Selemia 17:10 - Tosi Tapu

¹⁰ Ko au, le Eteleno, e kau tio o kaku ki le mafu, ti e kau iloa a manatu fakapulipuli o le laumalie, Ke tuku ki le tagata taki tasi o mulimuli ki ona ala, O mulimuli ki le fua o ana gaoi.

Selemia 17:10 ပူးပေါင်းရင်းမြစ်များ

Uluaki tosi o Sau 8:39

ke ke tali a ia mei le atu lagi, mei le ganea o lou nofoaga, ti ke ke fakamolemole ; ke ke gaoi, ti ke ke totogi ki le tagata taki toka tasi o mulimuli ki ona ala, a koe leia e iloa ia a loto o fanau fuli o tagata,

Uluaki tosi o Koloniko 28:9

Ti ko koe, Salomone, loku vosa, ke ke iloa e koe le Atua o lou tamana, ti ke ke tausi kiate ia i lou loto katoa, ti mo le loto fia fai, talie e iloa e le Eteleno a loto fuli ti e ului e ia a fakatuutuu fuli mo manatu fuli. Kapau e ke afa a ia, e tuku loa e ia ke ke maua a ia ; kae kapau e ke tiaki a ia, e tiaki loa e ia a koe o lee gato.

Uluaki tosi o Koloniko 29:17

E kau iloa foki, ei loku Atua, e ke oono a loto, ti e ke alofa ki le loto leia e sako ; koia kua kau fai ai a moliga fuli anei kiate koe mo se loto sako ; ti kua kau tio fakafiafia i le lakaga nei ki lou kakai leinei, talie kua soli atu e ia kiate koe ana moliga mo se loto malie.

Lua tosi o Koloniko 6:30

ke ke tali latou mei lagi, mei le ganea leia e ke nofo ai, ti ke ke fakamolemole ; ke ke soli ki le tagata taki toka tasi o fakatatau ki ona ala, e koe leia e iloa ia a loto fuli, talie ko koe toka tasi leia e iloa ia a loto o fanau a tagata ;

Sopo 34:11

E liufaki e ia ki le tagata o mulimuli ki ana gaoi, Ti e totogi e ia le tagata o mulimuli ki ona ala.

Pesalemo 44:21

Kapau na motou galoi le suafa o lomatou Atua, Ti na motou siki omatou lima ki se atua kese,

Pesalemo 44:22

Pe leaise iloa loa a ia e le Atua, Leia e iloa ia a manatu fakapulipuli o le loto ?

Pesalemo 62:12

Na masau le Atua o tua tasi ; Na kau logo tua lua ki le nea leinei : Ko le makeke a le Atua a ia.

Pesalemo 7:10

Fakagato le kaka a le kau agaveli ! Kae fakatuu ke makeke le tagata agatonu, Atua faitotonu, a koe leia e ului ia a mafu mo ifiifi !

Pesalemo 7:9

E fakamaau e le Eteleno a atu puleaga : Fakamaau au, Eteleno, o mulimuli ki le faitotonu, O mulimuli ki loku maokioki mo loku mea !

Taagapati 12:14

E feala ke logologona le tagata i masau o lona gutu, Kae e fakapale le tagata taki toka tasi o mulimuli ki le gaoi o ona lima.

Taagapati 17:3

E asiasii le aulo mo le siliva i le kulo saka ukamea, Kae ko leia e asiasii ia a loto, ko le Eteleno.

Ekelesiasi 9:3

Ko leinei se tasi a veli i nea fuli ala e fai i le lalo laa : Ko leinei e i ai se ikuaga e tasi ki tagata fuli ; koia e apele ai le loto o vosa o le tagata i le agaveli, ti e nofo le valea i olatou loto i le lolotoga olatou mauli ; kae i le fakaoki e lotou ano ki le nofoaga o le kau mate. Talie ko ai e kese loa ?

Esaia 59:18

E liufaki loa e ia ki le tagata taki toka tasi o mulimuli ki ana gaoi, Le sausau kia latou ala na vesia kiate ia, Le totogi ki ona fili, E tuku loa e ia le totogi ki atu motu.

Selemia 11:20

Kae ko le Eteleno o kau tau ko se tui fakamaau faitotonu, Leia e iloa ia o kaku ki ifiifi mo mafu. E kau tio loa ki le vilo o lou sausau kia latou, Talie ko koe leia e kau tuku ki ai loku mauli.

