Selemia 16:4 - Tosi Tapu

⁴ E lotou mamate loa i le masaki veli ; E leaise tagi loa kia latou, ti e leaise tanu loa latou ; E lotou fai loa pe le nea fakagako kele i aluga o le kele ; E lotou mamate loa i le seleta mo le oge ; Ti e liliu loa olatou tino ko le nea kai a manu lele o le lagi mo manu o le vao.

Selemia 16:4 ပူးပေါင်းရင်းမြစ်များ

Lua tosi o Sau 9:10

E kai loa e kuli a Sesapele i le faisaga o Siseleele, ti e leaise maua loa se tasi ke tanu ia a ia. Ti na fakamavaa loa e le polofeta le matapa, o sola.

Pesalemo 78:64

Na mamate loa ona tagata faisakilifisio i le seleta, Ti na leaise tagi loa ona fafine lokonui.

Pesalemo 83:10

Fai kia latou ofaipe Matiane Ofaipe Sisela, ofaipe Sapini i le vaitafe o Kisoni !

Esaia 18:6

E tiaki loa latou fuli ki manu lele fekai o mauga Ti mo manu o le kele ; E kai loa e manu lele fekai olatou mate i le temi vevela katoa, Ti e kai loa latou e manu o le kele i le temi momoko.

Esaia 5:25

Koia kua vilo ai le sausau o le Eteleno ki lona kakai, Kua falo ai lona lima kiate ia, o taai a ia. Kua lulu a mauga ; Ti kua fai a mate pe ni penu i loto malie o ala. Kae logo ai a nea fuli ana, e leaise malu lona sausau, Ti e koi falo lona lima.

Selemia 19:7

E kau maumaui loa i le ganea leinei le fakakaukau a Suta mo Selusalemi ; E kau tamate loa laua ki le seleta i mua o olatou fili, Ti mo le lima o latou ala e loto ki lolatou mauli ; E kau soli loa olatou tino ke kai E manu lele o le lagi mo manu o le kele.

Selemia 21:6

E kau taai loa le kakai o le kolo leinei, a tagata mo manu. E lotou mamate loa i se taumasaki veli.

Selemia 25:33

Ko latou ala e tamate loa e le Eteleno i le aso lena e tanaki loa Mei leia potu ki leia potu o le malama nei ; E leaise tagi loa kia latou, ti e leaise too loa latou, ti e leaise tanu loa latou. E lotou fai loa pe se nea fakagako kele i aluga o le kele.

Selemia 34:17

Koia e folafola le Eteleno, o pati : Na leaise kotou fakalogo kiate au, talie na tonu ke kotou fakalauatea lokoutou taina mo lokoutou oloi. Ko leinei, e pati le Eteleno, e kau fakasa kia koutou le tautea o le seleta, mo le taumasaki, mo le oge, ti e kau fakaliliu loa koutou ko se nea fakaii ki puleaga fuli o le kele.

Selemia 34:20

E kau tuku loa latou ki lima o olatou fili, mo lima o latou ala e loto ki lolatou mauli, ti e liliu loa olatou tino ko le nea kai a manu lele o le lagi mo manu o le kele.

Selemia 36:30

Koia e folafola le Eteleno kia Sosakimi, sau o Suta, o pati : E leaise eke loa se tasi i lou sakoga i le ekeekeaga fakasau o Tavite, ti e tiaki loa le tino o Sosakimi ki le vevela o le ao mo le momoko o le pouli.

Selemia 44:12

E kau too loa a toetoega o Suta, ala kua mafuli olatou mata o ano ki le fenua o Esipito, ke nofo i ai, ti e lotou mamate fuli loa. Io, ko le fenua lena e lotou vivilo ai loa, o mamate i le seleta, mo le oge, latou fuli mei leia e ikiiki o kaku ki leia e lasi ; ti e lotou liliu loa ko se nea fakalialia, mo se nea fakaii, mo fakatupu lauveli, mo fakalumaluma.

Selemia 44:27

Ko leinei, e kau tokaga loa ke fai kia latou le veli kae leai le malie ; ti e mamate loa a tagata fuli o Suta i le fenua o Esipito i le seleta, mo le oge, o kaku ki le fakamulimuli.

Selemia 7:33

E liliu loa a mate o le kakai leinei ko le nea kai A manu lele o le lagi mo manu o le kele ; Ti e leaise maua loa se tasi ke kapu ia latou.

Selemia 9:22

Ke ke pati : E folafola le Eteleno, o pati : E vivilo loa a mate o tagata Ofaipe se nea fakagako kele i faisaga, Ofaipe le vilo o se taulu fulumeto i muli o le tagata tuuti fulumeto, Leia e leaise tae e se tasi.

Tagi laulau a Selemia 4:9

Ko latou ala e mamate i le seleta e manuia ake Ia latou ala e mamate i le fia kai, Ala e vivilo Talie e leaise koi i ai ni fua o faisaga.

Esekiele 24:21

Pati ki le fale o Iselaele : E folafola le Aliki, le Eteleno, o pati : Ko leinei, e kau fakakelekele loa loku fale tapu, leia ko le nekenekeaaga o lokoutou makeke, ko le fiafiaaga o okoutou mata, ti ko le tauaga o lokoutou alofa ; ti e tamate loa e le seleta okoutou vosa mo okoutou taineliki ala na toe i Selusalemi.

Esekiele 5:12

E mate loa le tolu vaega o lou kakai i le masaki veli ti mo le oge i loto malie o ou ; ti e mate loa le tasi vaega i le seleta i ou tafatafa ; ti e kau veteki loa le tasi vaega ki matagi fuli, ti e kau tuli loa latou ki le seleta.

Sofoni 1:17

E kau tuku loa a tagata ki le mamae, Ti e lotou saele loa ofaipe ni kivi, Talie na lotou agasala ki le Eteleno ; E kau liligi loa lolatou toto ofaipe le efu, Ti mo lolatou kanofi ofaipe ni penu.

Tetelonome 28:22

E tautea loa a koe e le Eteleno ki le fakalaulautetea, mo le fiva, mo le fufula, mo le vela, mo le masunu, mo le popo, ala e muli loa iate koe o kaku ki lou mate.

Tetelonome 28:26

E kai loa ou mate e manu lele o le lagi mo manu o le kele, ti e leaise maua loa se tasi ke kapu ia latou.