Selemia 17:16 - Tosi Tapu

¹⁶ Ti ko au, i laku fakalogo kiate koe, na leaise kau fakafiti ke kau liliu ko le tagata tausi ovi ; Na leaise kau oli foki ki le aso o le malaia, e ke iloa a ia ; Ko le nea leia na mavae mei oku laugutu e tuu i ou mua.

Selemia 17:16 ပူးပေါင်းရင်းမြစ်များ

Selemia 12:3

Kae ko koe, Eteleno, e ke iloa au ; E ke tio kiate au, e ke ului loku loto leia e nofo mo koe. Too latou ofaipe ni ovi ala e tonu ke tamate, Ti ke teuteu latou ki le aso tamatea lasi !

Selemia 13:17

Kapau e leaise kotou fakalogo, E kau tagi fakafufu loa, o tupu ko lokoutou fia nealasi ; E tafe loa a loimata i oku mata, Talie e ave popula loa le kau manu a le Eteleno.

Selemia 15:15

Ei Eteleno, e ke iloa nea fuli, manatui au, aua na ke galoi au, Tautea latou ala e fakaveliveli mai kiate au ! Aua na ke too au, o tupu ko lou kataki fualoa ! E ke iloa e kau tali le nukinuki o tupu ko koe.

Selemia 18:20

Pe totogi loa le malie ki le veli ? Talie kua lotou kenu se popoko ke too loku mauli. Ke ke manatui e koe, na kau tuu i ou mua, O tupu ke ulufaki latou, Ti ke afei lou sausau ia latou.

Selemia 20:7

Eteleno, na ke akonaki mai kiate au, ti na kau tui ki au folafola ; Na ke too au ki lou lima, ti na ke malo iate au. Ti kua kau liliu ko se nea fakagologolo i le aso katoa, Kua gologolo le fenua katoa kiate au.

Selemia 20:9

Kapau e kau pati : E leaise kau toe masau loa kiate ia, E leaise kau toe masau loa i lona suafa, E i ai i loku loto ofaipe se afi kaka, Leia e nofo i oku ivi. E kau faiga ke taofi a ia, kae e leaise kau mafai a ia.

Selemia 9:1

Oi ! ka na apele loku ulu i le vai, Ka na fai oku mata pe se matapuna loimata, E kau tagi loa i le ao mo le po Ki mate o le taine o loku kakai !

Amosi 5:10

I le fakamaauaga e lotou vesia ki leia e mulimuli ki le faitotonu, Ti e lotou vesia ki le tagata fakamaoki leia e fakasa ia le maoki.

Gaoi 20:20

E kotou iloa na leaise kau fufu se nea fua e tasi leia na aoga kia koutou, kae kua kau fakasa kia koutou mo ako kia koutou a nea fuli ala na aoga kia koutou, i mua o le kaugamalie ti mo loto fale,

Gaoi 20:27

talie kua kau fakasa kia koutou le finegalo katoa o le Atua, o leaise kau toe fufu fua se nea e tasi.

Lua tosi ki le kau Kolinto 1:12

Talie ko le nea leia e ma fiafia ai, ko le fakamaoki leinei o ma loto, na ma mauli i le malama nei, kae tafito kia koutou, i le maokioki ti mo le mea i mua o le Atua, o leai i se poto fakatagata, kae i le kalasia o le Atua.

Lua tosi ki le kau Kolinto 2:17

Talie e leaise motou fai kaka ki le folafola a le Atua, ofaipe le fai a se toka api ; kae motou masau i le maoki, i mua o le Atua, ofaipe ni tagata fakasausau a Kilisito.

Sakopo 1:19

Ke kotou iloa le nea leinei, ei oku fetaina alofaina : ke fakalogologo vave a tagata fuli, ke aua na masau vave, ke aua na itaita vave ;

Sakopo 3:1

Ei oku fetaina, ke aua na fai akonaki se toka api, talie e kotou iloa e lasi loa lotatou tautea.