Selemia 16:5 - Tosi Tapu

⁵ Talie e folafola le Eteleno, o pati : Aua na ke ulu ki se fale o le putu, Aua na ke ano o tagi i ai, mo tagi laulau i ai mo latou ; Talie kua kau too loku tokamalie i le kakai lena, e pati le Eteleno, Mo loku agamalie ti mo loku manava alofa.

Selemia 16:5 ပူးပေါင်းရင်းမြစ်များ

Pesalemo 25:6

Eteleno, ke ke manatui lou manava alofa mo lou agamalie ; Talie e la lee gato.

Esaia 27:11

Ka malo a laa o laakau, e fati latou ; E au a fafine o tutu latou. E maoki ko se kakai sala atamai a ia : Koia na leaise alofa ai kiate ia leia na fakatupu ia a ia, Ti na leaise fakamolemole ai kiate ia leia na fau ia a ia.

Selemia 12:12

E au le kau maumau mei potu taualuga fuli o le toafa, Talie e kai e le seleta a le Eteleno le fenua mei le potu ki le potu ; E leaise tokamalie ki se tagata e toka tasi.

Selemia 13:14

E kau fakafetege loa latou fuli ke mafaafaa, A tamana mo vosa fakatasi, e pati le Eteleno ; E leaise kau fakasao loa, e leaise kau alofa loa, e leaise kau manava alofa loa, E leaise taofi loa a au e se nea ke maumaui latou.

Selemia 16:13

E kau ave loa koutou i le fenua leinei Ki se fenua leia na leaise kotou iloa, E koutou mo okoutou tamana ; I lena, e kotou tausi loa ki ni atua kese i le ao mo le po, Talie e leaise kau soli loa kia koutou se kalasia.

Tagi laulau a Selemia 3:17

Kua ke too iate au le tokamalie ; E leaise koi kau iloa le fiafia.

Sakalia 8:10

Talie i mua o le temi lena, na leaise maua se fakapale o le gaoi a le tagata, ti na noa le totogi o manu ; na leaise tokamalie kia latou ala na ulu ki loto ti ulu ki fafo o le kolo, o tupu ko le fili, ti na kau tuku a tagata fuli ke lotou fetauaki ia latou.

Tetelonome 31:17

I le aso lena, e mu loa loku sausau kiate ia. E kau tiaki loa latou, ti e kau tapono loa oku mata kia latou. E kai loa a ia e atu puleaga, ti e soko loa kiate ia ni malaia lasi mo ni mamae veli. E pati loa a ia : Kua soko malaia anei kiate au talie e leaise nofo loku Atua mo au.

Apokalipisi 6:4

Ti na sa mai loa se tasi ake a osi kula. Ko leia na eke i ai na tuku loa kiate ia le pule ke too ia le tokamalie i le malama nei, o tupu ke fetukipoaki a tagata ; ti na soli loa kiate ia se seleta lasi.