Selemia 17:13 - Tosi Tapu

¹³ Ei Eteleno, ko koe ko le amanaki malie o Iselaele ! E luma loa latou fuli ala e tiaki ia a koe. E tosi loa i le kele latou ala e mavae iate au, Talie e lotou tiaki le matapuna o le vai mauli, le Eteleno.

Selemia 17:13 ပူးပေါင်းရင်းမြစ်များ

Pesalemo 22:4

Kae ko le Maokioki a koe, E ke nofo i loto malie o fakafetai a Iselaele.

Pesalemo 69:29

Ke soloi latou i le tosi o le mauli, Ti ke aua na tosi latou mo le kau agatonu !

Pesalemo 71:5

Talie ko laku amanaki malie ko koe, Aliki Eteleno ! E kau fanaki kiate koe talu mei loku ikiiki.

Pesalemo 73:27

Talie ko leinei, ko latou ala e fakamamao iate koe e mamate ; E ke maumaui latou fuli ala na vesia kiate koe.

Pesalemo 97:7

E lotou luma fuli latou ala e tausi ki fakatata, Latou ala e fakakololia i taulaatua. E punou a atua fuli i ona mua.

Taagapati 10:7

Ko le fakamanatu o se tagata agatonu ko se tapuakina ; Kae e vilo le igoa o le kau agaveli o popo.

Taagapati 14:14

Ko leia e sese lona loto e makona i ona ala, Kae e makona le tagata agamalie i le nea leia e maua iate ia.

Esaia 1:28

Kae e maumaui loa latou fuli ala e agatuu mo latou fuli ala e agasala, Ti e mamate loa latou fuli ala e tiaki ia le Eteleno.

Esaia 66:5

Kotou fakalogo ki le folafola a le Eteleno, Koutou ala e i ki lana folafola. Ko leinei le nea e pati ki ai okoutou fetaina, Ala e vesia kia koutou ti e fakalialia kia koutou O tupu ko loku suafa : Ke fakasa e le Eteleno lona kololia, Ti ke motou tio ki lokoutou fiafia ! Kae e lotou luma loa.

Selemia 14:8

Ko koe leia ko le fanakiaga o Iselaele, Lona fakamauli i le aso o le mamae, Kolea e ke fai ai loa pe se matapule i le fenua, Pe se tagata fanoga leia e ulu ki ai o moe i le pouli ?

Selemia 17:17

Aua na ke liliu kiate au ko se nea fakaii, A koe ko loku mumuniaga i le aso o le malaia !

Selemia 17:18

Ke luma latou ala e fakaveliveli mai kiate au, kae ke aua na kau luma ; Ke lotou lulu, kae ke aua na kau lulu, a au ! Tuku ke au kia latou le aso o le malaia, Taai latou ki se tautea o tua lua !

Selemia 17:5

Koia e folafola ai le Eteleno, o pati : Malaia le tagata leia e fanaki ki le tagata, Leia e too ia le kanofi ko lona tokotoko, Ti e fakamaliu ia lona loto i le Eteleno !

Selemia 19:4

O tupu kua lotou tiaki au, ti kua lotou fakakelekele le ganea leinei, Kua lotou momoli i ai le iseso ki ni atua kese Ala na leaise lotou iloa, e latou, mo olatou tamana, mo sau o Suta, Ti kua lotou fakaapele le ganea leinei ki le toto mea ;

Selemia 2:13

Talie na fai e loku kakai ni agasala e lua : Na lotou tiaki au, leia ko se matapuna o le vai mauli, Ti na lotou kenu kia latou ni sosoni, ni sosoni mafaafaa, Ala e leaise taofi ia le vai.

Selemia 2:17

Pe leaise soko le nea lena kiate koe, O tupu ko lau tiaki ia le Eteleno, lou Atua, Leia na taki ia a koe i le ala totonu ?

Selemia 50:7

Ko latou fuli ala na maua ia latou na kai ia latou, Ti na pati olatou fili : E leaise motou sala fua, Talie na lotou agasala ki le Eteleno, ki le nofoaga o le faitotonu, Ki le Eteleno, le amanaki malie o olatou tamana.

