Selemia 15:5 - Tosi Tapu

⁵ Ko ai e alofa loa kiate koe, Selusalemi ? Ko ai e mamae loa kiate koe ? Ko ai e ano loa o afa pe ke feaki ?

Selemia 15:5 ပူးပေါင်းရင်းမြစ်များ

Sopo 19:21

Kotou alofa mai, kotou alofa mai kiate au, ei oku kaukaunea ! Talie kua taai au e le lima o le Atua.

Pesalemo 69:20

E ke iloa loku lauveli, mo loku luma, mo loku nukinuki ; E tutuu latou fuli e vesia kiate au i ou mua.

Ekesote 18:7

Na ulu loa Moisese ki fafo i lona falela o fakafelavei ki lona tamana ; na punou loa a ia ki lalo i ona mua, o sogi kiate ia. Na la femasauaki loa ki le anoaga o le mauli, ti na la ulu loa ki le falela o Moisese.

Esaia 51:19

Kua soko kiate koe a malaia ana e lua : Le kaia mo le maumau, le oge mo le tau. Ko ai e mamae loa kiate koe ? Ko ai e fakapelepele ia loa a koe ?

Selemia 13:14

E kau fakafetege loa latou fuli ke mafaafaa, A tamana mo vosa fakatasi, e pati le Eteleno ; E leaise kau fakasao loa, e leaise kau alofa loa, e leaise kau manava alofa loa, E leaise taofi loa a au e se nea ke maumaui latou.

Selemia 16:5

Talie e folafola le Eteleno, o pati : Aua na ke ulu ki se fale o le putu, Aua na ke ano o tagi i ai, mo tagi laulau i ai mo latou ; Talie kua kau too loku tokamalie i le kakai lena, e pati le Eteleno, Mo loku agamalie ti mo loku manava alofa.

Selemia 21:7

E pati le Eteleno : I le oki o le nea lena, e kau tuku loa Setesiasi, sau o Suta, mo ana tagata fakasausau, mo le kakai, mo latou o le kolo leinei ala na sao loa mei le taumasaki, mo le seleta, mo le oge, ti e kau tuku loa latou ki lima o Nepukatenesale, sau o Papilone, mo lima o olatou fili, mo lima o latou ala e loto ki lolatou mauli ; ti e taai loa latou e Nepukatenesale ki le mata o le seleta, ti e leaise fakamauli loa e ia latou, ti e leaise maua loa e ia se ga alofa pe ko se ga manava alofa e tasi.

Tagi laulau a Selemia 1:17

Na folasi e Sione ona lima, Kae na leaise fakapelepele a ia e se tasi ; Na kakau e le Eteleno kia Sakopo a fili i ona tafatafa ; Na fai Selusalemi pe se nea fakalialia i loto malie o latou.

Naume 3:7

Ko latou fuli ala e tio loa kiate koe e sosola loa o mamao iate koe. Ti e pati loa : Kua maumau Ninive ! Ko ai e tagi loa kiate ia ? E maua loa ifea ni iki ke fakapelepele ia a koe ?

Tuifakamaau 18:15

Na lotou fakafeofi ake loa, ti na lotou ulu loa ki loto o le fale o le tagata tupulaga Levi, i le fale o Mika, ti na lotou vesili loa kiate ia pe malolo a ia !

Uluaki tosi a Samuele 10:4

E lotou vesili atu loa kiate koe pe ke malolo fai, ti e lotou soli atu loa kiate koe a fa pane e lua, ala e ke tali loa mei olatou lima.

Uluaki tosi a Samuele 17:22

Na tuku loa e Tavite a nea ala na natu mo ia ki le tagata leoleo kavega, ti na makape loa a ia ki atu o le solia. I lana kaku atu fai, na vesili loa a ia ki ona fetaina pe lotou malolo.

Uluaki tosi a Samuele 25:5

Na kakau loa e ia kiate ia ni tagata e tino agafulu, o pati kia latou : Kotou pale ki Kalemelo, ti kotou ano kia Napale. E kotou fakaalofa loa kiate ia i loku igoa,