Selemia 13:17 - Tosi Tapu

¹⁷ Kapau e leaise kotou fakalogo, E kau tagi fakafufu loa, o tupu ko lokoutou fia nealasi ; E tafe loa a loimata i oku mata, Talie e ave popula loa le kau manu a le Eteleno.

Selemia 13:17 ပူးပေါင်းရင်းမြစ်များ

Pesalemo 119:136

E liligi e oku mata ni vaitafe, Talie e leaise tausi fua lau lao.

Pesalemo 80:1

Ki le pule o le kau sua. I lilio fakaaloalofa. A Asafe. Pesalemo.

Esaia 63:11

Ti na manatui loa e lona kakai a aso mago o Moisese. Kofea leia na fakamavae ia latou i le tai, Mo le tagata tausi o lana kau manu ? Kofea leia na tuku ia ki loto malie o latou lona Laumalie maokioki ;

Selemia 14:17

Fakasa kia latou le folafola lena : E tafe a loimata i oku mata i le po mo le ao, Ti ke leaise toe gato lona sali, Talie ko le taine taupoou o loku kakai na taai o veli, E mamae ai lona lavea.

Selemia 15:17

Na leaise kau tonatona fua i le fakatasi a le kau gologolo, o tupu ke kau fakafiafia mo latou ; Kae na kau tonatona toka tasi, o tupu ko lou mafimafi, Talie na fakaapele au ki lou sausau.

Selemia 17:16

Ti ko au, i laku fakalogo kiate koe, na leaise kau fakafiti ke kau liliu ko le tagata tausi ovi ; Na leaise kau oli foki ki le aso o le malaia, e ke iloa a ia ; Ko le nea leia na mavae mei oku laugutu e tuu i ou mua.

Selemia 22:5

Kae kapau e leaise kotou fakalogo ki folafola anei, e kau fakapapau iate au totonu, e pati le Eteleno, e maumaui loa le fale leinei.

Selemia 23:1

Malaia ki tausi manu ala e maumaui ia mo fakamavete ia Le kau manu o loku lotoa ! e pati le Eteleno.

Selemia 23:2

Koia e folafola ai le Eteleno, le Atua o Iselaele, o pati Ki tagata tausi manu ala e fagai ia loku kakai : Na kotou fakamavete laku kau ovi, na kotou kapu latou, Na leaise kotou tokaga kia latou. Ko leinei, e kau tautea loa koutou o tupu ko le agaveli o akoutou gaoi, E pati le Eteleno.

Selemia 9:1

Oi ! ka na apele loku ulu i le vai, Ka na fai oku mata pe se matapuna loimata, E kau tagi loa i le ao mo le po Ki mate o le taine o loku kakai !

Tagi laulau a Selemia 1:16

Koia leia e kau tagi ai, ti e sasali ai oku loimata ; Talie kua fakamamao iate au, leia e fakapelepele ia loa au, Leia e toe fakamakeke ia loa loku mauli. Kua mamae oku vosa, talie kua malo le fili.

Tagi laulau a Selemia 1:2

E tagi a ia i le pouli, Ti kua apele ona kalaafau i loimata ; E leaise tasi e fakapelepele ia a ia ia latou fuli ala na alofa kiate ia ; Kua agatuu ona kaukau nea fuli kiate ia, Kua lotou liliu ko ona fili.

Tagi laulau a Selemia 1:9

Na maua le kelekele i kapa o lona kofu, ti na leaise manatu a ia ki lona fakaoki ; Na vilo fakapunamauli a ia, ti e leaise tasi e fakapelepele ia a ia. Tio ki loku mativa, ei Eteleno ! E lasi ai le matasoka o le fili !

Tagi laulau a Selemia 2:18

E tagi olatou loto ki le Aliki… Paa o le taine o Sione, tuku ke tafe ou loimata i le ao mo le pouli ! Aua na ke toe manavanava, Ti aua na toe moe ou mata !

Tagi laulau a Selemia 3:48

E tafe ni vaitafe mei oku mata, O tupu ko le maumaui o le taine o loku kakai.

Esekiele 24:16

Vosa o le tagata, ko leinei, e kau too iate koe ki se mate fakaofolele, le fiafiaaga o ou mata. Aua na ke tagi laulau loa, aua na ke tagi loa, ti aua na sali loa ou loimata.

Esekiele 34:31

Ko koutou, ko aku ovi, ko ovi o loku lotoa, ko koutou ko ni tagata ; ko au, ko lokoutou Atua, e pati le Aliki, le Eteleno.

Esekiele 36:38

I aso lalasi, na apele Selusalemi i manu o sakilifisio, ala ko ni kau manu katoa. E toe apele tatau loa okoutou kolo ala na maumaui ko tagata. Ti e lotou iloa loa ko au ko le Eteleno.

Esekiele 9:4

Na pati loa le Eteleno kiate ia : Ano i le loto kolo, i loto o Selusalemi, ti ke fai se fakamailoga i lae o tagata ala e mamae ti mo tagi o tupu ko nea fakalialia fuli ala e fai i ai.

Malakia 2:2

Kapau e leaise kotou fakalogo, kapau e leaise kotou tokaga i lokoutou loto katoa O tuku le kololia ki loku suafa, e pati le Eteleno o kau tau, E kau kakau loa kia koutou le malaia, Ti e kau fakaliliu loa a tapuakina ala na kau fakapapau atu kia koutou ko ni malaia ; Io, e kau fakaliliu loa latou ko ni malaia, talie e leaise kotou tokaga ki ai i lokoutou loto katoa.

Uluaki tosi a Samuele 15:11

Kua kau fakasemala i laku fakanofo Saulo ke sau, talie kua maliu kese a ia iate au ti e leaise tausi e ia aku folafola. Na mamae ai a Samuele, ti na tagi loa a ia ki le Eteleno i le po katoa.

Uluaki tosi a Samuele 15:35

Na leaise toe ano loa Samuele o fakafelavei kia Saulo o kaku ki lona mate ; talie na tagi Samuele o uiga mo Saulo, kae na fakasemala loa le Eteleno i lana fakanofo Saulo ko le sau o Iselaele.