, Kua ula a ia kia koutou.

Selemia 16:13

E kau ave loa koutou i le fenua leinei Ki se fenua leia na leaise kotou iloa, E koutou mo okoutou tamana ; I lena, e kotou tausi loa ki ni atua kese i le ao mo le po, Talie e leaise kau soli loa kia koutou se kalasia.

Selemia 18:23

Kae ko koe, Eteleno, e ke iloa alatou fonofono veveli fuli ke tamate au. Aua na ke fakamolemole lalatou agaveli, Aua na ke soloi lalatou agasala i ou mua ! Tautea latou i le aso o lou sausau !

Selemia 2:14

Pe ko Iselaele ko se tagata popula na totogi, pe ko se vosa na tupu i le fale ? Leai ! Ti kolea e liliu ai a ia ko le nea kai a atu puleaga ?

Selemia 21:12

Fale o Tavite ! E folafola le Eteleno, o pati : Kotou kamata okoutou aso i le fai o ni fakamaau i le faitotonu, Kotou fakalauatea le tagata popula i lima o lona pule, Ke aua na vilo loku sausau ofaipe se afi, Ti ke aua na ula a ia kae e leaise mafai loa lona tamate, O tupu ko le agaveli o akoutou gaoi.

Selemia 22:28

Pe ko se ipu veli mo mafaa a Sekonia ? Pe leaise alofa ki ai se tasi ? Kolea kua tiaki ai latou, a ia mo lona sakoga, Ti kua kapu ai latou ki se fenua leia e leaise lotou iloa ?

Selemia 5:19

Kapau e kotou pati loa i le aso lena : Kolea e fai ai e le Eteleno, lomatou Atua, a nea fuli anei kia matou ? E ke tali loa kia latou : Talie na kotou tiaki au, Ti na kotou tausi ki ni atua matapule i lokoutou fenua, Koia e kotou popula loa ki ni matapule i se fenua leia e leaise ko lokoutou fenua.

Selemia 5:29

Pe leaise kau tautea loa a nea ana, e pati le Eteleno, Pe leaise kau totogi loa ki se puleaga felaaki ?

Selemia 7:20

Koia e folafola ai le Aliki, le Eteleno, o pati : Ko leinei, kua liligi loku sausau mo loku mafaia ki le ganea leinei, Ki tagata mo manu, Ki laakau o faisaga mo fua o le kele ; Kua mu loku sausau ti e leaise toe mate loa a ia.

Tagi laulau a Selemia 1:12

E kau masau kia koutou, kia koutou fuli ala e fakalaka i leinei ! Kotou tio ti kotou iloa pe i ai se mamae e tatau mo loku mamae, Mo leia kua taai au ki ai ! Kua fakamamae au e le Eteleno i le aso o lona sausau lasi.

Tagi laulau a Selemia 5:2

Kua fakalaka lomatou tofiga ki ni matapule, Mo omatou fale ki ni kakai kese.

Esekiele 21:31

E folafola le Aliki, le Eteleno, o pati : E too loa lou pale fakasau, ti e too loa o ave mo lou pala fakasau. E fetogi loa a nea : Ko le nea leia na taulalo e siki loa ki aluga, ti ko le nea leia na taualuga e tuku loa ki lalo.

Esekiele 7:24

E kau aumai loa a kakai agaveli ake i kakai fuli, O tupu ke lotou too olatou fale ; E kau fakagato loa le fia nealasi o le kau makeke, Ti e fakakelekele loa olatou sagatualio.

Tetelonome 28:25

E tuku loa e le Eteleno ke ke sola i mua o lou fili ; e ke ano loa o tau kia latou i se ala e tasi, ti e ke sola loa i ona mua i ni ala e fitu. E ofolele loa puleaga fuli o le kele i le nea leia kua soko loa kiate koe.