Selemia 16:11 - Tosi Tapu

¹¹ Ti ke tali loa kia latou : Na tiaki au e okoutou tamana, e pati le Eteleno, Na lotou mulimuli i ni atua kese, Na lotou tausi kia latou ti na lotou punou i olatou mua. Na lotou tiaki au, ti na leaise lotou tausi laku lao.

Selemia 16:11 ပူးပေါင်းရင်းမြစ်များ

Uluaki tosi o Sau 9:9

Ti e tali loa : Talie na lotou tiaki le Eteleno lolatou Atua, leia na fakamavae ia olatou tamana mei le fenua o Esipito, talie kua lotou pipiki ki ni atua kese, ti kua lotou tulolo i mua o atua ana mo tausi kia latou ; ko lena le tupuaga o le kakau mai e le Eteleno o malaia fuli ana kia latou.

Lua tosi o Koloniko 7:22

Ti e tali loa kiate ia : O tupu kua lotou tiaki le Eteleno, le Atua o olatou tamana, leia na fakamavae ia latou mei le fenua o Esipito, talie kua lotou pipiki ki ni iki ake atua kese, kua lotou punou i olatou mua, ti kua lotou tausi kia latou ; ko le tupuaga lena o le aumai e le Eteleno kia latou o malaia fuli ana.

Selemia 13:22

Kapau e ke pati i lou loto : Kolea e soko ai le nea leinei kiate au ? Se tupu ko le lasi o au agasala, Kua kutukutu a tapatapa o lou kofu, Ti kua telefua ou muli vae.

Selemia 2:8

Na leaise pati a tagata faisakilifisio : Kofea le Eteleno ? Ko latou ala na maua ia le lao na leaise iloa ia au, Na leaise agatonu le kau tausi ovi kiate au, Na faikikite le kau polofeta i le igoa o Paale, Ti na lotou mulimuli ia latou ala e leaise mafai ke tokoi kia latou.

Selemia 22:9

Ti e tali loa kia latou : Talie na lotou tiaki Le sai a le Eteleno, lolatou Atua, Talie na lotou punou i mua o ni atua kese, ti na lotou tausi kia latou.

Selemia 44:3

O tupu ko le agaveli leia na lotou fai ke tupu ai loku sausau, o lotou ano o momoli le iseso ti mo tausi ki ni atua kese ala na leaise lotou iloa, e koutou, mo okoutou tamana.

Selemia 8:2

E fola loa latou i mua o le laa, mo mua o le masina, mo mua o le kau tau fuli o le lagi, ala na lotou alofa ki ai, ala na lotou tausi ki ai, ala na lotou mulimuli ki ai, ala na lotou afa ia, ala na lotou atolasio ki ai ; e leaise tanaki loa latou, ti e leaise tanu loa latou, kae e lotou fai loa pe se taei kele fakagako i aluga o le kele.

Selemia 9:14

E tupu na lotou mulimuli ki oli o olatou loto, Ti na lotou ano i muli o Paale, Ofaipe lona ako kia latou e olatou tamana.

Tagi laulau a Selemia 5:7

Na agasala omatou tamana, ti kua lotou pupuli, Ti ko matou ala kua amo ia le mamae o alatou agaveli.

Esekiele 11:21

Kae kia latou ala e fiafia olatou loto i alatou taulaatua mo alatou nea fakalialia, E kau fakavilo loa alatou gaoiaga ki olatou ulu, E pati le Aliki, le Eteleno.

Amosi 2:4

E folafola ai le Eteleno, o pati : O tupu ko agaveli e tolu a Suta, E fa foki, e leaise kau toe fetogi laku fakatotonu, Talie na lotou maumaui le lao a le Eteleno, Ti na leaise lotou taupau ana fakatotonu, Talie na fakasese latou e taulaatua loi Ala na atolasio ki ai olatou tamana.

Malakia 3:7

Talu mei le temi o okoutou tamana, na kotou mavae i aku fakatotonu, Na leaise kotou tausi latou. Kotou toe liliu mai kiate au, ti e kau toe liliu mai loa kia koutou, E pati le Eteleno o kau tau. Kae kotou pati : Kolea le nea leia e tonu ke motou toe liliu mai ai ?

Uluaki tosi a Petelo 4:3

Talie kua lasi le temi leia i mua na koutou fai ai le finegalo o le kau pagani, o saele i le mauli fakalialia, mo oli veveli, mo le inu fakavale, mo le kai fakavale, ti mo le fakalialia o tausi ki taulaatua.

Tuifakamaau 2:11

Ti na fai loa e fanau a Iselaele le nea leia e veli ki mata o le Eteleno, ti na lotou tausi loa ki Paale.