Selemia 17:11 - Tosi Tapu

¹¹ Ofaipe se miti leia e ofaki ia ni fua ala na leaise fakato e ia, E fenaaki leia e tanaki ia ni koloa lee faitotonu ; I le loto malie o ona aso e tonu ke tuku e ia latou, Ti i le fakaoki e fai a ia pe se vale.

Selemia 17:11 ပူးပေါင်းရင်းမြစ်များ

Sopo 20:21

Na leaise sao fua se tasi i lona uakai, Koia e leaise fualoa ai loa lona fiafia.

Pesalemo 49:13

Kae ko le tagata leia e fakamauiga e leaise fualoa, E tatau a ia mo manu ala e tamate.

Pesalemo 55:23

Ke ke toe tuku lou mauli ki le Eteleno, ti e poupou loa e ia a koe, E leaise tuku loa e ia ke siga le tagata agatonu i se aso.

Taagapati 13:11

Ko le koloa leia na maua vave e toe puli vave, Kae ko leia e tanaki mamalie e fakalasi ia a ia.

Taagapati 15:27

Ko leia e manumanu koloa e fakamamae ia lona fale, Kae ko leia e vesia ki nea alofa e mauli loa.

Taagapati 21:6

Ko latou ala e maua ia ni koloa o tupu ko le loi Ko ni kau vale e makape ki le mate.

Taagapati 23:5

Pe ke fia tuli i ou mata le nea leia ka puli ? Talie e fai e le mou koloa ni kapakau, Ti e fai a ia pe akuila, e lele a ia ki le lagi.

Taagapati 28:16

Ko se pule sala atamai e liuliuga ia ni lagiaki fakamakeke, Kae ko leia e vesia ki le manumanu koloa e fakatologa ia ona aso.

Taagapati 28:20

Ko le tagata agatonu e apele i tapuakina, Kae ko leia e fia mou koloa vave e leaise sala i le tautea.

Taagapati 28:22

E faiga se tagata manumanu koloa ke mou koloa vave, Kae e leaise iloa e ia ko le pakupaku leia ka kaku loa kiate ia.

Taagapati 28:8

Ko leia e fakalasi ia ona koloa ki lana paaga na soli ke toe totogi ake mo se tupu, mo se tupu mamafa, E tanaki ia latou ki leia e alofa ki le kau mativa.

Selemia 22:13

Malaia kiate leia e laga ia lona fale i le lee faitotonu, Ti e fakalasi ia ona lau fata i le agaveli, Leia e fakagaoi ia lona oloi kae leaise totogi, Kae leaise se soli kiate ia lona totogi !

Selemia 22:17

Kae kua ke tuku ata ou mata mo lou loto Ki le manumanu koloa, Ke liligi le toto mea, Ke fai le fakaveliveli mo le fakamakeke.

Selemia 6:13

Talie mei leia e ikiiki o kaku ki leia e lasi, E lotou manumanu fuli ki le paaga ; Mei le polofeta o kaku ki le tagata faisakilifisio, e lotou fai kaka fuli.

Selemia 8:10

Koia e kau soli ai loa alatou avaga ki ni tagata kese, Ti mo alatou faisaga kia latou ala e fakamativa ia loa latou. Talie mei leia e ikiiki oki o kaku ki leia e mauiga, E lotou manumanu nea fuli ; Mei le polofeta o kaku ki le tagata faisakilifisio, E lotou fai nea fuli i le kaka.

Amosi 3:10

E leaise lotou iloa le fai o le nea leia e totonu, e pati le Eteleno, E lotou tanaki fakatuuga i olatou fale sau a fua o le agamakeke mo le kaia.

Mikea 2:9

E kotou kapu a fafine o loku kakai mei olatou fale ala e lotou pipiki ki ai. E kotou too loku kololia i alatou fanau o lee gato.

Mikea 7:3

Kua poto olatou lima i le fai o le veli : Kua fakamakeke e le aliki ni nea alofa, Kua fakamaua e le tui fakamaau se totogi, Kua fakasa e le tagata lasi lona manumanu, Ti kua lotou kau fakatasi fuli latou ana.

Sofoni 1:9

I le aso lena, e kau tautea loa latou fuli ala e sopo i le mua matapa ofaipe ni pagani, Latou ala e fakaapele ia le fale o lolatou pule ki le agamakeke mo le kaka.

Sakalia 5:4

E pati le Eteleno o kau tau : E kau liligi a ia ke ulu ki le fale o le tagata kaia ti mo leia e fakapapau loi i loku suafa, o tupu ke nofo i ai o maumaui a nea fuli o kaku ki papa mo fatu.

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Mateo 23:13

Malaia kia koutou, kau sekelipa mo kau faliseo malualoi ! Talie e kotou tapono ki le tagata le puleaga o le atu lagi ; e leaise kotou ulu ki ai koutou totonu, ti e leaise kotou tuku ke ulu ki ai latou ala e fia ulu.

Luka 12:20

Kae e pati le Atua kiate ia : Ko le vale a koe ! I le po fai leinei e toe afa atu loa kiate koe lou laumalie ; ti ko nea fuli ala na ke teuteui, pe a ai loa latou ?

Uluaki tosi kia Timoteo 6:9

Kae ko latou ala e fia mou koloa, e vivilo ki le fakasala, mo le masele, ti mo ni oli fakavale mo fakamamae, ala e fakauku ia a tagata ki le maumau mo le pulinoa.

Tito 1:11

Ti e tonu ke tapono olatou gutu. E lotou kakai ni famili katoa, o akonaki le nea leia e leaise tonu ke akonaki o tupu ko se totogi fakalumaluma.

Lua tosi a Petelo 2:14

E apele olatou mata i le tono fafine, ti e leaise lotou makona i le agasala ; e lotou maselei a laumalie ala koi gagae ; ti kua poto olatou loto i le manumanu ki le paaga ; ko ni fanau latou o le malaia.

Lua tosi a Petelo 2:3

I lolatou manumanu koloa, e lotou faigai loa ke lotou maua meia koutou ni koloa ki ni masau kaka, e latou ana kua tuu fakalogo ki ai se tautea fakaii talu mei fualoa, ti e leaise moe lolatou maumaui.