Selemia 14:7 - Tosi Tapu

⁷ Kapau kua fakamaoki amatou agaveli kia matou, Kae ko koe, ei Eteleno, gaoi o tupu ko lou suafa ! Talie kua lasi amatou agatuu, Kua motou agasala kiate koe.

Selemia 14:7 ပူးပေါင်းရင်းမြစ်များ

Esetalasi 9:15

Eteleno, Atua o Iselaele, e ke faitotonu, talie koi mauli ni iki o matou i le aso nei. Ko nei matou i ou mua ko ni tagata agasala, kae na leaise tonu ke motou tutuu i ou mua.

Pesalemo 115:1

Aua na tuku kia matou, Eteleno, aua na tuku kia matou, Kae ki lou suafa ke tuku le kololia, O tupu ko lou agamalie, o tupu ko agatonu !

Pesalemo 25:11

Eteleno, e ke Atua ! Koia e ke fakamolemole ai ki laku agaveli, talie e lasi ai a ia.

Pesalemo 79:9

Ei Atua, ko lomatou fakamauli, tokoi mai kia matou, o tupu ko le kololia o lou suafa ! Saofaki matou, ti fakamolemole kia amatou agasala, o tupu ko lou suafa !

Esaia 48:11

O tupu ko le alofa kiate au, o tupu ko le alofa kiate au, leia na kau fai ai le nea lena ; Talie kolea e fakakelekele ai loa loku suafa ? E leaise kau soli loa loku kololia ki se tasi kese.

Esaia 59:12

Talie e lasi ai amatou patigataa i ou mua, Ti e fakamaoki amatou agasala kia matou ; E pipiki amatou agatuu kia matou, Ti e motou iloa amatou agaveli.

Selemia 10:19

Malaia kiate au ! kua kau fatifati ! E mamae loku lavea ! Kae e kau pati : ko malaia leia e soko mai kiate au, E kau ma kataki loa a ia !

Selemia 2:19

E tautea loa a koe e lou agaveli, ti e taai loa a koe e lou agatuu. E ke iloa loa ti e ke tio loa ko se nea veli mo kona Le tiaki o le Eteleno, lou Atua, Ti mo le leaise maua se i kiate au, E pati le Aliki, le Eteleno o kau tau.

Selemia 3:25

Kua tou momoe ai ki lotatou luma Ti kua tou kafu ai ki lotatou veli, Talie na tou agasala ki le Eteleno, lotatou Atua, Tatou mo otatou tamana, talu mei lotatou liliki o kaku mai ki le aso nei, Ti na leaise tou fakalogo ki le leo o le Eteleno, lotatou Atua.

Selemia 3:6

Na pati mai loa le le Eteleno kiate au, i le temi o le sau ko Sosiasi : Pe kua ke tio ki le nea leia kua fai e le fafine agatuu ko Iselaele ? Kua ano a ia ki mauga taualuga fuli ti mo lalo o laakau lalasi fuli, ti kua faiaga a ia i ai.

Selemia 5:25

E tupu ko akoutou agasala na leaise soko ai a nea ana, Ko akoutou agasala ala na taofi ia a nea malilie ana ia koutou.

Selemia 5:6

Koia e tamate ai latou e le laione o le vao, E maumaui ai latou e le lupo o le toafa, E lamalama ai latou e le taika i mua o olatou kolo ; Ko latou fuli ala e mavae loa i kolo e sae loa ; Talie kua lasi ai alatou agasala, ti kua liuliuga ai alatou agatuu.

Selemia 8:14

Kolea e tou tonatona ai i le kele ? Kotou fakatasi, ti tou ano ki kolo tau, O mamate i ai ! Talie kua tuku tatou e le Eteleno, lotatou Atua, ki le mate, Ti kua fakainu e ia tatou ki ni vai kona, O tupu na tou agasala ki le Eteleno.

Selemia 8:5

Ti kolea e sese tuumau ai le kakai leinei o Selusalemi ? E lotou tuu makeke i le kaka, E lotou fakafiti ke tafoki.

Esekiele 20:14

Kae na kau toe fakapoipoi ki loku suafa, o tupu ke aua na fakalialia a ia i mua o puleaga ala na tio ki laku fakamavae latou i Esipito.

Esekiele 20:22

Kae na kau taofi loku lima, ti na kau gaoi o tupu ko loku suafa, ke aua na fakalialiai a ia i mua o puleaga ala na tio ki laku fakamavae latou i Esipito.

Esekiele 20:9

Kae na kau fakapoipoi ki loku suafa, o tupu ke aua na fakalialia a ia i mua o puleaga ala na lotou nonofo ai, ala na iloa ia laku fakapapau ke fakamavae latou i Esipito.

Oseo 5:5

Ko le fia nealasi o Iselaele e fakamaoki kiate ia ; Ko Iselaele mo Efalaimi e vivilo loa i ala agasala totonu ; Ti ko Suta e vilo loa mo laua.

Oseo 7:10

E fakamaoki le fia nealasi o Iselaele kiate ia ; E leaise lotou toe liliu mai ki le Eteleno, lolatou Atua, Ti e leaise lotou afa a ia, logo ai a nea fuli ana.

Amosi 7:2

Na soko loa na kai e seseivaka le mutie katoa o le fenua, Ti na kau pati loa : Aliki Eteleno, fakamolemole ki lou kakai ! Pe toe tuu feaki loa Sakopo ? Talie e gaegae ai a ia !

Mikea 7:9

E kau kataki loa le sausau o le Eteleno, O tupu na kau agasala kiate ia, O kaku ki le lakaga e puipui ai loa e ia au ti e fakatonu ia loa e ia au ; E taki loa e ia au ki le malama, Ti e kau tio loa ki lona faitotonu.

Efeso 1:12

o tupu ke tou fakavikiviki ki lona kololia, tatou ala kua amanaki malie fakatomua kia Kilisito.

Efeso 1:6

ke fakafetai ki le kololia o lona kalasia leia kua soli fakaalofa e ia kia tatou i lona Alo alofaina.

Tetelonome 32:27

Kae na kau i na gologolo loa olatou fili kiate au, Ti mo lotou pati loa ko latou ala na fai ia le nea lena, O lotou manatu loa na leaise fai e loku lima a nea fuli ana.

Sosue 7:9

E logo loa le kau Kanaane mo kakai fuli o le fenua leinei ki le nea leinei, ti e lotou fakatasi fuli loa o taui matou ke soloi lomatou igoa i aluga o le fenua ? Ti kolea loa le nea e ke fai ia loa ke fakasa ai lou igoa lasi ?