Esekiele 13:9

E vilo loa loku lima ki le kau polofeta Ala e fai ia ni tio vaiga mo ni kikite loi ; E leaise lotou toe kau loa i le fakatasiga o loku kakai, E leaise tosi loa latou i le tosi o le fale o Iselaele, Ti e leaise lotou ulu loa ki le fenua o Iselaele. Ti e kotou iloa loa ko au ko le Aliki, le Eteleno.

Esekiele 16:63

O tupu ke ke manatui le temi kua sili ti ke ke fakasemala, o tupu ke aua na toe fakamavaa loa lou gutu ti ke ke luma, mo ka e kau fakamolemole loa kiate koe a nea fuli ala na ke aga o fai, e pati le Aliki, le Eteleno.

Esekiele 36:32

Ke kotou iloa, e leaise kau fai a nea anei, o tupu ko koutou, e pati le Aliki, le Eteleno ! Ke kotou luma ti ke kotou fakasemala ki akoutou aga, fale o Iselaele !

Taniela 12:2

Ko se toka api o latou ala e momoe i le kele, e aala ake loa, ko iki ki le mauli lee gato ti ko iki ki le luma mo le nukinuki lee gato.

Soele 3:16

Mei Sione e gugulu le Eteleno, Mei Selusalemi e logo lona leo ; Kua galulu le lagi mo le kele. Kae ko le Eteleno ko se mumuniaga ki lona kakai, Se puipuiaga ki fanau a Iselaele.

Sakalia 13:1

I le aso lena, e fakamavaa loa se matapuna vai Ki le fale o Tavite ti mo le kakai o Selusalemi, Ki le agasala ti mo le kelekele.

Sakalia 9:12

Kotou toe liliu ki le kolo makeke, kau popula kua apele i le amanaki malie ! I le aso nei foki e kau fakasa maoki, E kau toe soli loa kiate koe o liuga lua.

Luka 10:20

Kae aua na kotou fiafia, o tupu kua fakalogo atu a laumalie veli kia koutou ; kae kotou fiafia talie kua tosi okoutou igoa i le atu lagi.

Soane 4:10

Na tali loa Sesu kiate ia : Kanapau na ke iloa le nea alofa o le Atua ti mo leia e pati atu kiate koe, soli mai kau inu, na ke kole loa e koe totonu kiate ia ke ke inu, ti e soli atu loa e ia kiate koe le vai mauli.

Soane 4:14

kae ko leia e inu loa ki le vai leia e kau soli loa kiate ia e leaise toe fia inu loa a ia, ti ko le vai leia e kau soli loa kiate ia e liliu loa iate ia ko se matapuna vai leia e mapusi loa o kaku ki le mauli lee gato.

Gaoi 28:20

Ko le tupuaga loa lena o laku kole ke kau felavei mo koutou ti ke kau masau kia koutou ; talie e tupu ko le amanaki malie a Iselaele leia e kau nofo ai mo tini anei.

Uluaki tosi kia Timoteo 1:1

Ko au Paulo, apositolo a Sesu-Kilisito i le fakatotonu a le Atua lotatou Fakamauli ti mo Sesu-Kilisito lotatou amanaki malie,

Apokalipisi 20:15

Ko leia na leaise maua kua tosi i le tosi o le mauli, na ti loa a ia ki le tai afi.

Apokalipisi 21:6

Ti na pati mai loa a ia kiate au : Kua fai ! Ko au ko le alefa mo le omeka, ko le kamataaga mo le gatoaga. E kau soli noa le vai o le matapuna o le mauli ki leia e fia inu.

Apokalipisi 22:1

Ti na fakasa mai loa e ia kiate au le vaitafe o le vai o le mauli, na gigila ofaipe le kilisitale, leia na mapuna mei le ekeekeaga fakasau o le Atua ti mo le Akeno,

Apokalipisi 22:17

Ti e pati le Laumalie mo le fafine avaga : Au. Ti ke pati leia e logo ki ai : Au. Ti ke au leia e fia inu ; ko leia e loto ke too le vai o le mauli sala totogi.

Apokalipisi 7:17

Talie ko le Akeno leia e nofo i loto malie o le ekeekeaga fakasau e fagai ia loa latou ti mo taki ia loa latou ki matapuna o le vai mauli, ti e solosoloi loa e le Atua a loimata fuli i olatou mata.