Selemia 16:16 - Tosi Tapu

¹⁶ E pati le Eteleno : Ko leinei, e kau kakau loa ni kau faifeua toka api, ti e lotou fagotai loa latou ; Ti ka oki le nea lena, e kau kakau loa ni kau kapu manu toka api, ti e lotou kapu loa latou Mei mauga fuli, mo mauga liliki fuli, Ti mo ana o utu.

Selemia 16:16 ပူးပေါင်းရင်းမြစ်များ

Senesi 10:9

Na liliu loa a ia ko se tagata kapu manu lasi i mua o le Eteleno ; koia leia e pati ai : Tagata kapu manu lasi i mua o le Eteleno ofaipe Nimelote.

Esaia 2:21

Kae lotou ulu loa ki mafaa o utu Ti mo pu o fatu, O tupu ke lotou sao i le sausau o le Eteleno ti mo le makeke o lona agai, Mo ka tuu ake loa a ia o fakaii le malama nei.

Esaia 7:19

E lotou au loa, ti e lotou nonofo fuli loa i ganea lavaki fuli, Mo pu o utu, Mo laakau uluvao fuli, Ti mo faisaga sesega fuli.

Selemia 25:9

E kau kakau loa ke ano o afa mai a atu puleaga fuli o le potu noleto, e pati le Eteleno, ti e kau kakau loa ke au laku tagata fakasausau ko Nepukatenesale, sau o Papilone : E kau kakau mai loa a ia ke au o taui le fenua leinei mo lona kakai, mo puleaga fuli i ona tafatafa, o tupu ke maumaui fuli latou, ti ke fakaliliu le fenua leinei ko se kele maumau, leia ka kata loa ki ai mo mapu loa ki ai i lona fakaii.

Selemia 4:29

I le patatu o le kau ekeosi mo le kau faikalolo, e sosola a kolo fuli ; E ulu ki ulu vao, e kava i utu ; Kua tiaki a kolo fuli, e leaise koi nofo i ai se tasi.

Selemia 49:5

E pati le Aliki, le Eteleno o kau tau : E kau aumai loa kiate koe le i lasi E au loa a ia meia potu fuli ; E kapu loa le tagata taki toka tasi o koutou i ona mua, Ti e leaise toe tanaki loa e se tasi latou ala e sosola.

Selemia 6:9

E folafola le Eteleno o kau tau, o pati : E taetae loa a toetoega o Iselaele ofaipe le vite. E toe falo lou lima ki ai, Ofaipe le tagata tau vite ki tafito vite.

Tagi laulau a Selemia 4:18

Kua lamalama omatou lakaaga, Ke aua na motou ano i omatou ala lalasi ; Kua ofi mai lomatou fakaoki, kua katoa omatou aso… Kua soko mai lomatou fakaoki !

Tagi laulau a Selemia 4:19

Na gasolo ake omatou kau fakaveliveli I akuila o le lagi ; Na lotou tilii matou i mauga, Na lotou fakatuu ni masele i le toafa kia matou.

Oseo 10:10

E kau tautea loa latou o mulimuli ki loku loto, Ti e fakatasi loa ni kakai kia latou, Mo ka sai loa latou ki tini o tupu ko lalatou agaveli kua liuga lua.

Amosi 4:2

Kua fakapapau e le Aliki, le Eteleno i lona maokioki : Ko leinei, e soko mai loa kia koutou ni aso Ala e too ai loa koutou ki ni matau lalasi, Ti mo lokoutou sakoga ki ni matau liliki ;

Amosi 5:19

E kotou fai loa pe se tagata leia e sola i mua o se laione, Ti e felavei loa mo se uluso, Pe leia e ano ki lona fale, o teki lona lima ki le paa, ti uuti e se gata.

Mikea 7:2

Kua puli le tagata agamalie i le fenua, Ti e leaise koi i ai se tagata agatonu i lotolotoga o tagata ; Kua lotou mumuni fuli o lamalama ke liligi le toto, Kua tasi fai e le tagata se masele ki lona taina.

Sofoni 1:12

I le aso lena, e kau ina loa Selusalemi ki ni malama, Ti e kau tautea loa a tagata ala e malolo fakafimalie ofaipe le takele o le vino i le fa poe, Ti e pati i olatou loto : E leaise fai e le Eteleno se malie pe ko se veli.

Uluaki tosi a Samuele 24:11

Kua tio ou mata totonu i le aso nei, kua tuku mai a koe e le Eteleno ki oku lima i le aso nei i loto o le ana. Na fakasolosolo au ke tamate a koe ; kae na kau fakamauli a koe, o kau pati : E leaise mafao loa loku lima ki loku aliki, talie ko le filifiliia a ia a le Eteleno.

Uluaki tosi a Samuele 26:20

Oi ! Ke aua na tafe loku toto ki le kele, o mamao mo mata o le Eteleno ! Talie kua saele le sau o Iselaele o afa se fa kutu, ofaipe le kapu o se moa vao i le mauga ?