Selemia 15:11 - Tosi Tapu

¹¹ Na pati loa le Eteleno : E maoki, e ke maua loa se apogipogi manuia ; E maoki, e kau fakamakeke loa ki le fili ke fai kiate koe ana kole fakamolemole, I le aso o le malaia ti mo le aso o le mamae.

Selemia 15:11 ပူးပေါင်းရင်းမြစ်များ

Pesalemo 106:46

Ti na fakatupu loa e ia le manava alofa i loto o latou ala na fakapopula ia latou.

Pesalemo 138:3

I le aso leia na kau kalaga ai kiate koe, Na ke tali mai kiate au, na ke fakafimalie au, na ke fakamakeke loku laumalie.

Taagapati 16:7

Ka malie a ala o se tagata ki le Eteleno, E fai e ia ke malilie mo ia ona fili foki.

Taagapati 21:1

Ko le loto o le sau ko se vaitafe i le lima o le Eteleno ; E fulusi e ia a ia ki ganea fuli e loto a ia ki ai.

Ekelesiasi 8:12

E feala ke fai e le tagata agasala se nea veli o tua kau lelau kae mauli a ia o fualoa. E kau iloa foki e pati : E manuia latou ala e i ki le Atua, talie e lotou iloa lona pule ;

Esaia 41:10

Aua na ke i ki se nea, talie e kau nofo mo koe ; Aua na ke takamilo ni mata tuania, talie ko au ko lou Atua ; E kau fakamakeke a koe, e kau au o tokoi kiate koe, E kau taofi a koe ki loku lima atamai malo.

Selemia 21:2

Afa le finegalo o le Eteleno kia tatou ; talie ko leinei kua au Nepukatenesale, sau o Papilone, o taui tatou ; E lagi fai loa e le Eteleno kia tatou se milakulo ke fakamamao ai Nepukatenesale meia tatou.

Selemia 37:17

Na kakau loa e le sau ko Setesiasi ke afa mai Selemia kiate ia, ti na fakavelii fakafufu loa a ia e le sau i lona fale, o pati : Pe i ai se folafola mei le Eteleno ? Na tali loa Selemia : E io. Ti na toe pati loa a ia : E tuku loa a koe ki lima o le sau o Papilone.

Selemia 37:3

Na kakau loa e le sau ko Setesiasi a Sukale, vosa o Selemia, mo Sofoni, vosa o Maasesa, le tagata faisakilifisio, ke ano o pati kia Selemia, le polofeta : Ulufaki matou ki le Eteleno, lotatou Atua.

Selemia 38:14

Na kakau loa e le sau ko Setesiasi ke afa ake kiate ia Selemia, le polofeta, ti na taki ake loa a ia kiate ia i le uluaga lasi o le fale o le Eteleno. Ti na pati loa le sau kia Selemia : E i ai se nea leia e kau fia kole atu kiate koe : Aua na ke fufu mai kiate au se nea.

Selemia 42:2

O pati kia Selemia, le polofeta : Tali malie amatou kole ! Ulufaki matou ki le Eteleno, lou Atua, mo latou fuli ala koi toe, talie na motou api ti kua motou lavaki, ofaipe le nea leia e ke tio ki ai ;