Selemia 12:13

Na lotou muluki le fulumeto, Kae na lotou utu ni vao talatala : Na lotou gaoi pakia kae e leai sona fua. Kotou luma i le nea leia na kotou tuuti, O tupu ko le sausau kaka o le Eteleno.

Selemia 20:12

E asiasii e le Eteleno o kau tau le tagata agatonu, E ului e ia a ifiifi mo mafu. E kau tio loa ki le vilo o lou sausau kia latou, Talie ko koe leia e kau tuku ki ai loku mauli.

Selemia 21:14

E kau tautea loa koutou o mulimuli ki fua o akoutou gaoi, e pati le Eteleno ; E kau tuku loa le afi ki lokoutou vaomatua, Ti e kai loa e ia a nea fuli i ona tafatafa.

Selemia 23:2

Koia e folafola ai le Eteleno, le Atua o Iselaele, o pati Ki tagata tausi manu ala e fagai ia loku kakai : Na kotou fakamavete laku kau ovi, na kotou kapu latou, Na leaise kotou tokaga kia latou. Ko leinei, e kau tautea loa koutou o tupu ko le agaveli o akoutou gaoi, E pati le Eteleno.

Selemia 32:19

E ke lasi i au fakatuutuu ti e ke mafimafi i gaoi. E tio ou mata ki ala fuli o fanau a tagata, Ke totogi ki le tagata taki tasi o mulimuli ki ona ala, O mulimuli ki le fua o ana gaoi.

Esekiele 11:5

Ti na ulu loa le Laumalie o le Eteleno kiate au. Ti na pati mai loa a ia kiate au : Pati : Ko leinei le folafola a le Eteleno : E kotou masau fenaaki, fale o Iselaele ! Ti ko le nea leia e pale ake i okoutou fakakaukau e kau iloa malie a ia.

Esekiele 14:5

O tupu ke maua i olatou loto totonu latou o le fale o Iselaele ala kua fakamamao iate au mo olatou taulaatua fuli.

Mikea 7:13

E maumaui loa le fenua o tupu ko ona kakai, O tupu ko fua o alatou gaoi.

Mateo 16:27

Talie e tonu ke au le Vosa o le tagata i le kololia o lona Tamana, mo ana aselo ; ti e totogi loa e ia ki tagata taki toka tasi o mulimuli ki ana gaoi.

Mateo 6:4

o tupu ke fai fakafufu lou nea alofa ; ti e toe liufaki atu loa a ia kiate koe e lou Tamana leia e tio i le ganea fakapulipuli.

Soane 2:25

ti talie na leaise aoga ke fakasa ake e se tasi kiate ia se nea o uiga mo se tagata ; talie na iloa e ia le loto o le tagata.

Gaoi 1:24

Ti na lotou fai loa le kole leinei : Aliki, ko koe leia e iloa ia a loto o tagata fuli, fakasa mai pe ko ai ia laua anei kua ke filifili,

Loma 6:21

Koa a fua ala na kotou maua loa ? Ko ni fua ala kua kotou luma ki ai i le temi nei. Talie ko le fakaokiaga o nea ana, ko le mate.

Loma 8:27

Ti ko le Atua leia e tio ki loto, e iloa ia le manatu a le Laumalie, talie e ulufaki e ia le kau sagato o mulimuli ki le finegalo o Atua.

Apokalipisi 2:23

E kau tautea loa ki le mate ana fanau ; ti e iloa loa e Ekelesia fuli ko au leia e ului ia a ifiifi mo mafu, ti e kau totogi loa ki le tagata taki toka tasi o mulimuli ki ana gaoi.

Apokalipisi 20:12

Ti na kau tio loa ki le kau mate, lalasi mo liliki, na tuu i mua o le ekeekeaga fakasau. Ti na fakamavaa loa ni tosi. Ti na fakamavaa loa mo se tasi ake a tosi, leia ko le tosi o le mauli. Ti na fakamaaui loa le kau mate o mulimuli ki alatou gaoi, ofai ki le nea leia e tuu i tosi ana.

Apokalipisi 22:12

Ko leinei, e kau au vave ; ti e kau aumai loa mo au aku fakapale, ti e kau tufa loa latou ki le tagata taki toka tasi o mulimuli ki lana gaoi.

Uluaki tosi a Samuele 16:7

Ti na pati loa le Eteleno kia Samuele : Aua na ke tokaga ki ona mata mo lona taualuga, talie ku kau tiaki a ia. Talie e leaise tio le Eteleno ofaipe le tio a le tagata ; E tio le tagata ki le nea leia e sa i tafa, kae e tio le Eteleno ki le loto.