Selemia 17:23 - Tosi Tapu

²³ Na leaise lotou fakalogo, na leaise tokaga olatou taliga ; Na lotou fakafefeka olatou ua, Ke aua na fakalogo mo tali le akonaki.

Selemia 17:23 ပူးပေါင်းရင်းမြစ်များ

Pesalemo 50:17

E koe leia e vesia ki manatu, Ti e tiaki ia aku folafola ki ou muli !

Taagapati 1:3

Ke maua ai ni akonaki o le poto, Mo le agatonu, mo le faitotonu, ti mo le maoki ;

Taagapati 1:5

Ke fakalogo le tagata poto, ti e fakalasi loa e ia lona poto ; Ti ko leia e atamai e toe maua ia loa se tasi ake atamai,

Taagapati 29:1

Ko se tagata leia kua tua lasi lona valoki, kae e fakafefeka lona ua, E fatii fakapunamauli loa a ia, ti e leaise toe maua loa sona faitoo.

Taagapati 5:12

O ke pati : Oiau, kolea na kau vesia ai ki le akonaki, Ti kolea na leaise tokaga ai loku loto ki le valoki ?

Taagapati 8:10

Kotou filifili aku akonaki i le paaga, Ti mo le iloa i le aulo mea ;

Esaia 48:4

Kae na kau iloa ko koe ko se kakai loto fefeka, Ti ko lou ua ko se potu ukamea, Ti ko lou lae ko se potu sila,

Selemia 11:10

Kua lotou toe liliu ki agasala o olatou uluaki tamana, Ala na leaise fia fakalogo ki aku folafola, Ti na lotou ano ki ni iki ake atua kese, o tausi latou. Na maumaui e le fale o Iselaele mo le fale o Suta laku sai, Leia na kau fai mo olatou tamana.

Selemia 19:15

E folafola le Eteleno o kau tau, le Atua o Iselaele, o pati : E kau aumai loa ki le kolo leinei mo kolo fuli ala e fakalogo ki ai, a malaia fuli ala na kau fakasa fakatomua, o tupu kua lotou fakafefeka olatou ua ke aua na lotou logo ki aku folafola.

Selemia 32:33

Na lotou titua mai kiate au, na leaise lotou tio mai kiate au. Na ako latou, na ako latou talu mei le usu, Kae na leaise lotou fakalogo ke lotou popoto.

Selemia 35:15

Na kau kakau atu kia koutou aku tagata fakasausau fuli, le kau polofeta, na kau kakau atu latou koi usu, o pati kia koutou : Kotou tasi toe liliu mai mei lona ala veli, kotou fai akoutou gaoi ke malilie, aua na kotou ano o tausi ki ni iki ake atua kese, o tupu ke kotou nonofo loa i le fenua leia kua kau soli kia koutou mo okoutou tamana. Kae na leaise tokaga mai okoutou taliga, ti na leaise kotou fakalogo mai kiate au.

Selemia 5:3

Eteleno, pe leaise tio ou mata ki le maoki ? E ke taai latou, kae e leaise lotou logoi fua se mamae ; E ke tutu latou ke okioki, kae e leaise lotou tokaga fua ki se akonaki : E lotou asili fakafefeka ake olotou mata i le fatu ; E leaise lotou fia tafoki kiate koe.

Selemia 6:8

Ei Selusalemi, tali le akonaki, Ke aua na kau fakamamao iate koe, Ke aua na kau fakaliliu a koe ko se toafa, Ko se fenua lavaki !

Selemia 7:28

Koia pati kia latou : Ko leinei le kakai leia e leaise fakalogo ki le leo o le Eteleno, lona Atua, Ti e leaise loto ke tali ia se akonaki ; Kua puli le maoki, kua mavae a ia i lolatou gutu.

Esekiele 20:13

Kae na agatuu loa le fale o Iselaele kiate au i le toafa. Ti na leaise lotou mulimuli loa ki aku lao, ti na lotou tiaki loa aku fakatotonu, ala e tonu ke fai e le tagata o tupu ke mauli ai, ti na lotou maumaui fakaveliveli loa aku sapato. Koia na kau maua ai loa le manatu ke liligi kia latou loku sausau i le toafa, o tupu ke fakapuli ai latou.

Esekiele 20:16

Ti ko le nea lena o tupu na lotou tiaki aku fakatotonu, ti na leaise lotou mulimuli ki aku lao, ti na lotou maumaui aku sapato, o tupu na leaise fakamamao olatou loto i olatou taulaatua.

Esekiele 20:21

Kae na agatuu loa a vosa kiate au. Ti na leaise lotou mulimuli loa ki aku pelesepeto, ti na leaise lotou tausi mo fai loa aku fakatotonu, ala na tonu ke fai e le tagata ke mauli ai, ti na lotou maumaui loa aku sapato. Na kau maua loa le manatu ke liligi loku sausau kia latou, ke fakavilo loku sausau katoa kia latou i le toafa.

Sofoni 3:7

Na kau pati : Kapau fua na ke fia fakaapaapa kiate au, O tokaga ki laku fakatotonu, E leaise maumaui loa lou nofoaga, Ti e leaise soko loa tautea fuli ala na kau fakatuutuu kiate koe ! Kae na lotou fakatavili o fakakelekele alatou gaoi.

Gaoi 7:51

Tagata ulu fefeka, mo lee silikosisio i le loto mo le taliga ! E kotou fakafesagai tuumau ki le Laumalie Maokioki, koutou ofaipe okoutou tamana.

Tuifakamaau 6:10

Na kau pati kia koutou : Ko au ko le Eteleno, lokoutou Atua : Ke aua na kotou fakaapaapa loa ki atua o le kau Amole i lolatou fenua leia ka kotou nofo ai loa. Kae na leaise kotou fakalogo loa ki loku leo.