Selemia 14:9 - Tosi Tapu

⁹ Kolea e ke fai ai loa pe se tagata leia e ofolele, Pe se toa leia e leaise mafai ia ke tokoi kia matou ? Kae ko koe, Eteleno, e ke nofo maoki i loto malie o matou, Ti e motou fetapa ki lou suafa ia matou : Aua na ke tiaki matou !

Selemia 14:9 ပူးပေါင်းရင်းမြစ်များ

Lua tosi o Koloniko 7:14

kapau e fakataulalo loa loku kakai leia e too ki ai loku suafa, mo faikole loa, mo afa ia loa oku mata, ti kapau e fakasemala loa a ia mo maliu loa a ia mei ona ala veveli, e kau tali loa a ia mei lagi, e kau fakamolemole loa lana agasala ti e kau fakamauli loa lona fenua.

Pesalemo 10:1

Eteleno, kolea e ke tuu ai mei mamao ? Kolea e ke mumuni ai i le temi o le mamae ?

Pesalemo 27:9

Aua na ke fufu ou mata kiate au, Aua na ke tekei lau tagata fakasausau i lou sausau ! Ko loku tokoi a koe, aua na ke tuku au, aua na ke tiaki au, Ei Atua o loku fakamauli !

Pesalemo 46:5

E i ai se vaitafe leia e fakafiafia ia e ona vai le kolo o le Atua, Le sagatualio o nofoaga o le Taualuga.

Esaia 12:6

Fai ni kalaga fakafiafia mo nekenekea, a koe leia e nofo i Sione ! Talie e lasi a ia i loto malie o ou, le Maokioki o Iselaele.

Esaia 43:7

Latou fuli ala e igoa ki loku igoa, Ti na kau fakatupu ki loku kololia, Ala na kau fau ti na kau fai.

Esaia 51:9

Ke ke alaala, ke ke alaala, ke ke kofu ki lou makeke, a koe ko le lima o le Eteleno ! Ke ke alaala ofaipe aso i mua, I tautupu afea ! Pe na leaise ko koe leia na tamate ia Esipito, Na sokai ia le talakone ?

Esaia 59:1

Leai, e leaise toetoe le lima o le Eteleno ke fakamauli, Pe tulituli lona taliga ke aua na logo.

Esaia 63:19

E motou faipe se kakai leia e leaise koi ke taki talu mei fualoa, Ti e leaise koi fakaigoa matou ki lou suafa… Oi ! Ka na ke saei a atu lagi, ti ka na e ke ifo mai, E sosolo loa a mauga i ou mua,

Selemia 15:16

Na kau tali au folafola, ti na kau kai latou ; Ko au folafola ko le fiafiaaga mo le nekenekeaaga o loku loto ; Talie kua kalagai lou suafa kiate au, Eteleno, Atua o kau tau !

Selemia 51:5

Talie e leaise tiaki Iselaele mo Suta e lola Atua, E le Eteleno o kau tau, Ti kua apele le fenua o le kau Kaletea i agasala Ki le Sagato o Iselaele.

Selemia 8:19

Ko leinei kua logo a tagi o le taine o loku kakai Mei se kele mamao : Pe leaise koi nofo le Eteleno i Sione ? Pe leaise koi nofo lona sau iate ia ? Kolea na lotou fakatupu ai loku sausau ki alatou fakatata laakau, Ki ni taulaatua matapule ?

Tagi laulau a Selemia 5:20

Kolea e ke galoi ai loa matou o lee gato, E ke tiaki ai loa matou o fualoa ?

Esekiele 48:35

Ko le loa o le kaua leia e takatakai ia loa le kolo katoa : ko kilometa e iva. Ti e igoa loa le kolo i le aso lena : Ko le agaiaga o le Eteleno.

Apakuki 1:2

E kaku loa kiafea, ei Eteleno ?… Na kau tagi, Kae e leaise ke fakalogo mai ! Na kau kalaga kiate koe o tupu ko le agamakeke, Kae e leaise ke tokoi mai !

Sakalia 2:5

Ti na pati loa le Eteleno : E kau liliu loa kiate ia ko se kaua afi i lona takatakai katoa, ti e kau liliu loa ko lona kololia i loto malie o ona.

Sakalia 8:3

Koia e folafola ai le Eteleno, o pati : Kua kau toe liliu mai ki Sione, ti kua kau loto ke kau nofo i loto malie o Selusalemi. E fakaigoa loa Selusalemi ko le kolo agatonu, ti e fakaigoa loa le mauga o le Eteleno o kau tau ko le mauga maokioki.

Numelo 11:23

Na pati loa le Eteleno kia Moisese : Pe kua toetoe loa le lima o le Eteleno ? I le aso nei e ke tio ai loa pe soko pe leai le nea leia kua kau pati ki ai.

Gaoi 15:17

O tupu ke afa le Aliki e le toetoega o tagata, Ti mo puleaga fuli e puaki ai loku suafa. Epati le Aliki, leia e fai ia a nea ana,

Lua tosi ki le kau Kolinto 6:16

Ko le nea fea leia e fakatasi ai le fale tapu o le Atua mo taulaatua ? Talie ko le fale tapu tatou o le Atua mauli, ofaipe le pati a le Atua : E kau nofo loa ti e kau saele loa i loto malie o latou ; e kau liliu loa ko lolatou Atua, ti e lotou liliu loa ko loku kakai.

Tetelonome 23:14

Talie e saele le Eteleno, lou Atua, i loto malie o lou nofolaga solia, o puipui a koe mo saofaki a koe mei ou fili. Koia e tonu ai ke mea lou nofolaga solia, ke aua na tio loa le Eteleno ki se nea fakalialia i lou nofolaga ti ke maliu kese loa a ia meiate koe.

Tetelonome 28:10

E tio loa a kakai fuli o le malama nei kua fakatapui a koe ki le Eteleno, ti e lotou fakaapaapa loa kiate koe.

Epelo 13:5

Ke aua na manumanu ki le paaga ; kae ke kotou fiafia i le nea leia e kotou maua, talie kua pati le Atua totonu : E leaise kau tuku loa a koe, ti e leaise kau tiaki loa a koe

Apokalipisi 21:3

Ti na kau logo loa mei le ekeekeaga fakasau ki se leo makeke leia na pati : Ko leinei le tapenakulo o le Atua mo tagata ! E nofo loa a ia mo latou, ti e lotou liliu loa ko lona kakai, ti e nofo loa le Atua totonu mo latou.

Uluaki tosi a Samuele 12:22

E leaise tiaki loa e le Eteleno lona kakai, o tupu ko lona suafa lasi, talie kua malie ki le Eteleno ke fakanofo koutou ko lona kakai.