Selemia 16:7 - Tosi Tapu

⁷ E leaise tofi loa le pane i le putu, Ke fakapelepele ai se tasi o tupu ko se mate, Ti e leaise momoli loa le ipu o le fakapelepele Ki se tamana pe ki se tinana.

Selemia 16:7 ပူးပေါင်းရင်းမြစ်များ

Sopo 42:11

Na au loa a fetaina, mo tuagaane, ti mo kaukaunea mago o Sopo o fakatele mai kiate ia, ti na lotou kakai fakatasi loa mo ia i lona fale. Na lotou aloalofa loa kiate ia mo fakafimalie a ia i malaia fuli ala na teki e le Eteleno kiate ia, ti na lotou tasi soli loa kiate ia se potu aulo mo se mama aulo.

Ekelesiasi 4:1

Na kau fakakaukau foki ki fakamakeke fuli ala e fai i le lalo laa ; ti ko leinei, kua taomia le kakai, mo fetagisi, ti e leaise tasi ke fakapelepelei ia latou ! E kau le pule mo le kau fakamakeke, kae e leaise tasi ke fakapelepelei ia latou.

Selemia 22:10

Aua na kotou tagi ki leia kua mate, Ti aua na kotou tagi laulau kiate ia ; Kotou tagi, kotou tagi ki leia e ano, Talie e leaise toe liliu mai loa a ia, E leaise toe tio loa a ia ki le fenua leia na tupu ai.

Tagi laulau a Selemia 1:9

Na maua le kelekele i kapa o lona kofu, ti na leaise manatu a ia ki lona fakaoki ; Na vilo fakapunamauli a ia, ti e leaise tasi e fakapelepele ia a ia. Tio ki loku mativa, ei Eteleno ! E lasi ai le matasoka o le fili !

Esekiele 24:17

Mamae fakalologo, ti aua na fai se putu ; sai lou sulu ki lou ulu, ti tui ou taka ki ou vae ofaipe le masani ; aua na ke uufi lou kaukava, ti aua na ke kai le pane a ni iki.

Oseo 9:4

E leaise lotou fai loa ki le Eteleno ni lipasio vino : E leaise lotou malilie loa ki le Eteleno. E fai loa alatou sakilifisio kia latou pe se pane o le mamae : Ko latou fuli ala e kai loa ki ai e liliu loa o kelekele ; Talie e tuku loa lalatou pane kia latou tefua, Kae e leaise fakaulu loa a ia ki le fale o le Eteleno.

Tetelonome 26:14

Na leaise kau kai loa se potu o le vaega kau agafulu i le temi leia na kau nofo ai i le putu, na leaise kau too loa se nea i ai o fakaaoga ki se nea kelekele, ti na leaise kau soli loa i ai se nea o uiga mo se mate ; na kau fakalogo loa ki le leo o le Eteleno, loku Atua, ti na kau fai loa o mulimuli ki lao fuli ala na ke tuku mai kiate au.