Selemia 14:8 - Tosi Tapu

⁸ Ko koe leia ko le fanakiaga o Iselaele, Lona fakamauli i le aso o le mamae, Kolea e ke fai ai loa pe se matapule i le fenua, Pe se tagata fanoga leia e ulu ki ai o moe i le pouli ?

Selemia 14:8 ပူးပေါင်းရင်းမြစ်များ

Pesalemo 10:1

Eteleno, kolea e ke tuu ai mei mamao ? Kolea e ke mumuni ai i le temi o le mamae ?

Pesalemo 138:7

Kapau e kau saele i loto malie o le mamae, e ke toe soli mai kiate au le mauli, E ke falo lou lima ki le itaita o oku fili, Ti e fakamauli au e lou lima atamai.

Pesalemo 46:1

Ki le pule o le kau sua. O vosa o Kole. I le nota o le alamote. Katiko.

Pesalemo 46:2

Ko le Atua ko se ulufaga mo se fanakiaga kia tatou, Ko se tokoi leia e leaise toe puli i le temi o le mamae.

Pesalemo 50:15

Ti ke ke fetapa mai kiate au i le aso o le mamae ; Ti e kau saofaki loa a koe, ti e ke fakakololia loa kiate au.

Pesalemo 71:5

Talie ko laku amanaki malie ko koe, Aliki Eteleno ! E kau fanaki kiate koe talu mei loku ikiiki.

Pesalemo 9:9

E fakamaau e ia le malama nei i le faitotonu ; E fakamaau e ia a atu puleaga i le maoki.

Pesalemo 91:15

E kalaga loa a ia kiate au, ti e kau tali loa kiate ia ; E kau nofo loa mo ia i le mamae ; E kau saofaki loa a ia, ti e kau fakakololia loa a ia.

Esaia 33:2

Eteleno, alofa mai kia matou ! E motou amanaki malie kiate koe. Ke ke liliu ko lomatou tokoi i usu fuli, Ti mo lomatou fakamauli i le temi o le mamae !

Esaia 43:11

Ko au, ko au leia ko le Eteleno, Ti e sala mo au, e leai se fakamauli.

Esaia 43:3

Talie ko au ko le Eteleno, lou Atua, Le Sagato o Iselaele, ko lou Fakamauli ; E kau soli Esipito ko lou totogi, Etiopia mo Sapa ko lou fetogi.

Esaia 45:15

Kae ko se Atua a koe leia e mumuni, Atua o Iselaele, le fakamauli !

Esaia 45:21

Kotou fakasa le nea lena, ti kotou aumai latou kiate au ! Ke lotou fakakaukau fakatasi ! Ko ai na kikite ia mei le kamataaga a nea ana, Ti na fakasa ia latou mei mamao ? Pe leaise ko au, le Eteleno ? E leaise tasi ake Atua iate au, Ko au ko le Atua faitotonu e toka tasi Ti e fakamauli ia.

Esaia 63:8

Na pati a ia : E maoki ko latou ko loku kakai, Ko ni fanau ala e leaise patigataa loa kiate au ! Ti na fai a ia kia latou pe se fakamauli.

Selemia 16:19

Eteleno, ko koe ko loku makeke, ko loku fanakiaga, ko loku mumuniaga i le aso o le mamae ! E au loa kiate koe a atu puleaga mei potupotu o le kele, Ti e lotou pati loa : Ko loi ata a lotu o omatou tamana, E leaise uiga fua ti e leaise aoga fua a taulaatua.

Selemia 17:13

Ei Eteleno, ko koe ko le amanaki malie o Iselaele ! E luma loa latou fuli ala e tiaki ia a koe. E tosi loa i le kele latou ala e mavae iate au, Talie e lotou tiaki le matapuna o le vai mauli, le Eteleno.

Selemia 30:7

Malaia ! Talie e lasi le aso lena ; E leaise sona tatau : Ko se temi mamae kia Sakopo, Kae e saofaki loa a ia i ai.

Selemia 50:7

Ko latou fuli ala na maua ia latou na kai ia latou, Ti na pati olatou fili : E leaise motou sala fua, Talie na lotou agasala ki le Eteleno, ki le nofoaga o le faitotonu, Ki le Eteleno, le amanaki malie o olatou tamana.

Soele 3:16

Mei Sione e gugulu le Eteleno, Mei Selusalemi e logo lona leo ; Kua galulu le lagi mo le kele. Kae ko le Eteleno ko se mumuniaga ki lona kakai, Se puipuiaga ki fanau a Iselaele.

Sakalia 9:12

Kotou toe liliu ki le kolo makeke, kau popula kua apele i le amanaki malie ! I le aso nei foki e kau fakasa maoki, E kau toe soli loa kiate koe o liuga lua.

Gaoi 28:20

Ko le tupuaga loa lena o laku kole ke kau felavei mo koutou ti ke kau masau kia koutou ; talie e tupu ko le amanaki malie a Iselaele leia e kau nofo ai mo tini anei.

Uluaki tosi kia Timoteo 1:1

Ko au Paulo, apositolo a Sesu-Kilisito i le fakatotonu a le Atua lotatou Fakamauli ti mo Sesu-Kilisito lotatou amanaki malie,

Tuifakamaau 19:17

Na siki ake loa a mata o le matua, ti na tio loa a ia ki le tagata fanoga i le lapalasi o le kolo. Ti na pati loa le matua kiate ia : E ke ano kifea ? E ke au meifea ?