Selemia 14:3 - Tosi Tapu

³ E kakau e le kau lalasi latou ala e liliki, ke ano o asu vai, Ti e ano le kau liliki ki fa tane, kae e leaise lotou maua se vai, Ti e lotou toe liliu mo alatou fagu mamasa ; E lotou uufi olatou ulu i lolatou luma.

Selemia 14:3 ပူးပေါင်းရင်းမြစ်များ

Lua tosi a Samuele 15:30

Na pale loa Tavite ki le mauga o oliveto. Na pale tagi a ia, ti na pulou lona fa ulu, ti na saele kilii vae a ia ; ti na pulou foki a ulu o latou fuli ala na nonofo mo ia, ti na lotou pale fetagisi.

Lua tosi a Samuele 19:4

Na puloui loa e le sau ona mata, ti na tagi loa a ia o leo lasi : Loku vosa ko Apesalone ! Apesalone, loku vosa, loku vosa !

Uluaki tosi o Sau 17:7

Kae na kaku loa ki se temi, na malo loa le liua, talie na leaise toe to loa se ua i le fenua.

Lua tosi o Sau 18:31

Aua na kotou fakalogo kia Esekiasi : talie ko leinei le masau a le sau o Asilia : Kotou fai se fakamalie kiate au ki se nea alofa, ti kotou ulu mai ki fafo kiate au, ti e kotou tasi kai loa lana vite mo lana fiki, ti e kotou tasi inu loa le vai o lona sosoni,

Esitele 6:12

Na toe liliu loa Maletoseo ki le matapa o le sau, kae na ano fakatavili loa Amane ki lona fale, kua uufi ona mata i le lasi o lona luma.

Sopo 6:20

Kae kua lotou fakasemala i lalatou fanaki ki le liua, Talie kua lotou luma i lalatou kaku ki ai.

Pesalemo 109:29

Ke kofu e oku fili le luma, Ke lotou kofu le luma ofaipe se taupulupulu !

Pesalemo 40:14

Alofa o saofaki au, Eteleno ! Eteleno, au vave o tokoi mai kiate au !

Selemia 14:4

Kua mafaafaa le kele Talie e leaise to se ua i le fenua, Ti kua luma le kau gaoi kele ti kua lotou pulou olatou ulu.

Selemia 15:18

Kolea e fai sosoko ai loku mamae ? Kolea e mamae ai loku lavea, ti e leaise loto ai ke mafo ? Pe kua ke fai kiate au pe se matapuna kaka, Pe se liua leia e leaise iloa papau pe i ai se vai pe leai ?

Selemia 2:13

Talie na fai e loku kakai ni agasala e lua : Na lotou tiaki au, leia ko se matapuna o le vai mauli, Ti na lotou kenu kia latou ni sosoni, ni sosoni mafaafaa, Ala e leaise taofi ia le vai.

Selemia 2:37

Mei lena foki e ke mavae loa, mo lima i le ulu ; Talie e tiaki e le Eteleno latou ala e ke fanaki ki ai, Ti e leaise ke manuia loa i olatou tafa.

Selemia 20:11

Kae e nofo le Eteleno mo au ofaipe se tagata toa makeke. Koia leia e tukia ai latou ala e fakaveliveli mai kiate au, ti e leaise lotou malo loa iate au ; E lotou apele loa i le luma talie na leaise soko alatou fakakaukau : Ko se matagafua lee gato lena kia latou, leia e leaise toe galo loa.

Selemia 3:3

Koia na taofi ai a ua ke aua na to, Ti na leaise maua ai se ua i le temi fakatutupu o laakau ; Kae na leaise gato lau faiaga, Ti na leaise ke luma.

Tagi laulau a Selemia 4:4

Kua pipiki le alelo o le toe memea i lona gutu, Kua malo a ia i le fia inu ; E kole e toe se pane, Kae e leaise soli e se tasi se pane kia latou.

Oseo 2:3

Kotou pati ki okoutou fetaina : Ami ! (loku kakai) ki okoutou tuagaane : Lusama ! (fafine leia kua tuku ki ai le manava alofa).

Soele 1:20

Kua tagi foki a manu o faisaga kiate koe ; Talie kua malo a liua, Ti kua tutu e le afi a mutie o le toafa.

Amosi 4:7

Ti ko au, na kau fakafiti le ua kia koutou, kae koi toe masina e tolu ki le temi tuuti o le fulumeto ; Na kau fakato le ua ki se kolo, Kae na leaise kau fakato a ia ki se tasi ake a kolo ; Na tali e se faisaga le ua, Kae na leaise to a ia ki se tasi faisaga, leia na malo.

Amosi 4:8

Na ano ni kolo e lua, e tolu foki, ki se tasi ake a kolo o inu i ai se ga vai, Kae na leaise lotou mau foki. Kae logo ai le nea lena, na leaise kotou toe liliu mai kiate au, e pati le Eteleno.

Sakalia 14:17

Kapau e i ai ni famili o le malama nei ala e leaise pale ki Selusalemi O atolasio ki le sau, le Eteleno o kau tau, E leaise to loa le ua kia latou.