Selemia 13:22 - Tosi Tapu

²² Kapau e ke pati i lou loto : Kolea e soko ai le nea leinei kiate au ? Se tupu ko le lasi o au agasala, Kua kutukutu a tapatapa o lou kofu, Ti kua telefua ou muli vae.

Selemia 13:22 ပူးပေါင်းရင်းမြစ်များ

Esaia 20:4

E ave popula fenaaki loa e le sau o Asilia mei Esipito mo Etiopia a tagata tupulaga mo matua, ala e saele telefua loa mo saele kilii vae loa, ti e fakatekateka loa olatou tua : ko se luma a ia ki Esipito !

Esaia 3:17

E fakaliliu loa e le Eteleno ke tula a tumuaki o ulu o taineliki o Sione, Ti e fakasa loa e le Eteleno lolatou telefua.

Esaia 47:8

Fakalogo mai i le lakaga nei ki le nea leinei, taine fia aliki, A koe leia e ekeeke fia fafine, Ti e pati i lou loto : Ko au fai, ti ko au fai toka tasi ! E leaise kau lokonui loa i se aso, Ti e leaise kau sala fanau loa i se aso !

Selemia 13:26

E kau kutukutu loa lou kofu o kaku ki ou mata, O tupu ke tio ki lou luma.

Selemia 14:16

Ti ko latou ala e lotou kikite ki ai, E tuku mamate loa i ala o Selusalemi, I le oge mo le seleta ; E leaise tasi loa ke tanu ia latou, Latou mo alatou avaga, mo olatou vosa, mo olatou taineliki ; E kau liligi loa kia latou lalatou agaveli.

Selemia 5:19

Kapau e kotou pati loa i le aso lena : Kolea e fai ai e le Eteleno, lomatou Atua, a nea fuli anei kia matou ? E ke tali loa kia latou : Talie na kotou tiaki au, Ti na kotou tausi ki ni atua matapule i lokoutou fenua, Koia e kotou popula loa ki ni matapule i se fenua leia e leaise ko lokoutou fenua.

Tagi laulau a Selemia 1:8

Na liuliuga e Selusalemi ana agasala, Koia leia kua liliu ai a ia ko se nea fakalialia. Ko latou fuli ala na fakaapaapa kiate ia kua vesia kiate ia, i le tio ki lona telefua. Kua tagi a ia totonu, ti e tagaki kese e ia ona mata.

Esekiele 23:26

E lotou too loa ou kofu iate koe, Ti e lotou ave loa ou nea fakateuteu ala na ke teu ki ai.

Oseo 12:8

Ko Efalaimi ko se tagata faikoloa e too ia i lona lima ni fua salasala, Ti e alofa a ia ki le kaka.

Oseo 2:10

Na leaise iloa e ia ko au leia na soli ia kiate ia le fulumeto, mo le vino, ti mo le lolo ; ti na momoli kia Paale le paaga mo le aulo leia na kau soli fakalasi kiate ia.

Oseo 2:3

Kotou pati ki okoutou fetaina : Ami ! (loku kakai) ki okoutou tuagaane : Lusama ! (fafine leia kua tuku ki ai le manava alofa).

Oseo 2:5

Talie ka leai, e kau fakatelefua loa a ia, ti e kau tuku loa a ia pe le aso leia na fanaui ai a ia, ti e kau fakaliliu loa a ia o tatau mo se toafa, mo se kele kaka, ti e kau tuku loa a ia ke mate i le fia inu.

Naume 3:5

Ko leinei, e kau mamafa kiate koe, e folafola le Eteleno o kau tau, E kau sufei loa ou tapai kofu o kaku ki ou mata, E kau fakasa loa lou telefua ki atu puleaga, Ti mo lotou luma atu puleaga sau.

Sofoni 1:12

I le aso lena, e kau ina loa Selusalemi ki ni malama, Ti e kau tautea loa a tagata ala e malolo fakafimalie ofaipe le takele o le vino i le fa poe, Ti e pati i olatou loto : E leaise fai e le Eteleno se malie pe ko se veli.

Tetelonome 18:21

E feala ke ke pati loa i lou loto : Pe feaki loa laku iloa le folafola leia na leaise fakasa loa e le Eteleno ?

Tetelonome 7:17

Kapau e ke pati loa i lou loto : e api ake a puleaga anei iate au, pe feaki loa laku kapu latou ?

Tetelonome 8:17

Ke aua na ke pati loa i se aso i lou loto : ko loku makeke mo le makeke o loku lima leia kua kau maua ai a koloa anei.