Selemia 14:12 - Tosi Tapu

¹² Kapau e lotou sesunio, e leaise kau fakalogo loa ki alatou tagi ; Kapau e lotou momoli ni failaulau mo ni moliga, e leaise kau tali loa latou ; Talie e kau loto ke maumaui latou ki le seleta, mo le oge, mo le taumasaki.

Selemia 14:12 ပူးပေါင်းရင်းမြစ်များ

Sopo 27:9

Pe fakalogo le Atua ki ana kalaga, Mo ka taomia a ia i le mamae ?

Taagapati 1:28

I le aso lena e lotou kalaga loa kiate au, kae e leaise kau tali loa ; E lotou afa loa au, kae e leaise lotou maua loa au ;

Taagapati 15:8

E fakalialia le Eteleno ki sakilifisio a le kau agasala, Kae e fiafia a ia ki le kole a le kau agatonu.

Taagapati 21:27

Ko le sakilifisio a le kau agaveli ko se nea fakalialia ; Tafito mo ka fai a ia mo ni manatu veveli.

Taagapati 28:9

Ko leia e fulusi ia lona taliga ke aua na logo ki le lao, E liliu lana faikole ko se nea fakalialia.

Esaia 58:3

Kolea le uiga o lamatou sesunio, mo kapau e leaise ke tio mai kia matou ? O le fakamamae omatou laumalie, mo kapau e leaise ke tokaga ki ai ? Ko leinei, i le aso o lokotou sesunio, e kotou fakataga a nea fuli ala e kotou oli ki ai, Ti e kotou fai fakamakeke ki akoutou tagata gaoi fuli.

Selemia 11:11

Koia e folafola ai le Eteleno, o pati : Ko leinei, e kau aumai loa kia latou ni malaia Ala e leaise feala ke lotou sao loa i ai. E lotou kalaga loa kiate au, Ti e leaise kau fakalogo loa kia latou.

Selemia 11:14

Ti ko koe, aua na ke ulufaki le kakai leinei, Aua na ke fai kia latou se tagi mo se kole ; Talie e leaise kau fakalogo loa kia latou, Mo ka e lotou kalaga mai loa kiate au o tupu ko lolatou malaia.

Selemia 15:1

Na pati mai loa le Eteleno kiate au : Kapau e tutuu loa Moisese mo Samuele i oku mua, E leaise kau tokaga loa ki le kakai leinei. Kapu a ia ke mamao i oku mata, ke ano a ia !

Selemia 16:4

E lotou mamate loa i le masaki veli ; E leaise tagi loa kia latou, ti e leaise tanu loa latou ; E lotou fai loa pe le nea fakagako kele i aluga o le kele ; E lotou mamate loa i le seleta mo le oge ; Ti e liliu loa olatou tino ko le nea kai a manu lele o le lagi mo manu o le vao.

Selemia 21:6

E kau taai loa le kakai o le kolo leinei, a tagata mo manu. E lotou mamate loa i se taumasaki veli.

Selemia 24:10

E kau kakau loa kia latou le seleta, mo le oge, mo le taumasaki, o kaku ki lolatou puli i le fenua leia na kau soli kia latou mo olatou tamana.

Selemia 32:24

Ko leinei, kua laga ni palepale tau ki le kolo ti kua lotou valoki a ia. E tuku loa le kolo ki lima o le kau Kaletea ala e osoi ia a ia, Ti e lava loa a ia i le seleta, mo le oge, ti mo le taumasaki. Kua soko le nea leia na ke pati ki ai, ti e ke tio ki ai.

Selemia 6:20

Kolea le aoga mai kiate au o le iseso leia e au mei Sepa, Mo le lolo manogi mei se fenua mamao ? E leaise malilie akoutou failaulau kiate au, Ti e leaise kano malie akoutou sakilifisio kiate au.

Selemia 8:13

E kau loto ke fakapuli latou fuli, e pati le Eteleno ; E leaise toe maua loa se fa vite i le vite, Pe ko se fa fiki i le fiki, Ti e gini loa a lau ; Ti e sola loa ia latou le nea leia na kau soli kia latou.

Selemia 9:16

E kau fakamavetevete loa latou i ni atu puleaga, Ala na leaise lotou iloa, e latou ti mo olatou tamana, Ti e kau kakau loa le seleta i olatou muli O kaku ki laku maumaui latou fuli.

Esekiele 14:19

Ti kapau na kau kakau mai loa le taumasaki ki le fenua leinei, ti kapau na kau liligi loa ki ai loku sausau ki le mate, ke tuuti i ai a tagata mo manu,

Esekiele 14:21

Io, e folafola le Aliki, le Eteleno : E logo ai na kau tuku ki Selusalemi aku tautea fakaii e fa, ko le seleta, mo le oge, mo manu fekai, mo le taumasaki, ke tuuti i ai a tagata mo manu,

Esekiele 8:18

Ko au foki, e kau gaoi loa o mulimuli ki loku sausau ; e leaise toe aloalofa loa loku mata, ti e leaise kau toe maua loa se manava alofa ; ka lotou tagi leo lasi loa ki oku taliga, e leaise kau fakalogo loa kia latou.

Oseo 5:6

E lotou ano loa mo alatou ovi ti mo alatou pipi tagata o afa le Eteleno, Kae e leaise lotou maua loa a ia : Kua mavae a ia i loto malie o latou.

Amosi 5:21

E kau vesia, e kau fakalialia ki okoutou aso lalasi. E leaise koi kau fia sauga fua ki akoutou fakatasi.

Mikea 3:4

Ti e lotou kalaga loa ki le Eteleno, Kae e leaise tali loa a ia kia latou ; E fufu loa e ia kia latou ona mata i le temi lena, Talie na lotou fai ni gaoi veveli.

Sakalia 7:13

Ka kalaga loa le Eteleno, na leaise lotou fakalogo : Koia e pati ai le Eteleno : na leaise kau fakalogo kia latou mo ka lotou kalaga mai kiate au.

Malakia 1:10

Ko ai leia ia koutou e tapono ia loa a matapa, Ke aua na kotou tutu noa le afi i aluga o loku aletale ? E leaise kau maua fua se fiafia e tasi ia koutou, e pati le Eteleno o kau tau, Ti e leaise malie kiate au a moliga o okoutou lima.

Malakia 2:13

Ko leinei foki le tasi a nea leia e kotou fai : E kotou ufiufi le aletale o le Eteleno ki loimata, Ki tagi mo lauga, O tupu e leaise koi tokaga a ia ki moliga, Ti e leaise koi tali e ia se nea mei okoutou lima.

Apokalipisi 6:8

Ti na kau tio loa, ti ko leinei, na sa mai loa se osi sega fakapouli. Ti ko leia na eke i ai na igoa ko le mate, ti na muli iate ia le nofoaga o le kau mate. Ti na tuku loa kia laua le pule ki le vaega fa o le malama nei, ke la tamate a tagata ki le seleta, mo le oge, mo le masaki, ti mo manu fekai o le kele.