Selemia 14:2 - Tosi Tapu

² Kua putu a Suta, Kua maumau ona kolo, Kua mata mamae a ia, Kua tonatona a ia ki le kele, Kua pale a tagi a Selusalemi o kaku ki le lagi.

Selemia 14:2 ပူးပေါင်းရင်းမြစ်များ

Sopo 34:28

Na lotou fakamakeke le mativa ke tagi ki le Atua, Ti na lotou fai ke tokaga le Atua ki le tagi a le fakaaloalofa.

Pesalemo 144:14

E fanaunau amatou kau pipi fafine muli ; E leai se maumau, e leai se popula, E leai se tagi i omatou ala !

Ekesote 2:24

Na logo loa le Atua ki alatou tagi, ti na manatui loa e ia lana fakapapau kia Apalaamo, mo Isaake, mo Sakopo.

Esaia 15:5

Kua tagi foki loku loto ki Moape, Leia kua sosola lona kakai o kaku ki Tesoale, mo Ekalate-Selisisa ; Talie kua lotou pale fetagisi ki Lukite, Ti kua lotou taukalaga i le mamae i le ala o Kolonaimi.

Esaia 24:11

E taukalaga i ala, talie e leaise koi maua se vino. Kua pupuli a fiafia fuli, Kua mavae le nekenekea i le fenua.

Esaia 24:4

Kua mamae le fenua, ti kua gaegae a ia ; Kua mamae le kakai ti kua masamasaki ; Kua sala makeke a pule o le kakai.

Esaia 24:7

Kua mamae le vino foou, ti kua gae le vite ; Kua mamae latou fuli ala na loto fiafia.

Esaia 3:26

E fetagisi loa a matapa o Sione ti e lotou mamae loa ; Ti e tonatona telefua loa Sione i le kele.

Esaia 33:9

Kua nofo le fenua i le putu, i le loto mamae ; Kua luma Lipane, ti kua gaegae ; Kua fai le Saloni pe se toafa ; Kua lu e le Pasani mo le Kalemelo a lau o ola laakau.

Esaia 5:7

Ko le vite a le Eteleno o kau tau, ko le fale o Iselaele, Ti ko tagata o Suta, ko le uli leia na alofa mamae a ia ki ai. Na amanaki malie a ia ki le loto sako, kae ko leinei ko se toto na liligi ! Na amanaki malie a ia ki le faitotonu, kae ko leinei ko ni tagi mamae !

Selemia 11:11

Koia e folafola ai le Eteleno, o pati : Ko leinei, e kau aumai loa kia latou ni malaia Ala e leaise feala ke lotou sao loa i ai. E lotou kalaga loa kiate au, Ti e leaise kau fakalogo loa kia latou.

Selemia 12:11

E lotou fakaliliu a ia ko se toafa ; E mamae a ia, e tagi a ia i oku mua. Kua maumau le fenua katoa, Talie e leaise tokaga se tasi ki ai.

Selemia 12:4

E kaku loa ki afea le tagi o le kele, Ti mo le gini o le vao o faisaga fuli ? O tupu ko le agaveli o latou e nonofo i ai. Kua pupuli a manu vae fa mo manu lele, Talie lotou pati : E leaise tio loa a ia ki lotatou ikuaga.

Selemia 18:22

Ke logo ki ni tagi i olatou fale, Mo ka ke tuku loa latou ke osoi fakafokifa e ni kau solia ! Talie na lotou kenu se popoko ke kau vilo ai, Na lotou fakatuu ni masele i oku vae.

Selemia 4:28

O tupu ko le nea lena, e mamae loa le fenua, Ti e fakapouli loa a atu lagi i aluga ; Talie na kau fakasa a ia, na kau fakapapau a ia, Ti e leaise kau toe fakasemala i ai, E leaise kau toe liliu loa ki muli.

Selemia 46:12

E logo atu puleaga ki lou luma, Ti e fakaapele e au tagi fenua, Talie e tukia le toa ki le toa, Ti e la sisiga fakatasi toka lua ki lalo.

Selemia 8:21

Kua kau fati i le mamae o le taine o loku kakai, Kua kau nofo i le mamae, kua kau maua e se i lasi ai.

Tagi laulau a Selemia 2:8

Na fakapapau le Eteleno ke maumaui a paa o le taine o Sione ; Na fao e ia le afo, ti na leaise too e ia lona lima kae e leikiaise tamatamate fuli latou ; Na tuku e ia ki le mamae a paa mo kaua, Ala na maumau.

Tagi laulau a Selemia 2:9

Kua ogo ona matapa i le kele ; Ti na maumaui e ia mo fatifatii ona ukamea fakamaumau. Kua nofo lona sau mo ona pule i lotolotoga o atu puleaga ; e leaise koi i ai se lao. E leaise koi maua foki e le kau polofeta se nea mei le Eteleno.

Tagi laulau a Selemia 5:10

Kua vevela omatou kili ofaipe se gutuumu, I le makeke o le fia kai.

Oseo 4:3

Koia e nofo ai loa le fenua i le mamae, Ti e gaegae ai loa latou fuli ala e nonofo i ai, Tatau fai a manu o faisaga ti mo manu lele o le lagi ; Ti e pupuli loa a ika o le tai.

Soele 1:10

Kua maumau a faisaga, Kua tagi le kele ; Talie kua maumau le fulumeto, Kua masa le vino, kua malo le lolo.

Soele 1:11

Kua luma le kau gaoi kele, kua lauga le kau gaoi vite, O tupu ko le fulumeto mo le olese ; Talie kua maumau a fua o faisaga.

Soele 1:14

Kotou logologo se sesunio, se fakatasi mamalu ! Kotou fakatasi a matua, mo kakai fuli o le fenua I le fale o le Eteleno, lokoutou Atua, Ti kotou tagi ki le Eteleno !

Soele 2:6

I olatou mua e lulu a kakai, E fakalaulautetea a mata fuli.

Akeseo 1:11

Na kau kakau mai le taulaa ki le fenua, mo mauga, Mo le fulumeto, mo le vino, mo le lolo, Mo nea fuli ala e feala ke maua mei le kele, Mo tagata mo manu, Ti mo gaoiaga fuli o lima.

Sakalia 7:13

Ka kalaga loa le Eteleno, na leaise lotou fakalogo : Koia e pati ai le Eteleno : na leaise kau fakalogo kia latou mo ka lotou kalaga mai kiate au.

Uluaki tosi a Samuele 5:12

Na taai loa ki le masaki veli le kakai leia na leaise mamate, ti na pale loa ki le lagi a tagi o le kolo.

Uluaki tosi a Samuele 9:16

I apogipogi, i le ola leinei, e kau kakau atu loa kiate koe se tagata o Pesamino, ti e ke takai loa a ia ki le lolo ke fakanofo a ia ko le pule o loku kakai ko Iselaele. E saofaki loa e ia loku kakai i le lima o le kau Filisitini ; talie kua kau tio ki loku kakai, ti kua kaku mai lana tagi kiate au.