Selemia 17:12 - Tosi Tapu

¹² E i ai se ekeekeaga lasi o le kololia, na fakatuu talu mei le kamataaga, Ko le potu o lotatou sagatualio.

Selemia 17:12 ပူးပေါင်းရင်းမြစ်များ

Pesalemo 103:19

Na fakatuu e le Eteleno lona ekeekeaga fakasau i le atu lagi, Ti e pule a ia ki nea fuli.

Pesalemo 96:6

E tuu i ona mua le fakaapaapa mo le mafimafi, E nofo le kololia mo le mamalu i lona sagatualio.

Esaia 6:1

I le fetuu o le mate o le sau ko Osiasi, na kau tio ki le Aliki na eke i se ekeekeaga fakasau taualuga, ti na fakaapele e tapatapa o lona kofu le fale tapu.

Esaia 66:1

Ko leinei le folafola a le Eteleno : Ko le lagi ko loku ekeekeaga fakasau, Ti ko le malama nei ko loku tekitekiaga vae. Ko le fale fea leia e feala ke kotou fakatuu mai loa kiate au, Ti ko le potu fea leia e kotou soli mai loa ke kau malolo ai ?

Selemia 14:21

Aua na ke fakalialia kia matou, o tupu ko lou suafa, Aua na ke tuku ke kelekele le ekeekeaga fakasau o lou kololia ! Aua na galo iate koe, aua na ke motusi lau sai mo matou !

Selemia 3:17

I aso ana, e fakaigoa loa Selusalemi ko le agaiaga o le Eteleno. E fakatasi loa a puleaga fuli o le malama nei ki Selusalemi, i le suafa o le Eteleno, Ti e leaise lotou toe mulimuli loa ki oli o lolatou loto veli.

Esekiele 1:26

I le lagi leia i aluga o olatou ulu, na i ai se nea leia na faipe le safile, ti na fai foki pe se ekeekeaga fakasau ; ti na sa i aluga o le nea lena na faipe se ekeekeaga fakasau se mata o se tagata leia na teki i ai.

Esekiele 43:7

Na pati mai loa a ia kiate au : Vosa o le tagata, ko leinei le ganea o loku ekeekeaga fakasau, le ganea leia e kau teki ai loa oku taga vae ; e kau nofo loa i ai o lee gato i loto malie o fanau o Iselaele. E leaise toe fakakelekele loa e le fale o Iselaele mo ona sau loku suafa maokioki ki alatou nea fakalialia mo mate o olatou sau i olatou ganea taualuga.

Mateo 25:31

Ka au loa le Vosa o le tagata i lona kololia, mo le kau aselo fuli, e ekeeke loa a ia i le ekeekeaga fakasau o lona kololia.

Epelo 12:2

o tio fuai kia Sesu ko le kamataaga mo le gatoaga o le tui ; ko ia leia na tali ia a mamae o le koluse, ti na fakanoai ia le luma o le mate lena, talie na tio a ia ki le fiafia leia na tuu i ona mua, ti kua nofo i le lima atamai o le agaiaga o le Atua.

Epelo 4:16

Koia ke tou fakafeofi ai i le tui makeke ki le agaiaga o le kalasia, o tupu ke tou maua ai le manavaalofa ti ke tou tali ai le kalasia, ke tokoi ai kia tatou i nea ala e aoga kia tatou.

Apokalipisi 3:21

Ko leia e malo loa, e kau fakanofo loa a ia mo au i loku ekeekeaga fakasau, ofaipe au leia na malo ti kua ekeeke mo loku Tamana i lona ekeekeaga fakasau.