Selemia 17:22 - Tosi Tapu

²² Aua na kotou ave ki fafo i okoutou fale se amoga e tasi i le aso o le sapato, Ti aua na kotou fai se gaoi. Kae kotou fakatapu le aso o le sapato, Ofaipe laku fakatotonu ia ki okoutou tamana.

Selemia 17:22 ပူးပေါင်းရင်းမြစ်များ

Neemia 13:15

I le temi lena, na kau tio loa i Suta ki ni iki na takatakafi i tatauaga vite i le aso o le sapato, ti mo ni iki na fakaulu ia le fulumeto ki fale, ti mo ni iki na fetuku ia i ni asino ni vino, mo ni fuai vite, mo ni fuai fiki, ti mo nea kesekese, o aumai ki Selusalemi i le aso o le sapato ; ti na kau fai loa kia latou ni valoki i aso ala na lotou fakatau ai alatou nea kai.

Ekesote 23:12

E ke fai loa lau gaoi i aso e ono. Kae i le fitu o aso, e ke malolo loa, o tupu ke malolo foki lau pipi mo lau asino, ti ke manavanava ai foki le vosa o lau tagata fakasausau ti mo le matapule.

Esaia 58:13

Kapau e ke taofi lou vae i le aso o le sapato, Ke aua na fai lou loto i loku aso maokioki, Kapau e ke fai ki le sapato lou fiafiaaga, Ke tausi a ia ki le kololia o le Eteleno, Ti kapau e ke fakamauiga a ia, o leaise mulimuli i ou ala, O leaise mulimuli ki oli o lou loto mo au manatu noa,

Selemia 17:24

Kapau e kotou fakalogo mai kiate au, e pati le Eteleno, Kapau e leaise kotou fakaulu ni amoga I matapa o le kolo leinei i le aso o le sapato, Kapau e kotou fakatapu le aso o le sapato, Ti e leaise kotou fai se gaoi i le aso lena,

Esekiele 20:12

Ti na kau soli foki kia latou oku sapato ofaipe se fakamailoga iate au mo latou, o tupu ke lotou iloa ko au ko le Eteleno leia e fakamaokioki ia latou.

Esekiele 22:8

Kua ke tiaki loku sagatualio, ti kua ke maumaui aku sapato.

Levitiko 19:3

Kotou tasi fakaapaapa loa ki lona tamana mo lona tinana, ti mo tausi loa oku sapato. Ko au ko le Eteleno, ko lou Atua.

Levitiko 23:3

E gaoi loa i aso e ono ; kae ko le fitu o aso ko le sapato a ia, ko le aso malolo : e kotou fai loa i ai se fakatasi tapu. E leaise kotou fai loa se gaoi : ko le sapato a ia o le Eteleno, i okoutou fale fuli.

Sakalia 1:4

Aua na kotou faipe okoutou tamana, ala na masau ki ai le kau polofeta i mua, o pati : E folafola le Eteleno o kau tau : Kotou maliu mei okoutou ala veveli, ti mo akoutou gaoi veveli ! Kae na leaise lotou fakalogo, ti na leaise lotou tokaga fua kiate au, e folafola le Eteleno.

Luka 23:56

Ti na lotou liliu loa, o teuteui ni nea fakamanogi ti mo ni lolo takai. Ti na lotou malolo loa i le aso o le sapato o mulimuli ki le lao.

Luka 6:5

Ti na pati loa Sesu kia latou : E pule le Vosa o le tagata ki le sapato.

Apokalipisi 1:10

Na kau too loa e le Laumalie i le aso o le Aliki, ti na kau logo loa i oku muli ki se leo makeke, ofaipe se leo o se fakatagi pupusi,