Selemia 16:12 - Tosi Tapu

¹² Ti ko koutou, na kotou fai le veli o lasi ake i okoutou tamana ; Ti ko leinei, e tasi mulimuli le tagata ki oli o lona loto veli, Ke aua na fakalogo mai kiate au.

Selemia 16:12 ပူးပေါင်းရင်းမြစ်များ

Senesi 6:5

Na tio loa le Eteleno kua lasi le agaveli o le tagata i malama nei, ti kua ano fuai a manatu fuli o lona loto i aso fuli ki le nea leia e veli.

Senesi 8:21

Na nanamu loa le Eteleno ki le manogi o le sakilifisio, ti na pati loa a ia i lona loto : E leaise kau toe fakamalaia loa le kele o tupu ko le tagata, talie e veveli a manatu o le loto o le tagata mei lona ikiiki ; ti e leaise kau toe tautea loa a nea fuli e mauli, ofaipe le nea leinei kua kau fai.

Ekelesiasi 8:12

E feala ke fai e le tagata agasala se nea veli o tua kau lelau kae mauli a ia o fualoa. E kau iloa foki e pati : E manuia latou ala e i ki le Atua, talie e lotou iloa lona pule ;

Ekelesiasi 9:3

Ko leinei se tasi a veli i nea fuli ala e fai i le lalo laa : Ko leinei e i ai se ikuaga e tasi ki tagata fuli ; koia e apele ai le loto o vosa o le tagata i le agaveli, ti e nofo le valea i olatou loto i le lolotoga olatou mauli ; kae i le fakaoki e lotou ano ki le nofoaga o le kau mate. Talie ko ai e kese loa ?

Selemia 13:10

Ko le kakai agaveli lena, leia e leaise fia fakalogo ki aku folafola, Leia e mulimuli ki oli o lona loto, Leia e ano ki ni iki atua kese O tausi kia latou ti mo tulolo i olatou mua, Ke liliu a ia ofaipe le kilipipi leinei, Leia e leaise koi aoga ki se nea !

Selemia 17:9

E pikopiko le loto o fakalaka i nea fuli, ti e agaveli a ia : Ko ai e mafai ke iloa ia a ia ?

Selemia 18:12

Kae e lotou pati : E leai sona aoga ! Talie e motou mulimuli loa ki amatou manatu, E motou tasi fai loa o mulimuli ki oli o lomatou loto veli.

Selemia 22:28

Pe ko se ipu veli mo mafaa a Sekonia ? Pe leaise alofa ki ai se tasi ? Kolea kua tiaki ai latou, a ia mo lona sakoga, Ti kua kapu ai latou ki se fenua leia e leaise lotou iloa ?

Selemia 7:24

Kae na leaise lotou fakalogo, Na leaise lotou fakatokaga fua olatou taliga ; Na lotou mulimuli ki tokoi mo oli o lolatou loto veli, Ti na lotou liliu ki muli kae na leaise lotou ano ki mua.

Selemia 7:26

Kae na leaise lotou fakalogo mai kiate au, Na leaise fakatokaga mai olatou taliga ; Na lotou fakafefeka olatou ua, Na lotou fai le veli o fakalaka ake i olatou tamana.

Selemia 9:14

E tupu na lotou mulimuli ki oli o olatou loto, Ti na lotou ano i muli o Paale, Ofaipe lona ako kia latou e olatou tamana.

Tagi laulau a Selemia 5:7

Na agasala omatou tamana, ti kua lotou pupuli, Ti ko matou ala kua amo ia le mamae o alatou agaveli.

Esekiele 20:30

Koia, pati ki le fale o Iselaele : E folafola le Aliki, le Eteleno, o pati : Pe leaise kotou fakakelekele koutou ofaipe okoutou tamana, pe leaise kotou faiaga ki alatou nea fakalialia ?

Amosi 2:4

E folafola ai le Eteleno, o pati : O tupu ko agaveli e tolu a Suta, E fa foki, e leaise kau toe fetogi laku fakatotonu, Talie na lotou maumaui le lao a le Eteleno, Ti na leaise lotou taupau ana fakatotonu, Talie na fakasese latou e taulaatua loi Ala na atolasio ki ai olatou tamana.

Malakia 3:7

Talu mei le temi o okoutou tamana, na kotou mavae i aku fakatotonu, Na leaise kotou tausi latou. Kotou toe liliu mai kiate au, ti e kau toe liliu mai loa kia koutou, E pati le Eteleno o kau tau. Kae kotou pati : Kolea le nea leia e tonu ke motou toe liliu mai ai ?

Maleko 7:21

Talie mei loto, mei le loto o tagata, e au mei ai a manatu veveli, mo tono, mo feauaki, mo tukipo,

Tetelonome 29:19

Ke aua na i ai loa se tasi, leia e oki loa lana logo ki folafola o le sai leinei, ti e fia nealasi loa lona loto, o pati : E kau maua loa le tokamalie, logo ai e kau mulimuli loa ki olioli o loku loto, ti e kau fakalasi loa le fia inu ki le kona.

Tetelonome 9:27

Ke ke manatui au tagata fakasausau ko Apalaamo, mo Isaake, mo Sakopo. Ke aua na ke tio ki le patigataa o le kakai leinei, mo lona agaveli, mo lana agasala.

Lua tosi kia Timoteo 3:13

Kae ko tagata agaveli mo fakasala e asilisili veli loa mo asilisili sese loa, a latou totonu mo latou ala na lotou kakaai.

Epelo 3:12

Kotou tokaga, fetaina, ke aua na maua e se tasi o koutou se loto veli mo tui gataa, o kaku o mavae mei le Atua mauli.

Tuifakamaau 2:19

Kae i le mate o le tui fakamaau, na lotou toe liliu loa o veli ake i olatou tamana. Na lotou toe pipiki loa ki ni atua kese, o tausi loa kia latou ti mo atolasio loa kia latou. Na leaise lotou tiaki loa alatou aga fakalialia mo alatou agatuu.

Uluaki tosi a Samuele 15:23

Talie e tatau le agasala o le patigataa mo le agasala o le tausi fakatemonio, ti e tatau le fakafefeka mo le tausi ki taulaatua mo fakatata. O tupu kua ke tiaki le folafola a le Eteleno, e toe tiaki loa a koe e le Eteleno ke aua na ke toe sau loa.