Selemia 13:25 - Tosi Tapu

²⁵ Ko lena lou anoaga, le vaega leia kua kau fakafuafua kiate koe, E pati le Eteleno, O tupu kua ke galoi au, Ti kua ke tuku lau fanaki ki le loi.

Selemia 13:25 ပူးပေါင်းရင်းမြစ်များ

Sopo 20:29

Ko lena le vaega leia kua teuteui e le Atua ki le tagata agaveli, Ko lena le tofiga leia kua tuku e le Atua kiate ia.

Mateo 24:51

Ti e tautea fakaveliveli loa e ia le tagata fakasausau lena, o soli kiate ia lona vaega mo le kau malualoi : Ko lena le ganea leia e maua ai loa ni tagi mo ni fetati o nifo.

Selemia 2:32

Pe galoi e le taine taupoou ona teu ? Pe galoi e le taine feauaki lona kilipipi ? Kae na galoi au e loku kakai Talu mei fualoa.

Pesalemo 11:6

E fakato e ia ofaipe se ua ki le kau agaveli Ni malala kaka, mo se afi, mo se sufele ; Mo se matagi vevela, ko le kalise lena e tonu ke lotou inu.

Pesalemo 9:17

E fakasa e le Eteleno lona anoaga totonu, e fakasa e ia lona faitotonu : E sai e ia le tagata agaveli ki le gaoi o ona lima. -Musika. -Manava.

Mikea 3:11

E fakamaau ona pule ki ni nea alofa, Ona tagata faisakilifisio ki se totogi, Ti e kikite ona polofeta ki se paaga ; Ti e lotou toa i le fanaki ki le Eteleno, o pati : Pe leaise nofo le Eteleno i loto malie o tatou ? E leaise kaku mai loa le malaia kia tatou.

Selemia 10:14

E liliu a tagata fuli o valelea i mua o lona poto, Ti e luma a tagata gaoi ukamea fuli i le fakatata leia na lotou fau ; Talie ko loi ata a taulaatua ana, E leaise maua fua se tukumanava ia latou.

Selemia 2:13

Talie na fai e loku kakai ni agasala e lua : Na lotou tiaki au, leia ko se matapuna o le vai mauli, Ti na lotou kenu kia latou ni sosoni, ni sosoni mafaafaa, Ala e leaise taofi ia le vai.

Esaia 28:15

E kotou pati : kua motou fai se sai mo le mate, Kua motou fai se fakapapau mo le nofoaga o le kau mate ; Ka mapaa mai loa ki fafo le malaia, e leaise lave mai loa a ia kia matou ; Talie ko lomatou solaaga ko le kaka, ti ko lomatou mumuniaga ko le loi.

Esaia 17:4

I le aso lena, e gaegae loa le kololia o Sakopo, Ti e puli loa le gako o lona tino.

Loma 1:25

latou ala kua fetogi ia le maoki o le Atua ki le loi, ti kua atolasio mo tausi ki le nea leia na fakatupu e le Atua, kae tuku le Tupuaga leia e tonu ke lotou fakakololia ki ai o lee gato. Amene !

Esaia 34:17

Kua fai e ia kia latou le toso, Ti kua vae e lona lima kia latou le fenua ki le afo. E lotou maua loa a ia o lee gato, E lotou nonofo loa i ai i tautupu mo tautupu.

Esaia 65:7

O akoutou agaveli, e pati le Eteleno, ti mo agaveli o okoutou tamana, Ala na tutu ia le iseso i aluga o mauga, ti na nukinuki kiate au i aluga o mauga liliki ; E kau fuafua loa kia latou le totogi totonu o alatou gaoi i le temi kua sili.

Selemia 3:21

E logo ki se leo i potu taualuga : Ko tagi mo lauga a fanau o Iselaele ; Talie kua lotou sese, Kua lotou galoi le Eteleno, lolatou Atua.

Sofoni 3:2

E leaise logo fua a ia ki se leo, E leaise tali fua e ia se valoki, E leaise fanaki a ia ki le Eteleno, E leaise fakafeofi a ia ki lona Atua.

Selemia 18:15

Kae kua galoi au e loku kakai, e momoli e ia le iseso ki ni taulaatua. Kua taki a ia ke siga i ona ala, ke tiaki a ala afea, Kae ke mulimuli i ni ala gaoa, ala na leaise fakalauatea.

Esekiele 23:35

Koia e folafola ai le Aliki, le Eteleno, o pati : O tupu na ke galoi au, O tupu na ke tiaki au ki ou muli, Koia e ke amo ai loa le tua o au aga fakalialia mo au faiaga.