Selemia 17:2 - Tosi Tapu

² E tatau lalatou manatu ki alatou fanau mo lalatou manatu ki olatou aletale Ti mo olatou taulaatua o Asetalate i tafa o laakau lalasi, I mauga liliki taualuga.

Selemia 17:2 ပူးပေါင်းရင်းမြစ်များ

Lua tosi o Koloniko 24:18

Ti na lotou tiaki loa le fale o le Eteleno, le Atua o olatou tamana, kae lotou tausi loa ki Asetalate mo taulaatua. Na vilo loa le sausau o le Eteleno ki Suta mo Selusalemi, o tupu ko agasala ana.

Lua tosi o Koloniko 33:19

Ko lana faikole mo le tali a le Atua kiate ia, ana agasala, mo ana agasala ti mo ana agatuu, mo ganea ala na laga ai loa e ia ni ganea taualuga ti na fakatuu ai loa e ia ni taulaatua mo ni fakatata togi i mua o lana fakasemala, e tosi le nea lena i le tosi a Osai.

Lua tosi o Koloniko 33:3

Na toe laga loa e ia a ganea taualuga, ala na maumaui e lona tamana ko Esekiasi ; na fakatuu loa e ia ni aletale kia Paale, ti na fai loa e ia ni fakatata o Asetalate, ti na atolasio loa a ia ki le kau tau o le lagi.

Pesalemo 78:58

Na lotou fakatupu ia loa lona sausau ki olatou ganea taualuga, Ti na lotou fakatupu ia loa lona finenonofo ki olatou fakatata.

Ekesote 34:13

Kae e kotou maumaui loa olatou aletale, e kotou momoi loa olatou fakatata, ti e kotou tekai loa olatou laakau tapu.

Esaia 1:29

E kotou luma loa o tupu ko laakau ala na kotou tui ki ai, Ti e kotou luma loa o tupu ko oloto ala na fai ia okoutou fiafiaaga ;

Esaia 17:8

E leaise toe tio loa a ia ki aletale, Gaoiaga o ona lima, Ti e leaise toe tokaga loa a ia ki nea ala na fau e ona maikao, A taulaatua o Asetalate mo fakatata o le laa.

Selemia 2:20

Kua fualoa ai lau fatii lau amoga, Lau motusi ou sai, Ti na ke pati : E leaise koi kau loto ke kau popula ! Kae i atu mauga liliki taualuga fuli, Ti mo lalo o laakau lalasi fuli, Kua ke punou ofaipe se fafine faiaga.

Selemia 3:23

Io, ko le loi katoa le logoa leia e au mei mauga liliki mo mauga lalasi ; Io, ko le Eteleno, lomatou Atua leia e maua ai le fakamauli o Iselaele.

Selemia 3:6

Na pati mai loa le le Eteleno kiate au, i le temi o le sau ko Sosiasi : Pe kua ke tio ki le nea leia kua fai e le fafine agatuu ko Iselaele ? Kua ano a ia ki mauga taualuga fuli ti mo lalo o laakau lalasi fuli, ti kua faiaga a ia i ai.

Selemia 7:18

E tae e fanau se fafie, E tafu e tamana le afi, Ti e lusi e fafine le falina, Ke teuteu ai ni kato ki le fafine sau o le lagi, Ti ke fai ai ni sakilifisio nea inu ki ni atua kese, Ke fakatupu ai loku sausau.

Esekiele 20:28

Na kau taki latou ki le fenua leia na kau fakapapau ke soli kia latou, kae na lotou tio ki ona potu taualuga fuli mo laakau sesega fuli ; ti na lotou fai loa i ai alatou failaulau, ti na lotou momoli loa i ai alatou moliga ala na fakatupu ia loku sausau, ti na lotou tutu loa i ai alatou kaloni manogi malie, ti na lotou liligi loa i ai lalatou lolo.

Tetelonome 12:2

Ke kotou maumaui loa a ganea tapu fuli ala e tausi ai ki olatou atua a puleaga ala ka kotou kapu loa, i tumutumu o mauga lalasi mo mauga liliki, mo lalo o laakau sesega fuli.

Tuifakamaau 3:7

Na agaveli loa fanau a Iselaele ki le Eteleno, ti na lotou galoi ia loa le Eteleno, lolatou Atua, kae na lotou atolasio loa kia Paale mo Akelase.