Selemia 15:6 - Tosi Tapu

⁶ Na ke tiaki au, e pati le Eteleno, Na ke toe liliu ki muli ; Kae e kau falo loku lima kiate koe, ti e kau maumaui a koe, Kua kau kaekae i le kataki.

Selemia 15:6 ပူးပေါင်းရင်းမြစ်များ

Esaia 1:4

Malaia ki le puleaga agasala, ki le kakai kua mafaia i agaveli, Ki le sakoga o le kau agaveli, ki fanau fakalialia ! Kua lotou tiaki le Eteleno, ti kua lotou nukinuki ki le Maokioki o Iselaele. Kua lotou toe liliu ki muli…

Esaia 28:13

Kia latou, ko le folafola a le Eteleno e liliu loa Ko se pelesepeto ki se pelesepeto, ko se pelesepeto ki se pelesepeto ; Ko se lekula ki se lekula, ko se lekula ki se lekula ; Ko se nea noa i leinei, ko se nea noa i leia, O tupu ke lotou sisiga o fatifati mo ka lotou saele, O tupu ke visia olatou vae ti ke lotou pikiia ai.

Esaia 31:3

Ko le tagata Esipito e tagata, kae e leaise Atua ; E kanofi ana osi kae e leaise laumalie. Ka falo loa e le Eteleno lona lima, E siga loa leia e tokoi, Ti e vilo loa ki lalo leia e fai ki ai le tokoi, Ti e la mamate loa toka lua.

Selemia 1:16

E kau fakasa loa aku tautea kia latou, o tupu ko alatou agasala fuli, talie kua lotou tiaki au kae lotou momoli le iseso ki ni atua kese, ti kua lotou tausi ki gaoi o olatou lima.

Selemia 13:14

E kau fakafetege loa latou fuli ke mafaafaa, A tamana mo vosa fakatasi, e pati le Eteleno ; E leaise kau fakasao loa, e leaise kau alofa loa, e leaise kau manava alofa loa, E leaise taofi loa a au e se nea ke maumaui latou.

Selemia 2:13

Talie na fai e loku kakai ni agasala e lua : Na lotou tiaki au, leia ko se matapuna o le vai mauli, Ti na lotou kenu kia latou ni sosoni, ni sosoni mafaafaa, Ala e leaise taofi ia le vai.

Selemia 2:17

Pe leaise soko le nea lena kiate koe, O tupu ko lau tiaki ia le Eteleno, lou Atua, Leia na taki ia a koe i le ala totonu ?

Selemia 2:19

E tautea loa a koe e lou agaveli, ti e taai loa a koe e lou agatuu. E ke iloa loa ti e ke tio loa ko se nea veli mo kona Le tiaki o le Eteleno, lou Atua, Ti mo le leaise maua se i kiate au, E pati le Aliki, le Eteleno o kau tau.

Selemia 20:9

Kapau e kau pati : E leaise kau toe masau loa kiate ia, E leaise kau toe masau loa i lona suafa, E i ai i loku loto ofaipe se afi kaka, Leia e nofo i oku ivi. E kau faiga ke taofi a ia, kae e leaise kau mafai a ia.

Selemia 44:22

Na leaise mafai loa e le Eteleno ke toe kataki atu a ia, o tupu ko le agaveli o akoutou gaoi, o tupu ko nea fakalialia ala kua kotou fai ; ti kua liliu lokoutou fenua ko se fenua maumau, ko se toafa, ko se nea fakatupu malaia, ofaipe le nea leia kua kotou tio ki ai i le aso nei.

Selemia 6:11

Kua kau apele i le sausau o le Eteleno, e leaise koi mafai ke kau taofi a ia i loku loto. Liligi a ia ki le toe ikiiki i le ala, Ti mo le fakatasiga a le kau tupulaga. Talie e too loa le tagata mo le fafine, Le matua ti mo leia kua mafaia i fetuu.

Selemia 6:12

E tuku loa olatou fale ki ni iki, Mo olatou faisaga ti mo alatou avaga, I le aso leia e falo ai loa loku lima ki le kakai o le fenua, E pati le Eteleno.

Selemia 6:19

Kele, fakalogo mai ! Ko leinei, e kau kakau mai ki le kakai leinei le malaia, Fua o ana manatu ; Talie na leaise lotou tokaga ki aku folafola, Na lotou tiaki aku lao.

Selemia 7:16

Ti ko koe, aua na ke ulufaki le kakai leinei, Aua na ke fai loa se tagi pe ko se kole kia latou, Aua na ke fai mai kiate au ni kole fakamakeke ; Talie e leaise kau fakalogo atu loa kiate koe.

Selemia 7:24

Kae na leaise lotou fakalogo, Na leaise lotou fakatokaga fua olatou taliga ; Na lotou mulimuli ki tokoi mo oli o lolatou loto veli, Ti na lotou liliu ki muli kae na leaise lotou ano ki mua.

Selemia 8:5

Ti kolea e sese tuumau ai le kakai leinei o Selusalemi ? E lotou tuu makeke i le kaka, E lotou fakafiti ke tafoki.

Selemia 8:9

Kua luma le kau poto, Kua lotou sevaia, kua tapo latou e le masele. Ko leinei, na lotou tiaki le folafola a le Eteleno, Ti ko le poto fea leia e lotou maua ?

Esekiele 14:9

Ti kapau e kakaai loa le polofeta mo kapau e puaki e ia se folafola, ko au, le Eteleno, leia na fakataga ia ke kakaai le polofeta lena ; e kau falo loa loku lima kiate ia, ti e kau tuuti loa a ia i lotolotoga o loku kakai ko Iselaele.

Esekiele 25:7

Ko leinei, e kau falo loku lima kiate koe, Ti e kau tuku a koe ke kai e atu puleaga ; E kau tuuti a koe i loto malie o atu kakai, E kau too a koe ke aua na toe lau a koe i atu fenua, E kau maumaui a koe, Ti e ke iloa loa ko au ko le Eteleno.

Esekiele 35:3

E ke pati loa kiate ia : E folafola le Aliki, le Eteleno, o pati : Ko leinei, e kau mamafa kiate koe, mauga o Seili ! E kau falo loku lima kiate koe, Ti e kau fakaliliu a koe ko se potu lavaki ti mo se toafa.

Oseo 11:7

E pipiki loku kakai ke fakamamao iate au ; E toe fakamanatu kia latou le Taualuga, Kae e leaise tasi fua ia latou e fakavikiviki kiate ia.

Oseo 13:14

E kau totogi loa latou mei le makeke o le nofoaga o le kau mate, E kau saofaki loa latou mei le mate. Ei mate, kofea au masafu ? Nofoaga o le kau mate, kofea lau pule ki le mate ? Kae kua sola le fakasemala i oku mata !

Oseo 4:16

O tupu kua agatuu Iselaele ofaipe se pipi fafine muli leia e leaise mafai ke fakalalata, I le lakaga nei e fagai loa a ia e le Eteleno Ofaipe se akeno i ni faisaga lalasi.

Sofoni 1:4

E kau falo loa loku lima kia Suta, Ti mo le kakai fuli o Selusalemi ; E kau tuuti loa i le ganea leinei a toega o Paale, Mo le igoa o ana minisi ti mo ana pelepitelo mo latou,

Sakalia 7:11

Kae na lotou patigataa o leaise lotou fakalogo, ti na lotou titua o tapono olatou taliga ke aua na lotou logo.