Selemia 16:18 - Tosi Tapu

¹⁸ E kau uluaki soli loa kia latou le totogi o lalatou agaveli mo lalatou agasala o liuga lua, O tupu na lotou fakakelekele loku fenua, O tupu na lotou fakaapele loku tofiga Ki alatou taulaatua mamate ti mo olatou atua fakalialia.

Selemia 16:18 ပူးပေါင်းရင်းမြစ်များ

Pesalemo 106:38

Na lotou liligi loa le toto saosaoa, Le toto o olatou vosa mo olatou taineliki, Ala na lotou momoli loa ki taulaatua o Kanaane, Ti na fakalialia loa le fenua i tukipo.

Esaia 24:5

Na fakakelekele le fenua e lona kakai ; Talie na lotou maumaui a lao, ti na lotou fetogi ia a fakatotonu, Na lotou maumaui le sai lee gato.

Esaia 40:2

Kotou masau ki le loto o Selusalemi, ti kotou kalaga kiate ia Kua oki lona popula, Kua fakamolemole lana agaveli, Kua maua e ia mei le lima o le Eteleno O liuga lua o ana agasala fuli.

Esaia 61:7

Talie e fetogi loa lokoutou luma ki se vaega liuga lua ; E fetogi loa lokoutou mamae ki se fiafia i lokotou vaega ; Io, e kotou maua loa se vaega liuga lua i lokoutou fenua, Ti e lee gato loa lokoutou fiafia.

Esaia 65:6

Ko leinei le nea leia na kau fakapapau i loku loto : E mamao iate au le fakalologo, e kau fakaamo loa kia koutou le tua, Io, e kau fakaamo loa kia latou le tua,

Esaia 65:7

O akoutou agaveli, e pati le Eteleno, ti mo agaveli o okoutou tamana, Ala na tutu ia le iseso i aluga o mauga, ti na nukinuki kiate au i aluga o mauga liliki ; E kau fuafua loa kia latou le totogi totonu o alatou gaoi i le temi kua sili.

Selemia 17:18

Ke luma latou ala e fakaveliveli mai kiate au, kae ke aua na kau luma ; Ke lotou lulu, kae ke aua na kau lulu, a au ! Tuku ke au kia latou le aso o le malaia, Taai latou ki se tautea o tua lua !

Selemia 2:7

Na kau aumai koutou ki se fenua e faipe se faisaga laakau fua, Ke kotou kai a fua o laakau ti mo fua malilie o le kele. Kae na kotou au, ti na kotou fakakelekele loku fenua, Ti na kotou fakaliliu loku tofiga ko se nea fakalialia.

Selemia 3:9

I lana faiaga fakasasa, na fakakelekele e Iselaele loku fenua, talie na faiaga a ia mo le fatu mo le laakau.

Selemia 44:4

Na kau kakau atu kia koutou aku tagata fakasausau, le kau polofeta, na kau kakau atu latou koi usu, ke pati kia koutou : Aua na kotou fai a nea fakalialia ana, ala e kau vesia ki ai.

Selemia 7:30

Talie na fai e fanau a Suta le nea leia e veli ki oku mata, E pati le Eteleno ; Na lotou fakatuu alatou nea fakalialia i le fale leia e fetapa ai ki loku suafa, O tupu ke fakakelekelei ai latou.

Esekiele 11:18

Ko lena le ganea e lotou ano loa ki ai, Ti e lotou too loa i ai a taulaatua fuli mo nea fakalialia fuli.

Esekiele 11:21

Kae kia latou ala e fiafia olatou loto i alatou taulaatua mo alatou nea fakalialia, E kau fakavilo loa alatou gaoiaga ki olatou ulu, E pati le Aliki, le Eteleno.

Esekiele 36:18

Koia na kau liligi ai loku sausau kia latou, o tupu ko le toto leia na lotou aga o liligi i le fenua, mo taulaatua ala na lotou fakakelekele ai a ia.

Esekiele 5:11

Koia e pati le Aliki, le Eteleno : E kau mauli ! O tupu na ke fakakelekele loku fale tapu ki au taulaatua fuli mo au nea fakalialia fuli, ko au foki, e kau too loa oku mata iate koe, ti e leaise maua loa e loku fa mata se manava alofa kiate koe.

Oseo 9:7

Kua lotou soko mai, a aso o le tautea, Kua lotou kaku mai, a aso o le totogi o gaoi : E tonu ke iloa a ia e Iselaele ! Kua valea le polofeta, kua ulu vale le tagata tio malama ! O tupu ko le lasi o au agaveli mo au agatuu.

Levitiko 26:30

E kau maumaui loa okoutou ganea tapu, e kau maumaui loa okoutou aletale tutu kaloni, e kau tanaki loa okoutou mate i aluga o okoutou taulaatua.

Mikea 2:10

Kotou tutuu ki aluga, kotou saele ! talie e leaise ko se ganea malolo leinei ; O tupu ko le kelekele, e i ai loa ni mamae, ni mamae lalasi.

Apokalipisi 18:6

Kotou totogi kiate ia ofaipe lana totogi atu kia koutou, kotou liufaki ana gaoi kiate ia o tua lua. Kotou liligi kiate ia o tua lua le ipu leia na liligi e ia kia koutou.