Selemia 14:16 - Tosi Tapu

¹⁶ Ti ko latou ala e lotou kikite ki ai, E tuku mamate loa i ala o Selusalemi, I le oge mo le seleta ; E leaise tasi loa ke tanu ia latou, Latou mo alatou avaga, mo olatou vosa, mo olatou taineliki ; E kau liligi loa kia latou lalatou agaveli.

Selemia 14:16 ပူးပေါင်းရင်းမြစ်များ

Taagapati 1:31

E lotou kai loa ki le fua o lolatou ala, Ti e lotou makokona loa i alatou tokoi totonu,

Esaia 51:20

Kua konana ou vosa, ti kua lotou momoe i poko o ala fuli Ofaipe le tia i se kupega, O tupu ko le sausau o le Eteleno, Mo valoki a lou Atua.

Esaia 9:16

Koia e leaise mafai ke fiafia le Aliki ki ona tagata tupulaga, Pe alofa ki ona fanau sala matua mo ona fafine lokonui ; Talie ko latou fuli ko ni kau malualoi mo ni kau agaveveli, Ti e masau olatou gutu fuli ki nea fakalialia. Kae logo ai a nea fuli ana, e leaise malu lona itaita, Kae koi mafao aifai lona lima.

Selemia 16:4

E lotou mamate loa i le masaki veli ; E leaise tagi loa kia latou, ti e leaise tanu loa latou ; E lotou fai loa pe le nea fakagako kele i aluga o le kele ; E lotou mamate loa i le seleta mo le oge ; Ti e liliu loa olatou tino ko le nea kai a manu lele o le lagi mo manu o le vao.

Selemia 18:21

Koia, tuku alatou fanau ki le oge, Tamate latou ki le seleta ; Ke sala fanau alatou avaga, ti ke lotou liliu o lokonui, Ti ke mamate olatou tagata i le taumasaki veli ; Ke taai olatou tagata tupulaga e le seleta i le tau !

Selemia 20:6

Ti ko koe, Pasule, mo latou fuli ala e nonofo i lou fale, e kotou ano loa o popula ; e ke ano loa ki Papilone, ti e ke mate loa i ai, ti e ke tanu loa i ai, a koe mo ou kaukau nea fuli ala kua ke kikite loi ki ai.

Selemia 27:15

E pati le Eteleno : Na leaise kau kakau atu latou, kae e lotou kikite le loi i loku suafa, o tupu ke kau kapu koutou ti ke kotou mamate, a koutou mo kau polofeta ala e kikite kia koutou.

Selemia 4:18

Ko le fua lena o ou ala mo au gaoi, Ko le fua lena o lou agaveli ; E maoki e kona le nea lena, e ulu a ia o kaku ki lou mafu.

Selemia 5:31

E faikikite le kau polofeta i le loi, Ti e kau fakatasi mo latou le kau faisakilifisio, o pule faifaitalisa, Ti e fiafia loku kakai i le nea lena. Kolea e kotou fai loa i le fakaoki ?

Selemia 7:33

E liliu loa a mate o le kakai leinei ko le nea kai A manu lele o le lagi mo manu o le kele ; Ti e leaise maua loa se tasi ke kapu ia latou.

Selemia 8:1

E pati le Eteleno : I le temi lena, e too loa mei olatou tanuma a ivi o sau o Suta, mo ivi o ona kau pule, mo ivi o ona kau tagata faisakilifisio, mo ivi o ona kau polofeta, ti mo ivi o kakai o Selusalemi.

Selemia 8:2

E fola loa latou i mua o le laa, mo mua o le masina, mo mua o le kau tau fuli o le lagi, ala na lotou alofa ki ai, ala na lotou tausi ki ai, ala na lotou mulimuli ki ai, ala na lotou afa ia, ala na lotou atolasio ki ai ; e leaise tanaki loa latou, ti e leaise tanu loa latou, kae e lotou fai loa pe se taei kele fakagako i aluga o le kele.

Selemia 9:20

Fafine, kotou fakalogo mai ki le folafola a le Eteleno, Ti ke taofi e lokoutou taliga le nea leia e fakasa e lona gutu ! Kotou ako ki okoutou taineliki ni tagi mate, Kotou feakoaki ni tagi laulau ia koutou.

Selemia 9:22

Ke ke pati : E folafola le Eteleno, o pati : E vivilo loa a mate o tagata Ofaipe se nea fakagako kele i faisaga, Ofaipe le vilo o se taulu fulumeto i muli o le tagata tuuti fulumeto, Leia e leaise tae e se tasi.

Esekiele 39:14

E lotou filifili loa ni tagata ala e taka loa i le fenua, Ti e tanu ia loa, o tokoi ki ai le kakai fanoga, A tino ala na toe i aluga o le kele. E lotou fakamea loa le fenua, Ti e lotou fai loa le afa lena i masina katoa e fitu.

Amosi 7:17

O tupu ko le nea lena, ko leinei le nea leia e fakasa e le Eteleno : E faiaga loa lou avaga i le kolo, ti e mamate loa ou vosa mo ou taineliki i le seleta, ti e vaevae loa lau faisaga ki le meta, ti ko koe, e ke mate loa i se kele pagani, ti e ave loa Iselaele o fakapopula o mamao mei lona fenua.

Mateo 15:14

Tuku noa latou : Ko ni kivi latou ala e taki ia ni kivi ; kapau e taki e se kivi se tasi a kivi, e la vivilo toka lua loa ki se popoko.

Apokalipisi 16:1

Ti na kau logo loa ki se leo makeke leia na au mei le fale tapu, o pati ki aselo e fitu : Kotou ano, ti kotou liligi ki le malama nei a ipu e fitu o le sausau o le Atua.