Selemia 13:19 - Tosi Tapu

¹⁹ Kua maponopono a kolo o le potu saute, E leaise tasi ke fakamavaa ia latou ; Kua ave popula a Suta katoa, Kua ave katoa a ia o fakapopula.

Selemia 13:19 ပူးပေါင်းရင်းမြစ်များ

Lua tosi o Sau 25:21

Na tamate loa latou e le sau o Papilone i Lipela, i le fenua o Amate.

Uluaki tosi o Koloniko 9:1

Na tosi Iselaele katoa i le tosi sakoga, mo le tosi o sau o Iselaele. Ti na ave popula loa Suta ki Papilone, o tupu ko ana agasala.

Sopo 12:14

Ko le nea leia e maumaui e ia e leaise toe fakatuu loa, Ti ko leia e tapono e ia i le pilisoni, e leaise toe saofaki loa.

Selemia 17:26

E au loa mei kolo o Suta ti mo tafatafa o Selusalemi, Mei le fenua o Pesamino, mei le vaivailiua, Mei le mauga ti mo le potu saute, O aumai ni failaulau mo ni vikitima, O aumai ni moliga mo se iseso, Ti ke momoli ni sakilifisio fakafetai i le fale o le Eteleno.

Selemia 20:4

Talie E folafola le Eteleno, o pati : E kau tuku loa a koe ki le mamae, a koe mo ou kaukau nea fuli ; e lotou mamate loa i le seleta o olatou fili, ti e tio tonu loa ou mata ki ai. E kau tuku foki mo Suta katoa ki lima o le sau o Papilone, ala e ave popula ia loa latou ki Papilone, ti e tamate loa e ia latou ki le seleta.

Selemia 24:1

Na fakatio loa au e le Eteleno ki ni kete fiki e lua ala na teki i mua o le fale tapu o le Eteleno, i le oki o le ave o Sekonia, sau o Suta, vosa o Sosakimi, e Nepukatenesale, sau o Papilone, mei Selusalemi ki Papilone, mo le kau pule o Suta, mo le kau tufuga laakau ti mo le kau tufuga ukamea.

Selemia 28:4

E pati le Eteleno : E kau toe fakaliliu mai loa ki le ganea leinei a Sekonia, vosa o Sosakimi, sau o Suta, mo le kau popula fuli o Suta, ala na ano ki Papilone ; talie e kau fatii loa le amo a le sau o Papilone.

Selemia 32:44

E totogi loa ni faisaga ki le paaga, E fai loa ni pepa fakamaoki, e fakamau loa latou, e too loa ni tagata fakamaoki, I le fenua o Pesamino ti mo tafatafa o Selusalemi, I kolo o Suta, mo kolo o le mauga, I kolo o le toafa, mo kolo o le potu saute ; Talie e kau toe aumai loa olatou kau popula, e pati le Eteleno.

Selemia 33:13

I kolo o le mauga, mo kolo o le potu laumalie, I kolo o le potu saute, I le fenua o Pesamino ti mo tafatafa o Selusalemi, Ti mo kolo o Suta, E toe ano loa a ovi i lalo o le lima o leia e lau ia latou, E pati le Eteleno.

Selemia 39:9

Ti na ave loa e Nepusalatane, pule o le kau leo, o fakapopula i Papilone latou o le kakai ala na nofo i le kolo, mo latou ala na ano kiate ia, ti mo le toetoega o le kakai.

Selemia 52:27

Na taai loa latou e le sau o Papilone, ti na tamate loa latou i Lipela, i le fenua o Amate. Na ave popula loa i ai a Suta, o mamao mei lona fenua.

Selemia 52:28

Ko leinei le kakai leia na ave popula e Nepukatenesale : I le fetuu fitu, ko se kau Sutea e tino afe e tolu tino lua tupu tolu ;

Selemia 52:30

I le fetuu kau lua tupu tolu o Nepukatenesale, na ave loa e Nepusalatane, pule o le kau leo, a kau Sutea e tino lelau e fitu mo le tino fa tupu lima ; ko le katoa ko tino afe e fa mo tino lelau e ono.

Tagi laulau a Selemia 1:3

Kua ano Suta ki le popula, vikitima o le taomia mo popula lasi ; Kua nofo a ia i loto malie o atu puleaga, Ti e leaise maua fua e ia se malolo i ai ; Na fakamautoka a ia i lona mamae e latou fuli ala na fakaveliveli kiate ia.

Sakalia 7:7

Pe leaise kotou iloa a folafola ala na fakasa e le Eteleno i ana kau polofeta mua, i le temi leia na nofoi ai mo fimalie ai Selusalemi mo ona kolo liliki fuli, ti na nofoi ai foki mo le potu saute mo le potu toafa o le fenua ?

Tetelonome 28:15

Kae kapau e leaise ke fakalogo loa ki le leo o le Eteleno, lou Atua, ti kapau e leaise ke tausi loa ti mo fai loa ana folafola fuli mo ana lao fuli ala e kau tuku atu kiate koe i le aso nei, ko nei loa malaia fuli ala e au loa kiate koe o fakaapele a koe :

Tetelonome 28:52

E taui loa e ia a koe i kolo fuli ala e tuku atu loa kiate koe e le Eteleno, lou Atua. E lotou taui loa a koe o kaku ki le siga ki lalo o kaua makeke ala e ke mumuni ai i muli ti na ke fanaki ki ai.

Sosue 18:5

E lotou vae fitu loa le fenua. E nofo loa a Suta i ona koiga i le saute, ti e nofo loa a Sosefo i ona koiga i le noleto.