Selemia 13:9 - Tosi Tapu

⁹ E folafola le Eteleno, o pati : E kau maumaui feneeki loa le fia nealasi o Suta Ti mo le laukau lasi o Selusalemi.

Selemia 13:9 ပူးပေါင်းရင်းမြစ်များ

Taagapati 16:18

E muamua le fia nealasi i le maumau, Ti ko le loto fia masiki i le siga.

Esaia 16:6

Kua motou logo ki le laukau o Moape, Ki lona nekenekea mo lona fia taualuga, Ki lona matasoka mo ana masau vaiga.

Esaia 23:9

Ko le Eteleno o kau tau, leia na fai ia le fakapapau lena, Ke taai ai le fia nealasi o nea fuli ala e gigila, Ke tuku ai ki lalo le kau lalasi fuli o le malama nei.

Selemia 13:8

Na tuku mai loa kiate au le folafola a le Eteleno, o pati :

Selemia 25:18

Ki Selusalemi mo kolo o Suta, Ki ona sau mo ona pule, Ke fakaliliu ai latou ko se maumau, Ko se nea fakaaloalofa, ko se nea fakagologolo, ti ko se nea fakamalaia, Ofaipe le nea leia e tio ki ai i le aso nei ;

Selemia 48:29

E motou iloa le fia nealasi o Moape fulumalie, Mo lona fia taualuga, mo lona nekenekea, mo lona matasoka, mo lona fia aliki.

Esekiele 16:50

Na lotou liliu o fia nealasi, o lotou fai ni nea fakalialia i oku mua. Koia na kau fakapuli latou i laku tio ki le nea lena.

Esekiele 16:56

Pe na leaise ke masau veli ki lou taina ko Sotoma, i le temi o lou fia nealasi,

Levitiko 26:19

E kau fatii loa lokoutou loto lasi : e kau fakaliliu loa le lagi i okoutou aluga ke fefeka ofaipe le ukamea, ti e leaise toe to loa se ua ki okoutou kele, ala e fefeka loa ofaipe le sila.

Naume 2:2

Kua saele le tagata maumau kiate koe, Ninive. Taupau le kolo tau ! Leoleo le ala ! Teuteu le tau ! Tanaki lou makeke katoa !…

Sofoni 3:11

I le aso lena, e leaise ke toe luma loa ki au gaoi fuli Ala na ke agasala ai kiate au ; Talie e kau too loa i loto malie o ou latou ala na malo i le fia nealasi, Ti e leaise ke toe fia nealasi loa i loku mauga maokioki.

Luka 18:14

E kau fakasa atu kia koutou, na ifo le popelikano ki lona fale kua faitotonu a ia, kae leai le faliseo. Talie ko leia e malaga ki aluga e tuku loa a ia ki lalo, ti ko leia e fakataulalo e siki loa a ia ki aluga.

Sakopo 4:6

Kae e soli e ia kia tatou se kalasia leia e toe lasi ake, talie e toe pati le Tosi : E tau le Atua kia latou ala e fia nealasi, Kae soli e ia lona kalasia kia latou ala e fakataulalo.

Uluaki tosi a Petelo 5:5

Ti ko koutou foki, kau tupulaga, ke kotou fakataulalo ki le kau fakamatuatua. Ti ko koutou fuli, ke kotou kofu le fakataulalo i okoutou vasaa ; talie E tau le Atua ki le kau fia nealasi, Kae e soli e ia lona kalasia ki le kau fia taulalo.